யோகா, வெதுவெதுப்பான நீர்… கொரோனாவில் மீண்டவர்களுக்கு புதிய நெறிமுறைகள் அறிவிப்பு

வெதுவெதுப்பான நீர், பாலுடன் ஒரு சியாவன்பிராஷ் லேகியம் ஆகியவை அமைச்சகத்தின் பரிந்துரைகளில் இடம்பெற்றுள்ளன

By: Updated: September 13, 2020, 06:22:34 PM

நாடு முழுவதும் கொரோனா தொற்று பாதிப்புகள் அதிகரித்து வரும் நிலையில், மத்திய சுகாதார அமைச்சகம் ‘கோவிட் -19க்குப் பிந்தைய மேலாண்மை நெறிமுறையை வெளியிட்டது. தினசரி யோகா பயிற்சி, காலை அல்லது மாலை நடைப்பயிற்சி, வெதுவெதுப்பான நீர், பாலுடன் ஒரு சியாவன்பிராஷ் லேகியம் ஆகியவை அமைச்சகத்தின் பரிந்துரைகளில் இடம்பெற்றுள்ளன.

அமைச்சகத்தின் முக்கிய பரிந்துரைகள்:

முகக்கவசம் , கை மற்றும் சுவாச ஆரோக்கியத்தைப் பேணுதல் மற்றும் சமூக விலகல் நெறிமுறையை கடைபிடிக்க வேண்டும்;

வெதுவெதுப்பான நீரைக் குடிக்க வேண்டும்;

கொரோனா தொற்றுக்கு எதிராக ஆயுஷ்  அமைச்சகம் பரிந்துரைத்த நோய் எதிர்ப்பு சக்தி மருந்துகளை எடுத்துக் கொள்ளலாம்;

உடல்நலம் நன்றாக இருந்தால் வீட்டு வேலைகள் செய்யலாம். தொழில்முறை பணிகள் படிப்படியாக மேற்கொள்ள வேண்டும்;

யோகாசனம் மற்றும் பிராணயாமா போன்ற பயிற்சிகளை மேற்கொள்ளலாம்.  தினசரி  நடைபயிற்சி, உடல்நலத்திற்கு ஏற்றவாறு லேசான முதல் மிதமான உடற்பயிற்சியையும் மேற்கொள்ளல்லாம்;

சமவிகித மற்றும் சத்தான உணவு, போதிய தூக்கம் மற்றும் ஓய்வு  ஆகியவற்றையும் வழிகாட்டுதல்கள் பரிந்துரைக்கின்றன;

மது, புகையிலை, போதைப்பொருள்களை தவிர்க்க வேண்டும்;

மருத்துவர்களின் பரிந்துரையின்படி, கொரோனா தொற்று மற்றும் இணை நோய்களுக்கு  மருந்துகளை எடுத்துக் கொள்ள வேண்டும்;

உடல் வெப்பநிலை, இரத்த அழுத்தம், இரத்த சர்க்கரை அளவு போன்றவற்றை வீட்டில் இருந்தாவாறே  கண்காணிக்கவும்;

தொடர்ந்து வறட்டு இருமல் / தொண்டை வலி ஏற்பட்டால்,  நீராவியை உள்ளிழுக்கவும்;

உயர் தர காய்ச்சல், மூச்சுத் திணறல், விவரிக்கப்படாத மார்பு வலி போன்ற எச்சரிக்கை அறிகுறிகளை தொடர்ந்து கண்காணிக்க வேண்டும்.

கட்டுரையை ஆங்கிலத்தில் படிக்க இங்கே கிளிக் செய்யவும்

மருத்துவமனைகளில் கடைப்பிடிக்க வேண்டிய பரிந்துரைகள்: 

சிகிச்சை மேற்கொள்ளப்பட்ட மருத்துவமனையில் இருந்து வீடு திரும்பிய 7 நாட்களுக்குள் (நேராகவோ / தொலைபேசி வாயிலாகவோ) முதற்கட்ட  செக்அப்  செய்யப்பட வேண்டும்.

முதற்கட்ட செக்-அப்  சிகிச்சைக்குப் பின், மேலதிக மருத்துவ விசாரணைக்கு அருகிலுள்ள தகுதிவாய்ந்த அலோபதி / ஆயுஷ் மருத்துவரிடம் செல்லலாம்.

பல சிகிச்சை முறைகள் தவிர்க்கப்பட வேண்டும்.

ஏதேனும் அறிகுறிகளைத் தொடர்ந்து அனுபவித்தால் அருகிலுள்ள சுகாதார நிலையத்திற்குச் செல்ல வேண்டும்.

 

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil

Get all the Latest Tamil News and Tamil Nadu News at Indian Express Tamil. You can also catch all the latest Tamil India News by following us on Twitter and Facebook

Web Title:Post covid management protocol for covid recovering patients

The moderation of comments is automated and not cleared manually by tamil.indianexpress.com.
Advertisement

விடைபெற்ற எஸ்.பி.பி.
X