இந்தியாவில் கொரோனா இறப்பு குறைவு… இந்த சூழலில் புதிய மனநிலை தேவை – பிரதமர் மோடி பேச்சு

அமெரிக்க இந்திய உத்திகள் வகுத்தல் மற்றும் பங்கேற்றல் அமைப்பின் (யு.எஸ்.ஐ.எஸ்.பி.எஃப்) மூன்றாவது தலைமைத்துவ உச்சி மாநாட்டில் பேசிய பிரதமர் நரேந்திர மோடி, நாட்டில் குறைந்த அளவிலான கோவிட் இறப்பு விகிதத்தை குறிப்பிட்டுக் கூறினார். மேலும், இதற்கு கட்டாயம் முகக் கவசம் அணிதல், சமூக இடைவெளியைக் கடைபித்தல் ஆகிய தொற்றுநோயைக் கையாளும் நாட்டின் முயற்சிகளே காரணம் என்று பிரதமர் மோடி கூறினார்.

உச்சி மாநாட்டில் பேசிய பிரதமர் மோடி, “இந்தியா 1.3 பில்லியன் மக்கள் தொகையையும் வரையறுக்கப்பட்ட வளங்களையும் கொண்ட நாடு. உலக அளவில் ஒரு மில்லியனுக்கு மிகவும் குறைவான இறப்பு விகிதத்தைக் கொண்ட நாடுகளில் ஒன்று. கொரோனாவில் இருந்து மீண்டு வருபவர்களின் வீதமும் சீராக உயர்ந்து வருகிறது” என்று கூறினார். தொடர்ந்து பேசிய அவர், “2020ம் ஆண்டு தொடங்கியபோது இந்த ஆண்டு இவ்வாறு அமையும் என்று யாரும் எதிர்பார்க்கவில்லை. இந்த உலகளாவிய தொற்றுநோய் அனைவரையும் பாதித்துள்ளது. இது நம்முடைய பின்னடைவு. இது நம்முடைய பொது சுகாதார அமைப்பு மற்றும் பொருளாதார அமைப்பை சோதிக்கிறது. தற்போதைய நிலைமை புதிய மனநிலையை கோருகிறது. அங்கு வளர்ச்சிக்கான அணுகுமுறை மனித மையமாக உள்ளது” என்று பிரதமர் மோடி கூறினார்.

அரசு பொது மற்றும் தனியார் துறையில் வழங்க வேண்டிய வாய்ப்புகளை விவரித்த பிரதமர் மோடி, இந்தியாவை ஜனநாயகம் மற்றும் பன்முகத்தன்மையில் அர்ப்பணிப்பு கொண்ட ஒரு நாடு என்று பாராட்டினார்.

மேலும், “முன்னோக்கி செல்லும் பாதையில் பொது மற்றும் தனியார் துறையில் வாய்ப்புகள் நிறைந்துள்ளது. அவை முக்கிய பொருளாதாரத் துறைகளையும் சமூகத் துறைகளையும் உள்ளடக்குகின்றன. நிலக்கரி, சுரங்கம், ரயில்வே, பாதுகாப்பு, விண்வெளி மற்றும் அணுசக்தி ஆகியவை சமீபத்திய துறைகளில் திறக்கப்பட்டுள்ளன” என்றார்.

தற்போதைய சவாலான சூழலில் அமெரிக்க-இந்தியா உறவுகள் குறித்து பேசிய மோடி, 1.3 பில்லியன் மக்கள் வசிக்கும் நாடு ஒரு பயணத்தை மேற்கொண்டுள்ளது. ‘ஆத்மநிர்பார் பாரத்’அல்லது தன்னம்பிக்கை இந்தியாவை உருவாக்குவது. உலகளாவிய சக்தி பெருக்கமாக இந்தியாவின் வலிமையை உறுதி செய்கிறது. எங்கள் இலக்கு உலகளாவிய நன்மைக்கு என்பதை இந்தியா மீண்டும் மீண்டும் காட்டுகிறது” என்று பிரதமர் மோடி கூறினார்.

“இந்த தொற்றுநோய் பல விஷயங்களை பாதித்துள்ளது. ஆனால், அது 1.3 பில்லியன் இந்தியர்களின் அபிலாஷைகளையும் லட்சியங்களையும் பாதிக்கவில்லை. சமீபத்திய மாதங்களின் சீர்திருத்தங்களை அடைவதற்கு வெகு தொலைவு உள்ளன. அவை வியாபாரத்தை எளிதாக்குகின்றன கட்டுப்பாடுகளைக் குறைக்கின்றன” என்று பிரதமர் கூறினார்.

சரக்கு மற்றும் சேவை வரி (ஜிஎஸ்டி) வடிவத்தில் ஒரு வெளிப்படையான மற்றும் கணிக்கக்கூடிய வரி நிர்வாகத்தை நாடு வழங்குவது குறித்தும் பிரதமர் பேசினார். “எங்கள் ஜிஎஸ்டி ஒரு ஒருங்கிணைந்த, முழுமையாக தகவல் தொழில்நுட்பத்தால் இயக்கப்பட்ட மறைமுக வரி முறையாகும். நாட்டில் தொழிலாளர் சீர்திருத்தங்கள் முதலாளிகளுக்கான இணக்க சுமையை குறைக்கும். தொழிலாளர்களுக்கு சமூக பாதுகாப்பு பாதுகாப்பையும் வழங்கும்” என்றும் கூறினார்.

Get all the Latest Tamil News and Tamil Nadu News at Indian Express Tamil. You can also catch all the latest Tamil India News by following us on Twitter and Facebook