ராகுல் காந்திக்கு திடீர் உடல்நலக் குறைவு; ராஞ்சி பேரணியில் பங்கேற்க மாட்டார் என காங்கிரஸ் அறிவிப்பு

ராஞ்சியில் நடைபெறும் இந்தியா கூட்டணி பேரணியில் பங்கேற்கவிருந்த காங்கிரஸ் தலைவர் ராகுல் காந்திக்கு, “திடீரென்று உடல்நலக்குறைவு ஏற்ப்பட்டதால், தற்போது புதுதில்லியை விட்டு வெளியேற முடியாததால், அவர் பங்கேற்க முடியாது” என்று அக்கட்சியின் தலைவர் ஜெய்ராம் ரமேஷ் வெள்ளிக்கிழமை தெரிவித்தார்.

ஆங்கிலத்தில் படிக்க: Rahul Gandhi unwell, to miss INDIA bloc rally in Ranchi: Jairam Ramesh

காங்கிரஸ் தலைவர் மல்லிகார்ஜுன் கார்கே, மத்தியப் பிரதேசத்தின் சத்னாவில் பொதுக் கூட்டத்தில் உரையாற்றிய பிறகு ராஞ்சி பேரணியில் கலந்துகொள்வார் என்று ஜெய்ராம் ரமேஷ் கூறினார்.

“இந்தியா கூட்டணி பேரணி நடைபெறும் சத்னா மற்றும் ராஞ்சியில் இன்று ஸ்ரீ ராகுல் காந்தி பிரச்சாரம் செய்ய தயாராக இருந்தார். அவருக்கு திடீரென உடல்நலக்குறைவு ஏற்பட்டதால், தற்போது புதுடெல்லியை விட்டு வெளியேற முடியவில்லை” என்று காங்கிரஸ் பொதுச் செயலாளர் பொறுப்பாளர் ஜெய்ராம் ரமேஷ் தெரிவித்தார்.

"காங்கிரஸ் தலைவர் ஸ்ரீ மல்லிகார்ஜுன் கார்கே ஜி, சத்னாவில் ஒரு பொதுக் கூட்டத்தில் உரையாற்றிய பிறகு, ராஞ்சி பேரணியில் நிச்சயமாக கலந்து கொள்கிறார்," என்று ஜெய்ராம் ரமேஷ் கூறினார்.

கார்கேவைத் தவிர, ஆர்.ஜே.டி தலைவர் லாலு பிரசாத், டெல்லி முதல்வர் அரவிந்த் கெஜ்ரிவாலின் மனைவி சுனிதா மற்றும் ஜார்க்கண்ட் முன்னாள் முதல்வர் ஹேமந்த் சோரனின் மனைவி கல்பனா ஆகியோர் ராஞ்சியில் ஞாயிற்றுக்கிழமை நடைபெறும் 'உல்குலன் நியாய்' பேரணியில் உரையாற்றுவார்கள் என்று எதிர்பார்க்கப்படுகிறது. 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“