![Atal Bihari Vajpayee, rahul gandhi atal bihari vajpayee, அடல் பிஹாரி வாஜ்பாய் நினைவிடத்திற்கு சென்ற ராகுல் காந்தி, காங்கிரஸ், பாஜக, வாஜ்பாய், பாரத் ஜோடோ யாத்திரை, சென்றதற்கான 5 காரணங்கள், atal bihar vajpayee rahul gandhi, Rahul Gandhi Bharat Jodo Yatra, Rahul Gandhi Vajpayee memorial visit, Tamil Indian Express news](https://img-cdn.thepublive.com/fit-in/1280x960/filters:format(webp)/tamil-ie/media/media_files/uploads/2022/12/Rahul-Gandhi-PP.jpg)
பாரத் ஜோடோ யாத்திரையின் அன்புச் செய்தி, கடும்போக்கைக் கைவிட்டு ஆதரவு தளத்தை விரிவுபடுத்த வேண்டியதன் அவசியத்தை ஒப்புக்கொள்கிறது. வாஜ்பாய்க்கு எதிராக மோடியை நிறுத்துவது, பழைய காலத்திற்கு திரும்புவது - இவை எல்லாம் ராகுல் காந்தி சென்றதற்கான காரணிகளாக இருந்தன.
காங்கிரஸ் தலைவர் ராகுல் காந்தி திங்கள்கிழமை தனது பாரத் ஜோடோ யாத்திரையின் இடைவேளையில், டெல்லியில் உள்ள மகாத்மா காந்தி, தலித் தலைவர் ஜெகஜீவன் ராம், முன்னாள் பிரதமர்கள் உட்பட பல தலைவர்களின் நினைவிடங்களைச் சுற்றி வந்து அஞ்சலி செலுத்தியது ஆச்சரியத்தை ஏற்படுத்தியுள்ளது. ராகுல் காந்தி அஞ்சலி செலுத்திய இடங்களில் சதைவ் அடல், நரேந்திர மோடிக்கு முன் பா.ஜ.க-வின் ஒரே பிரதமராக இருந்த அடல் பிஹாரி வாஜ்பாயின் நினைவிடமும் ஒன்று.
பா.ஜ.க மற்றும் ஆர்.எஸ்.எஸ்-க்கு எதிராக உறுதியாக நிற்கும் சிலரில் ஒருவராக அடிக்கடி தன்னைப் பற்றிக் கூறும் ராகுல் காந்தி, வாஜ்பாய்க்கு விதிவிலக்கு அளித்ததற்கு 5 சாதகமான காரணங்களை இங்கே பார்க்கலாம்.
1.‘ஜோடோ ஜோடோ, பாரத் ஜோடோ’
ராகுல் காந்தி தலைமையில் நாடு முழுவதும் நடத்தப்படும் ‘பாரத் ஜோடோ யாத்திரை’யின் குறிக்கோள், “இந்தியாவை ஒற்றுமையாக்கி ஒன்றிணைந்து தேசத்தை வலுப்படுத்துவது” ஆகும். ராகுல் காந்தி இந்த உணர்வோடுதான் வாஜ்பாய் நினைவிடத்துக்குச் சென்றார் என்று அக்கட்சி திங்கள்கிழமை கூறியது. காங்கிரஸ் செய்தித் தொடர்பாளர் சுப்ரியா ஷ்ரினேட் கூறுகையில், ராகுலின் வருகை, அரசியல் விசாலமான இதயத்துடன் நடத்தப்படுவதைக் குறிக்கிறது. இந்த யாத்திரையின் போது, பா.ஜ.க தொண்டர்களை எதிர்கொண்டபோது, அவர்களில் சிலர் கூச்சலிட்டனர், ராகுல் காந்தி அவர்கள் மீது முத்தங்களை பறக்கவிட்டு பதிலளித்தார். பா.ஜ.க-வால் வளர்க்கப்பட்ட வெறுப்பு சந்தையில் ஒரு மில்லியன் அன்பின் கடைகளை இந்த யாத்திரை உருவாக்கியுள்ளது என்று ராகுல் காந்தி வலியுறுத்துகிறார்.
2.கடும்போக்கை கைவிடுவது?
காங்கிரசுக்குள், ராகுல் காந்தி தன்னை ஒரு கடும்போக்குவாதியாக நிலைநிறுத்திக் கொண்டார். தனது அடிப்படை சித்தாந்த நம்பிக்கைகளில் எந்த நெகிழ்வையும் காட்டவில்லை. உதாரணமாக, காங்கிரஸ் தலைவர்கள் கட்சியை விட்டு விலகி பா.ஜ.க-வுக்கு மாறியது குறித்து, “பா.ஜ.க மற்றும் ஆர்.எஸ்.எஸ் அச்சுறுத்தலைக் கண்டு பயப்படுபவர்களைப் பற்றி கவலையில்லை என்று ராகுல் காந்தி கூறியுள்ளார். 2018-ம் ஆண்டில், முன்னாள் குடியரசுத் தலைவரும், மூத்த காங்கிரஸ் தலைவர் பிரணாப் முகர்ஜி ஆர்.எஸ்.எஸ் தலைமையகத்திற்குச் சென்றதும், மறைந்த காங்கிரஸ் மூத்த தலைவர் அகமது படேல் சோனியா காந்தியின் ஆசீர்வாதத்தைப் பெற்றதாகக் கூரிய கருத்தால் கட்சியில் பின்னடைவை ஏற்படுத்தியது. இருப்பினும், காங்கிரஸில் உள்ள பலர், கட்சியை நல்ல நிலையில் வைத்திருக்க மிதவாத அணுகுமுறைக்கு திரும்ப வேண்டியதன் அவசியத்தை ஆதரித்து வருகின்றனர். சமீப காலமாக, அக்கட்சி கடுமையான போக்கை மென்மையாக்க முயற்சித்து வருகிறது. ராகுல் காந்தியும் இந்த மாற்றத்தைக் குறிப்பிடுகிறார்.
டெல்லி யாத்திரையின் போது செங்கோட்டைக்கு வெளியே அவர் ஆற்றிய உரையில், பா.ஜ.க-வின் வகுப்புவாத அரசியலைப் பற்றி பேசிய ராகுல் காந்தி, மக்களின் வாழ்வாதாரப் பிரச்னையைப் பற்றி பேசினார். எதிர்நிலைகளை உருவாக்கும் அரசியலுக்குப் பின்னால் உள்ள உண்மையான நோக்கம் மக்களின் வாழ்க்கையை உண்மையாக பாதிக்கும் பிரச்சினைகளில் இருந்து திசை திருப்புவது என்று அவர் கூறினார். விலைவாசி உயர்வுக்கு எதிரான யாத்திரையீன் மேடையில் இருந்து "இந்துக்கள் vs இந்துத்துவவாதிகள்" என்ற விவாதத்தை எழுப்பிய விதம், 2021 குளிர்காலத்தில் இருந்து ஒரு தெளிவான போக்காக உள்ளது.
3.காங்கிரஸ் ஆதரவு தளத்தை விரிவுபடுத்துதல்
2014 மற்றும் 2019 பொதுத் தேர்தல்களில், காங்கிரஸின் வாக்குகள் 19 சதவீதத்திற்கு சற்று அதிகமாகவே இருந்தது. 8 முதல் 10 விழுக்காடு வரை கௌரவமான பங்கை அதிகரிக்க வேண்டுமானால், ஐக்கிய முற்போக்குக் கூட்டணியின் கடைசி ஆண்டுகளில் பா.ஜ.க-வை ஆதரிக்கத் தொடங்கியவர்களைக் களைய வேண்டும் என்ற உணர்வு கட்சிக்குள் அதிகரித்து வருகிறது. ஐக்கிய முற்போக்கு கூட்டணி ஊழல் குற்றச்சாட்டுகள் மற்றும் கொள்கை முடக்கம் ஆகியவற்றால் பாதிக்கப்பட்டது. ஆனால், அவர்கள் பா.ஜ.க-வின் இந்துத்துவா நிகழ்ச்சி நிரலில் மயங்கிக் கிடந்ததால் அவசியமில்லாமல் போனது. கடந்த காலங்களில் ராகுல் காந்தி கூறியதைப் போல இல்லாமல், அனைத்து பா.ஜ.க வாக்காளர்களும் பா.ஜ.க அல்லது பிரதமர் மோடியின் கண்மூடித்தனமான ஆதரவாளர்கள் அல்ல என்பதை காங்கிரஸ் மறைமுகமாக ஒப்புக்கொள்கிறது.
4.இந்துத்துவா அடையாளம் மோடி vs மிதவாதி வாஜ்பாய்
ஆர்.எஸ்.எஸ் கூடாரத்தில் இருந்து வந்தாலும், கவிஞர்-பிரதமர் என்ற பிம்பத்துடன் குறுக்கு வழிகளில் செல்வதை அதிகம் நினைக்காத பழைய தலைமுறை அரசியல்வாதிகளை சேர்ந்தவர் வாஜ்பாய். உண்மையில், ஒரு கூட்டணி அரசாங்கத்தை நடத்துவதற்கான நிர்பந்தங்களும் அழுத்தங்களும் வாஜ்பாய்க்கு சில வாய்ப்புகளை விட்டுச் சென்றன. ஆனால், அது மெதுவாக நடக்க வேண்டியிருந்தது. 1998-2004-க்கு இடையில், பாஜக தலைமையிலான தேசிய ஜனநாயகக் கூட்டணி ஆட்சியில் இருந்தபோது, பல சந்தர்ப்பங்களில் காவி கட்சிக்கும் காங்கிரஸுக்கும் இடையே மோதல் ஏற்பட்டது. 2003-ம் ஆண்டில், நாடாளுமன்றத்தில் உரையாற்றிய வாஜ்பாய், சோனியா தலைமையிலான காங்கிரஸ் தனது அரசாங்கத்தை திறமையற்ற, உணர்ச்சியற்ற, பொறுப்பற்ற மற்றும் வெட்கக்கேடான ஊழல் என்று கூறியதற்கு கடும் எதிர்ப்பு தெரிவித்தார்.
இருப்பினும், மோடியின் எழுச்சியுடன் ஒப்பிட்டு, வாஜ்பாயால் பிரதிநிதித்துவப்படுத்தப்பட்ட மென்மையான போக்கை கடைபிடித்த பா.ஜ.க-வை காங்கிரஸ் பாராட்டியது. 2014 பொதுத் தேர்தலுக்கு முன்னதாக, பா.ஜ.க-வின் பிரதமர் வேட்பாளராக மோடி அறிவிக்கப்பட்ட நிலையில், உத்தரப் பிரதேசத்தில் நடைபெற்ற தேர்தல் கூட்டத்தில் சோனியா கூறியதாவது: நாடு பல பிரதமர்களைக் கண்டுள்ளது. அவர்கள் கண்ணியமான மனிதர்களாக இருந்தனர். பா.ஜ.க-வின் அடல் பிஹாரி வாஜ்பாய் கூட பிரதமர் பதவியின் அலங்காரத்தை கடைப்பிடித்தார். 2018-ம் ஆண்டில், மோடி-அமித்ஷா தலைமையிலான-பாஜக “வாஜ்பாய்ஜி, அத்வானிஜி, ஜஸ்வந்த் சிங்ஜி” ஆகியோரை அவமானப்படுத்தியதாக ராகுல் குற்றம் சாட்டினார். காங்கிரஸ் செய்தித் தொடர்பாளர் சுப்ரியா ஷ்ரினேட், “மோடி அரசாங்கம் நடைமுறைப்படுத்தும் சித்தாந்தத்தின் விஷ வடிவத்தை வாஜ்பாய் ஊக்குவிக்கவில்லை” என்று திங்கள்கிழமை கூறினார்.
5.பழைய நட்பு
வாஜ்பாய் ஒரு தொலைக்காட்சி நேர்காணலில், அமெரிக்காவில் அவர் சிகிச்சை பெற உதவியதில் ராஜீவின் பங்கைப் பற்றி ஒருமுறை வெளிப்படையாகப் பேசினார். “நிதி ஏற்பாடுகளைச் செய்வது எனக்கு கடினமாக இருந்தது. அது எப்படியோ ராஜீவ் காந்திக்கு தெரிய வந்தது. அவர் என்னை அழைத்தார். ஐக்கிய நாடுகள் சபைக்கான தூதுக்குழுவில் என்னையும் சேர்க்க முடிவு செய்தார். நான் முழு உறுப்பினர் ஆனேன். அனைத்து மருத்துவ செலவுகளும் அரசாங்கத்தால் செலுத்தப்பட்டன. நான் முழுமையாக குணமடைந்து திரும்பினேன்” என்று வாஜ்பாய் கூறினார்.
நீண்டநாள் நோய்வாய்ப் பட்டிருந்த வாஜ்பாய், 2018-ல் இறந்த பிறகு, சோனியா காந்தி தனது இரங்கல் செய்தியில், அவரை ஜனநாயக விழுமியங்களுக்காக நின்ற உயர்ந்த மனிதர் என்று விவரித்தார். ஆனால், எல்லாவற்றிற்கும் மேலாக, அவர் ஒரு விசாலமான இதயம் கொண்டவர். மற்ற அரசியல் கட்சிகளுடனும் அவற்றின் தலைவர்களுடனும், வெளிநாட்டு அரசாங்கங்களுடனும், கூட்டணிக் கட்சிகளுடனும், உண்மையில் தனது அரசியல் சகாக்களுடனும், அவர் எப்போதும் எல்லா தொடர்புகளிலும் அமரியாதையுடனும் அன்புடனும் நடந்துகொண்டதை ஒருவர் பார்க்கலாம்” என்று கூறினார்.
"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil”
Stay updated with the latest news headlines and all the latest Lifestyle news. Download Indian Express Tamil App - Android or iOS.