சந்தேஷ்காலி பாலியல் துன்புறுத்தல் வழக்கு; சி.பி.ஐ விசாரணைக்கு கல்கத்தா ஐகோர்ட் உத்தரவு

திரிணாமுல் காங்கிரஸ் (TMC) தலைவர்களுக்கு எதிராக மேற்கு வங்காளத்தின் சந்தேஷ்காலி கிராம மக்கள் அளித்த பாலியல் வன்கொடுமை மற்றும் நில அபகரிப்பு புகார்கள் குறித்து நீதிமன்ற கண்காணிப்பு சி.பி.ஐ விசாரணைக்கு கல்கத்தா உயர் நீதிமன்றம் புதன்கிழமை உத்தரவிட்டது.

ஆங்கிலத்தில் படிக்க: Sandeshkhali case: HC orders CBI probe into sexual assault, land grabbing allegations

மேற்கு வங்க மாநிலத்தின் பொது விநியோகத் திட்டத்தில் முறைகேடுகள் நடந்ததாகக் கூறப்படும் முறைகேடுகள் தொடர்பான விசாரணை தொடர்பாக சந்தேஷ்காலி-1ல் அவரது வீட்டில் சோதனை நடத்தச் சென்ற அமலாக்கத்துறை (ED) அதிகாரிகள் மீது ஜனவரி 5 ஆம் தேதி திரிணாமுல் காங்கிரஸ் கட்சியின் பலம் வாய்ந்த தலைவரான ஷாஜஹான் ஷேக்கின் ஆதரவாளர்கள் நடத்திய தாக்குதலை சி.பி.ஐ ஏற்கனவே விசாரித்து வருகிறது.

பிப்ரவரி 5 அன்று, கிராமத்தின் உள்ளூர் பெண்கள் ஷாஜஹான் ஷேக் மற்றும் அவரது உதவியாளர்கள் பாலியல் துஷ்பிரயோகம் மற்றும் துன்புறுத்தல் செய்ததாக குற்றம் சாட்டி கைது செய்ய வேண்டும் என்று கோரினர். திரிணாமுல் காங்கிரஸைச் சேர்ந்த ஷாஜஹான் ஷேக் தங்கள் நிலங்களை வலுக்கட்டாயமாக அபகரித்ததாகவும் கிராம மக்கள் குற்றம் சாட்டியுள்ளனர்.

55 நாட்கள் தலைமறைவாக இருந்த ஷாஜஹான் ஷேக் பிப்ரவரி 29 அன்று மாநில காவல்துறையால் கைது செய்யப்பட்டார். இதையடுத்து ஷாஜஹான் ஷேக்கை கட்சியில் இருந்து திரிணாமுல் காங்கிரஸ் சஸ்பெண்ட் செய்தது. பின்னர் நீதிமன்ற உத்தரவின் பேரில் ஷாஜஹான் ஷேக் சி.பி.ஐ.,யிடம் ஒப்படைக்கப்பட்டார்.

அமலாக்கத்துறை அதிகாரிகள் மீதான தாக்குதல் மற்றும் கிராமவாசிகளின் குற்றச்சாட்டுகள், லோக்சபா தேர்தலுக்கு முன்னதாக ஆளும் திரிணாமுல் காங்கிரஸுக்கும் பா.ஜ.க.,வுக்கும் இடையே ஒரு மோதல் புள்ளியாக மாறியுள்ளது. பிரதமர் நரேந்திர மோடி, ஏப்ரல் 4 ஆம் தேதி கூச் பெஹாரில் நடந்த தனது பேரணியில், சந்தேஷ்காலி சம்பவத்தைக் குறிப்பிட்டு, பெண்களுக்கு எதிரான வன்கொடுமைகள் தொடர்பாக மம்தா பானர்ஜி தலைமையிலான அரசைத் தாக்கினார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“