இந்திய சமூகத்தின் ஒருங்கிணைக்கும் காரணி: சாதி அமைப்பை நியாயப்படுத்தும் ஆர்.எஸ்.எஸ். பத்திரிக்கை

சமீபத்தில் நாடாளுமன்றத்தில் காங்கிரஸ் தலைவர் ராகுல் காந்தியின் சாதி குறித்து பாஜக எம்பி அனுராக் தாக்கூர் கூறியதாகக் கூறப்படும் சர்ச்சையின் பின்னணியில், ஆர்எஸ்எஸ் உடன் இணைந்த பாஞ்சஜன்யா சமீபத்திய இதழ் சாதி அமைப்பையே நியாயப்படுத்தியுள்ளது.

’ஜாதி அமைப்பை இந்திய சமூகத்தின் ஒரு "ஒருங்கிணைக்கும் காரணி". முகலாயர்களால் அதைப் புரிந்து கொள்ள முடியவில்லை என்றாலும், ஆங்கிலேயர்கள் தங்கள் நாட்டின் மீது படையெடுப்பதற்கான தடையாகக் கருதியாக, கூறியது.

சாதி அமைப்பு என்பது இந்தியாவின் பல்வேறு வகுப்பினரை அவர்களின் தொழில் மற்றும் பாரம்பரியத்தின் படி வகைப்படுத்திய பின் ஒன்றாக வைத்திருந்தது. தொழில் புரட்சிக்குப் பிறகு, முதலாளிகள் சாதி அமைப்பை இந்தியாவின் காவலராகப் பார்த்தார்கள்’, என்று வார இதழின் ஆசிரியர் ஹிதேஷ் சங்கர் தலையங்கத்தில் கூறினார்.

’சாதி அமைப்பு எப்போதும் படையெடுப்பாளர்களின் இலக்காக இருந்தது. 
முகலாயர்கள் அதை வாளின் சக்தியாலும், மிஷனரிகள் சேவை மற்றும் சீர்திருத்தம் என்ற போர்வையிலும் குறிவைத்தனர். சாதியின் உருவாக்கத்தில் ஒருவரின் சாதிக்கு துரோகம் செய்வது தேசத் துரோகம், என்பதை இந்திய சமூகம் புரிந்துகொண்டது. 

முகலாயர்களை விட மிஷனரிகள் இந்தியாவின் இந்த ஒருங்கிணைந்த சமன்பாட்டை நன்கு புரிந்து கொண்டனர்: இந்தியாவும் அதன் சுயமரியாதையும் உடைக்கப்பட வேண்டும் என்றால், சாதி அமைப்பின் ஒருங்கிணைக்கும் காரணியை தடை என்று அழைப்பதன் மூலம் உடைக்க வேண்டும்.

மிஷனரிகளால் சாதி அமைப்பு பற்றிய இந்த புரிதல் ஆங்கிலேயர்களால் அவர்களின் "பிளவு மற்றும் ஆட்சி" கொள்கைக்காக ஏற்றுக்கொள்ளப்பட்டது ’, என்று ஷங்கர் எழுதினார். 

ஆர்.எஸ்.எஸ் தாழ்த்தப்பட்ட வகுப்பினருக்கான இட ஒதுக்கீட்டிற்கு எதிரானது அல்ல விளக்கமளிக்கும் நேரத்தில் ஜாதி அமைப்பை பாஞ்சன்யா நியாயப்படுத்துவது குறிப்பிடத்தக்கது.

ஆர்எஸ்எஸ் மீண்டும் மீண்டும் சாதி அமைப்பின் வேர்களை தொழிலாளர் பிரிவினையை அடிப்படையாகக் கொண்ட பழங்கால வர்ண அமைப்பில் கண்டுபிடிக்க முயற்சித்தாலும், அந்த அமைப்பு சமூகத்தில் நடைமுறைப்படுத்தப்பட்ட சாதிய பாகுபாடு குறித்து பொதுவாக மன்னிப்பு கேட்கிறது. சங்கம் அதன் தொடக்கத்திலிருந்தே தீண்டாமைக்கு எதிராக பிரச்சாரம் செய்து வருகிறது.

ஆர்எஸ்எஸ் தலைவர் மோகன் பகவத், சாதிப் பாகுபாடு என்பது இந்திய சமூகத்தின் சாபக்கேடு என்றும், அதை ஒழிக்க வேண்டும் என்றும் பலமுறை கூறியிருக்கிறார். சங்க உறுப்பினர்கள் தங்கள் சக ஊழியர்களின் சாதிகள் தெரியாது என்று பெருமை கொள்கிறார்கள். கடந்த ஆண்டு, பகவத், 2,000 ஆண்டுகளாக தாழ்த்தப்பட்ட சாதியினர் அனுபவித்து வரும் பாகுபாட்டை ஈடுசெய்ய இன்னும் 200 ஆண்டுகளுக்கு இடஒதுக்கீடு தொடர வேண்டும் என்றால், அதற்கு ஆதரவளிப்பேன் என்றார்.

வங்காள நெசவாளர்கள் போன்ற இந்திய கைவினைஞர்களின் சாதிக் குழுவில் திறன்கள் தலைமுறையிலிருந்து தலைமுறைக்கு அனுப்பப்பட்டன. மான்செஸ்டரின் ஆலைகளால் அத்தகைய சிறந்த தரமான பொருட்களை உற்பத்தி செய்ய முடியவில்லை, என்று சங்கர் வாதிட்டார்.

இந்தியாவின் தொழில்களை அழிப்பதோடு மட்டுமல்லாமல், படையெடுப்பாளர்கள் இந்தியாவின் அடையாளத்தை மாற்றியமைப்பதில் கவனம் செலுத்தினர். சாதிக் குழுக்கள் வளைந்து கொடுக்காதபோது, ​​அவர்கள் அவமானப்படுத்தப்பட்டனர். மனித மலத்தை தலையில் சுமக்கும் பெருமைக்குரிய சமூகத்தை நிர்ப்பந்தித்தவர்கள் இவர்கள். அதற்கு முன் இந்தியாவில் இதுபோன்ற பாரம்பரியம் இருந்ததாக எந்த பதிவும் இல்லை.

இந்தியாவின் தலைமுறைத் திறமையைக் கண்டு வலிக்கும் அந்த கண்கள் தான், இந்து மதத்தின் பன்முகத்தன்மையையும், மரபுகளையும், சடங்குகளையும் அழிக்கும் கனவுகளை கண்டன.

கண்ணியம், ஒழுக்கம், பொறுப்பு மற்றும் வகுப்புவாத சகோதரத்துவம் ஆகியவற்றை உள்ளடக்கிய இந்து வாழ்க்கை சாதியைச் சுற்றியே உள்ளது.

இது தனிமனிதனை மையமாகக் கொண்ட மிஷனரிகளால் புரிந்துகொள்ள முடியாத ஒன்று. மிஷனரிகள் தங்கள் மதமாற்றத் திட்டத்திற்கு சாதியைத் தடையாகப் பார்த்தார்கள் என்றால், காங்கிரஸ் அதை இந்து ஒற்றுமைக்கு ஆப்பு என்று பார்க்கிறது.

ஆங்கிலேயர்களின் வழியில், லோக்சபா தொகுதிகளை ஜாதி அடிப்படையில் பிரித்து, நாட்டில் பிளவை அதிகரிக்க விரும்புகிறது. அதனால்தான் ஜாதிவாரி கணக்கெடுப்பை அது விரும்புகிறது, என்று ஷங்கர் எழுதினார்.

சாதிவாரிக் கணக்கெடுப்பை பாஜக வெளிப்படையாக எதிர்க்கவில்லை என்பது குறிப்பிடத்தக்கது.

ராகுல் காந்தி மீது தாக்கூரின் கேலிக்குரிய ஜாதி விமர்சனத்தை வெளிப்படையாகக் குறிப்பிடும் வகையில் ஷங்கர், இந்தியாவின் சாதி என்ன? சமூகம் மற்றும் வரலாறு கூறும் பதில் இந்து. ஆனால், காங்கிரஸ் கட்சியின் ஜாதியைக் கேட்டால், கிழக்கிந்திய கம்பெனி மற்றும் ஏ ஓ ஹியூம் என்றுதான் பதில் கிடைக்கும், என்றார்.

Read in English: ‘Caste is India’s unifying factor’: RSS-linked weekly goes all out to justify caste system

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“