பறிமுதல் செய்யப்பட்ட குரு கிரந்த் சாஹிப் பிரதிகள்; இந்தியாவுக்கு திருப்பி அனுப்பிய கத்தார்

கத்தாரில் உள்ள அதிகாரிகளிடம் 2 ஸ்வரூப்கள் அல்லது குரு கிரந்த் சாஹிப்பின் பிரதிகள் கைப்பற்றப்பட்ட விவகாரத்தை இந்தியா எடுத்துக் கொண்ட சில நாட்களுக்குப் பிறகு, அவைகள் புதன்கிழமை தோஹாவில் உள்ள இந்திய தூதரகத்திற்குத் திருப்பி அனுப்பப்பட்டது.

ஆங்கிலத்தில் படிக்க: Qatar returns confiscated Guru Granth Sahib copies to India

உள்ளூர் சட்டங்கள் மற்றும் விதிமுறைகளின்படி, அவர்களின் அனுமதியின்றி மத நிறுவனத்தை நடத்தியதாக குற்றம் சாட்டப்பட்ட இரண்டு நபர்களிடமிருந்து சீக்கியர்களின் புனித புத்தகத்தின் இரண்டு ஸ்வரூப்களை கத்தார் அதிகாரிகள் பறிமுதல் செய்ததால் சர்ச்சை எழுந்தது. 2023 டிசம்பரில் நடந்த இந்த சம்பவம், சீக்கிய தலைவர்களிடையே கவலையை ஏற்படுத்தியது.

அவைகள் திரும்பி வருவதை அறிவித்த வெளியுறவு அமைச்சகம் புதன்கிழமை வெளியிட்ட அறிக்கையில், “ஒப்புதல்கள் இல்லாமல் மத ஸ்தாபனத்தை நடத்துவது தொடர்பான வழக்கில் இந்திய நாட்டவரிடமிருந்து எடுக்கப்பட்ட ஸ்ரீ குரு கிரந்த் சாஹிப்பின் இரண்டு ஸ்வரூப்கள் தோஹாவில் உள்ள எங்கள் தூதரகத்திடம் கத்தார் அதிகாரிகள் இன்று ஒப்படைத்துள்ளனர். இதற்காக நாங்கள் கத்தார் அரசுக்கு நன்றி தெரிவித்துக் கொள்கிறோம்.” என்று தெரிவித்துள்ளது.

கத்தார் அல்லது பிற நாடுகளில் வசிக்கும் அனைத்து இந்திய குடிமக்களுக்கும் எல்லா விஷயங்களிலும் உள்ளூர் சட்டங்கள் மற்றும் ஒழுங்குமுறைகளை கவனமாக பின்பற்ற வேண்டும் என்று வெளியுறவு அமைச்சகம் வேண்டுகோள் விடுத்துள்ளது.

இந்த விவகாரம் தொடர்பான ஊடகங்களின் கேள்விகளுக்கு பதிலளித்த வெளியுறவு அமைச்சக செய்தித் தொடர்பாளர் ரந்தீர் ஜெய்ஸ்வால் கடந்த வெள்ளிக்கிழமை,  “இந்த விவகாரத்தை கத்தார் தரப்புடன் இந்தியா ஏற்கனவே எடுத்துக்கொண்டுள்ளது, மேலும், இது தொடர்பாக தோஹாவில் உள்ள சீக்கிய சமூகத்தை நம்முடைய தூதரகம் முன்னறிவித்துள்ளது” என்றார்.  “நம்முடைய தூதரகம் உள்ளூர் சட்டங்கள் மற்றும் ஒழுங்குமுறைகளின் வரம்பிற்குள் சாத்தியமான அனைத்து உதவிகளையும் வழங்கியது. அவைகளில் ஒன்று கத்தார் அதிகாரிகளால் திருப்பி அனுப்பப்பட்டது. மற்றொருவரும் ஸ்வரூப்பும் மரியாதையுடன் வைக்கப்படும் என்று உறுதியளிக்கப்பட்டது” என்று ஜெய்ஸ்வால் கூறினார்.

ஷிரோமணி குருத்வாரா பர்பந்தக் கமிட்டியின் (எஸ்ஜிபிசி) தலைவர் ஹர்ஜிந்தர் சிங் தாமி, வெளியுறவு அமைச்சர் எஸ். ஜெய்சங்கர் மற்றும் கத்தாருக்கான இந்தியத் தூதர் ஆகியோர் பறிமுதல் செய்யப்பட்ட ஸ்வரூப்களை விடுவிக்க தலையிடுமாறு வலியுறுத்திய நிலையில், பதிண்டா எம்.பி ஹர்சிம்ரத் கவுர் பாதல் கடந்த வாரம் அதைப் பற்றி வெளியுறவு அமைச்சருக்கு கடிதம் எழுதினார். 

ஸ்வரூப்களை அவற்றின் அசல் இடத்தில் மீண்டும் நிறுவ வேண்டும் என்று தாமி அழைப்பு விடுத்தார். ஐக்கிய அரபு எமிரேட் போன்ற பிற இஸ்லாமிய நாடுகளில் அனுமதிக்கப்பட்ட குருத்வாராக்களை கத்தாரில் நிறுவுமாறு வேண்டுகோள் விடுத்தார்.

கத்தாரில் உள்ள சீக்கியர்கள் அர்ப்பணிக்கப்பட்ட குருத்வாராக்களில் தங்கள் மதத்தைப் பின்பற்றுவதற்கான சுதந்திரத்தைப் பெற வேண்டியதன் அவசியத்தை பாதல் வலியுறுத்தினார். “கத்தாரில் போலீஸ் காவலில் இருந்து ஸ்ரீ குரு கிரந்த் சாஹிப் ஜியின் இரண்டு ‘ஸ்வரூப்’களை விடுவிப்பது தொடர்பான பிரச்சினையை எடுத்துக் கொள்ள எஸ் ஜெய்சங்கரிடம் முறையீடு செய்யப்பட்டது. சமூகத்தால் வாழும் குருவாகக் கருதப்படும் ஸ்ரீ குரு கிரந்த சாஹிப் ஜி அவர்கள் ஒரு வழக்குச் சொத்தாக ஆக்கப்பட்டதைக் கண்டு கத்தாரின் சீக்கிய ‘சங்கத்’ அதிர்ச்சியிலும் வேதனையிலும் இருப்பதாக அவருக்குத் தெரிவித்தேன்” என்று அவர் எக்ஸ் பதிவில் கூறினார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“