scorecardresearch

பில்கிஸ் பானோ வழக்கின் குற்றவாளிகள் 11 பேர் விடுதலை; ஆகஸ்ட் 22ல் விவாதிக்கிறது தேசிய மனித உரிமைகள் ஆணையம்

2002 குஜராத் கலவரத்தில் கூட்டு பலாத்காரம் செய்யப்பட்ட பில்கிஸ் பானோ வழக்கின் குற்றவாளிகள் 11 பேர் விடுதலை; திங்கட்கிழமை விவாதத்திற்கு எடுத்துக் கொள்கிறது தேசிய மனித உரிமைகள் ஆணையம்

பில்கிஸ் பானோ வழக்கின் குற்றவாளிகள் 11 பேர் விடுதலை; ஆகஸ்ட் 22ல் விவாதிக்கிறது தேசிய மனித உரிமைகள் ஆணையம்

Apurva Vishwanath , Esha Roy

Release of 11 Bilkis Bano convicts: NHRC to discuss on Monday: 2002 குஜராத் கலவரத்தின்போது பில்கிஸ் பானோ கூட்டுப் பலாத்காரம் மற்றும் 14 பேர் கொலை வழக்கில் ஆயுள் தண்டனை அனுபவித்து வரும் 11 குற்றவாளிகள் கோத்ரா சப்-ஜெயிலிலிருந்து விடுவிக்கப்பட்ட ஒரு வாரத்திற்குப் பிறகு, தேசிய மனித உரிமைகள் ஆணையம் (NHRC) திங்கள்கிழமை, இந்த பிரச்சினையை “விவாதத்திற்கு” எடுத்துக் கொள்ள வாய்ப்புள்ளது என சண்டே எக்ஸ்பிரஸ் அறிந்துக்கொண்டது.

NHRC தலைவர் நீதிபதி அருண் மிஸ்ராவின் அலுவலகத்தை தொடர்பு கொண்டபோது, ​​இதை உறுதி செய்யப்பட்டது.

இதையும் படியுங்கள்: ‘சித்த ராமையா நம் சாதிக்காரர், அவர் முதலமைச்சராக வாழ்த்த வேண்டும்’: பாஜக அமைச்சர் பேச்சு

கோத்ராவில் சபர்மதி எக்ஸ்பிரஸ் தாக்கப்பட்டு, முக்கியமாக கரசேவகர்கள் அடங்கிய 59 பயணிகள் கொல்லப்பட்டதையடுத்து, குஜராத் முழுவதும் ஏற்பட்ட வன்முறையின் போது, ​​2002 ஆம் ஆண்டு மார்ச் 3 ஆம் தேதி, தாஹோதில், அந்த நேரத்தில் கர்ப்பிணியாக இருந்த பில்கிஸ் பானோ, கும்பலால் பலாத்காரம் செய்யப்பட்டார் மற்றும் அவரது மூன்று வயது மகள் சலேஹா உட்பட 14 பேர் கும்பலால் கொல்லப்பட்டனர்.

குறிப்பிடத்தக்க வகையில், 2003ல், குஜராத் காவல்துறை வழக்கை முடித்து வைத்த பிறகு, உச்ச நீதிமன்றத்தை அணுக பில்கிஸ் பானோவுக்கு சட்ட உதவியை உறுதி செய்தது NHRC இன் முக்கியமான தலையீடுதான்.

இந்தியாவின் முன்னாள் தலைமை நீதிபதி ஜே.எஸ். வர்மாவின் கீழ் உள்ள மனித உரிமைகள் அமைப்பு, மார்ச் 2002 இல் கோத்ராவில் உள்ள நிவாரண முகாமுக்குச் சென்றபோது பில்கிஸ் பானோவைச் சந்தித்தது. பின்னர் NHRC பில்கிஸ் பானோவின் சார்பாக, மூத்த வழக்கறிஞரும், முன்னாள் சொலிசிட்டர் ஜெனரலுமான ஹரிஷ் சால்வேயை உச்ச நீதிமன்றத்தின் முன் ஆஜராக நியமித்தது.

ஹரீஷ் சால்வே மத்திய புலனாய்வுப் பிரிவின் புதிய விசாரணைக்கும், அதைத் தொடர்ந்து விசாரணையை குஜராத்தில் இருந்து பம்பாய்க்கு மாற்ற வேண்டும் என்றும் கோரிக்கை வைத்தார். சி.பி.ஐ.,யால் புதிதாக விசாரிக்கப்பட்ட குஜராத் கலவரம் தொடர்பான ஒரே வழக்கு பானோவின் வழக்கு மட்டுமே.

ஜனவரி 21, 2008 அன்று, சி.பி.ஐ சிறப்பு நீதிமன்ற நீதிபதி யு.டி.சால்வி 13 பேரை குற்றவாளிகள் என்று தீர்ப்பளித்தார், கும்பல் பலாத்காரம் மற்றும் கொலைக் குற்றச்சாட்டின் கீழ் 11 பேருக்கு ஆயுள் தண்டனை விதித்தார். மே 2017 இல், பம்பாய் உயர் நீதிமன்றத்தால் இந்த தண்டனை உறுதி செய்யப்பட்டது.

ஆணையத்தின் உறுப்பினர்களின் கலவையான எதிர்வினைகளின் பின்னணியில் இந்த பிரச்சினையை விவாதிக்க NHRC இன் முடிவு வந்துள்ளது. சண்டே எக்ஸ்பிரஸ் மனித உரிமை அமைப்பின் எட்டு உறுப்பினர்களைத் தொடர்பு கொண்டது.

தலைவர் தவிர, மூன்று உறுப்பினர்கள்; ஆறு அதிகாரப்பூர்வ உறுப்பினர்கள்; மற்றும் சிறப்பு அழைப்பாளர் ஆகியோரை NHRC கொண்டுள்ளது. பல உறுப்பினர்கள் இந்த பிரச்சினை குறித்து தங்களுக்குத் தெரியாது என்றனர் அல்லது கருத்து தெரிவிக்க மறுத்துவிட்டனர்.

உறுப்பினராக உள்ள நீதிபதி மகேஷ் மிட்டல் குமார், உறுப்பினர்கள் “எல்லா விஷயங்களையும் கண்காணிப்பதில்லை” என்று கூறினார். மேலும், “ஊடகங்களில் வரும் பிரச்சினைக்கு என்னால் பதிலளிக்க முடியாது. NHRC கலந்தாலோசித்த பின்னரே கருத்து தெரிவிப்பேன்” என்றார்.

“நான் டெல்லியில் இல்லை, புதிய தகவல்கள் பற்றி எனக்கு தெரியாது. நான் திங்களன்று தலைவருடன் விவாதிப்பேன், ”என்று மற்றொரு NHRC உறுப்பினர் தியானேஷ்வர் மனோகர் முலே கூறினார்.

மூன்றாவது உறுப்பினரான ராஜீவ் ஜெயின், “இந்த வழக்கில் NHRC தலையிட்டது எனக்கு தெரியாது. நான் அந்த விவகாரத்தை கையாளவில்லை,” என்று கூறினார்.

NHRC இன் அதிகாரப்பூர்வ உறுப்பினரான சிறுபான்மையினருக்கான தேசிய ஆணையத்தின் தலைவரான இக்பால் சிங் லால்புராவை தொடர்பு கொண்டபோது, ​​“நான் மிகவும் உடல்நிலை சரியில்லாமல், கடந்த சில நாட்களாக மருத்துவமனையில் அனுமதிக்கப்பட்டேன். எனவே இந்த வழக்கின் விவரம் எனக்கு தெரியாது, தற்போது அது குறித்து கருத்து தெரிவிக்க முடியாது” என்றார்.

தேசிய மகளிர் ஆணையத்தின் தலைவரும், NHRC இன் அதிகாரப்பூர்வ அதிகாரியுமான ரேகா சர்மா கருத்து தெரிவிக்க மறுத்துவிட்டார்.

தேசிய குழந்தைகள் உரிமைகள் பாதுகாப்பு ஆணையத்தின் தலைவரும் சிறப்பு அழைப்பாளருமான பிரியங்கா கனூங்கோ, இந்த வழக்கு குறித்து தனக்கு எதுவும் தெரியாது என்றார்.

பழங்குடியினருக்கான தேசிய ஆணையத்தின் தலைவர் ஹர்ஷ் சௌஹான் கூறுகையில், “எஸ்.டி கமிஷனின் தலைவராக நான் NHRC இன் அதிகாரப்பூர்வ உறுப்பினராக இருக்கிறேன், ஆனால் NHRC இன் வழக்கமான அன்றாட நடவடிக்கைகளில் நாங்கள் பங்கேற்பதில்லை. பில்கிஸ் பானோ வழக்கைப் பொறுத்த வரையில், அது ST கமிஷனுடன் தொடர்புடையது அல்ல, (அது) நான் கருத்து சொல்வது சரியாக இருக்காது,” என்று கூறினார்.

NHRC இன் அதிகாரப்பூர்வ உறுப்பினரும் தாழ்த்தப்பட்டோருக்கான ஆணையத்தின் தலைவர் விஜய் சாம்ப்லாவை தொடர்பு கொள்ள முடியவில்லை.

2017 முதல் 2022 வரை NHRC இன் முன்னாள் உறுப்பினரான வழக்கறிஞர் ஜோதிகா கல்ரா, குஜராத் அரசின் நடவடிக்கையை விமர்சித்தார். மேலும், “பில்கிஸ் பானோ வழக்கில் தண்டனை பெற்ற 11 பேரும் விடுதலை செய்யப்பட்டிருப்பது மிகவும் துரதிர்ஷ்டவசமானது. இது சாதாரண பாலியல் குற்ற வழக்கு மட்டுமல்ல, கலவரத்தின் போது கும்பல் பலாத்காரம் மற்றும் ஒரு குழந்தையை செய்து கொலை செய்ததற்கான தண்டனையாகும். பாதிக்கப்பட்டவர் சிறுபான்மை சமூகத்தைச் சேர்ந்தவர் என்பதால் குற்றம் சாதாரணமாக பார்க்கப்படுகிறது” என்றும் ஜோதிகா கல்ரா கூறினார்.

2019 இல், உச்ச நீதிமன்றம் பில்கிஸ் பானோவுக்கு 50 லட்சம் ரூபாய் இழப்பீடு வழங்கியது. 2002 கலவரம் தொடர்பான வழக்கில் இதுபோன்ற முதல் உத்தரவு. “நடக்கக் கூடாதது நடந்துள்ளது என்பது மிகவும் வெளிப்படையாகத் தெரிகிறது, மேலும் அரசு இழப்பீடு வழங்க வேண்டும்” என்று அப்போதைய இந்திய தலைமை நீதிபதி ரஞ்சன் கோகோய் மற்றும் நீதிபதிகள் தீபக் குப்தா மற்றும் சஞ்சீவ் கண்ணா ஆகியோர் அடங்கிய உச்ச நீதிமன்ற அமர்வு கூறியது.

NHRC இணையதளத்தில், குஜராத் கலவர வழக்குகளில் அதன் அனைத்து உத்தரவுகளின் தொகுப்பும், 2008 பட்லா என்கவுண்டர்கள் பற்றிய அறிக்கையும், “குறிப்பிடத்தக்க தலையீடுகள்/மைல்கல் தீர்ப்புகள்” என்ற தலைப்பில் வகைப்படுத்தப்பட்டுள்ளன.

ஆகஸ்ட் 17 அன்று, தனது மௌனத்தை உடைத்து, பில்கிஸ் பானோ, தனது வழக்கறிஞர் மூலம், அச்சமின்றி வாழ்வதற்கான உரிமையைக் கேட்டு ஒரு அறிக்கையை வெளியிட்டார். அதில், ”நம் நாட்டில் உள்ள உயர் நீதிமன்றங்களை நான் நம்பினேன். நான் அமைப்பை நம்பினேன், நான் மெதுவாக எனக்கு ஏற்பட்ட துயரத்துடன் வாழ கற்றுக்கொண்டேன். தற்போது அந்த குற்றவாளிகளின் விடுதலை என்னிடமிருந்து என் அமைதியை பறித்துள்ளது மற்றும் நீதியின் மீதான எனது நம்பிக்கையை அசைத்துவிட்டது,” என்று பில்கிஸ் பானோ குறிப்பிட்டுள்ளார்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Stay updated with the latest news headlines and all the latest India news download Indian Express Tamil App.

Web Title: Release of 11 bilkis bano convicts nhrc to discuss on monday