தேர்தல் பத்திரம் விற்பனை: அரசிடம் 10.68 கோடி கமிஷன் கேட்ட எஸ்.பி.ஐ

State Bank Of India | Electoral Bonds | Central Government: தேர்தல் பத்திரங்கள் மூலம் அரசியல் கட்சிகள் நிதி பெறுவது அரசியலமைப்பு சட்டத்திற்கு எதிரானது எனக் கூறி இந்த தேர்தல் பத்திரங்கள் முறையை சுப்ரீம் கோர்ட்டு கடந்த மாதம் 15 ஆம் தேதி ரத்து செய்தது. மேலும் தேர்தல் பத்திரங்கள் மூலம் அரசியல் கட்சிகள் பெற்ற நிதி மற்றும் நிதியை கொடுத்தவர்களின் விவரங்களை வெளியிடவும் எஸ்.பி.ஐ. வங்கிக்கு அதிரடி உத்தரவு போட்டது. 

இந்த உத்தரவின்படி, தேர்தல் ஆணையத்திடம் தேர்தல் பத்திரங்கள் தொடர்பான விவரங்களை எஸ்.பி.ஐ. வங்கி வழங்கியது. இதைத் தொடர்ந்து, எஸ்.பி.ஐ. வங்கி தாக்கல் செய்த தேர்தல் பத்திரங்கள் தொடர்பான விவரங்களை அதிகாரப்பூர்வ இணையதளத்தில் இந்திய தேர்தல் ஆணையம் வெளியிட்டது.

இந்நிலையில், அரசியல் கடசிகளுக்கு தேர்தல் பத்திரங்கள் மூலம் நன்கொடை அளித்த நிறுவனங்கள் பற்றி அலசிய ஆராயப்பட்டு வருகிறது.  நன்கொடை அளித்த நிறுவனங்களுக்கும், நன்கொடை வாங்கிய கட்சிக்கும் இடையே இருக்கும் தொடர்பு என்ன என்பது குறித்த விரிவான விளக்க கட்டுரைகள் 'தி இந்தியன் எக்ஸ்பிரஸ்' இதழில் வெளியிடப்பட்டு வருகிறது. 

கமிஷன்

இந்நிலையில், தகவல் அறியும் உரிமை (ஆ.ர்.டிஐ) சட்டத்தின் கீழ் தி இந்தியன் எக்ஸ்பிரஸால் பெறப்பட்ட நூற்றுக்கணக்கான கடிதங்கள் மற்றும் மின்னஞ்சல்களை ஆய்வு செய்ததில், தேர்தல் பத்திரங்களை விற்பனை செய்து கொடுத்தற்காக நிதி அமைச்சகத்திடம் "கமிஷன்" என மொத்தமாக ரூ.10.68 கோடியை வசூலித்துள்ளது எஸ்.பி.ஐ. 

தேர்தல் பத்திரங்கள் திட்டத்தில் பாரத ஸ்டேட் வங்கிக்கும் (எஸ்.பி.ஐ) நிதி அமைச்சகத்துக்கும் இடையேயான கடிதப் பரிமாற்றத்தில், வங்கி தனக்கு செலுத்த வேண்டிய “கமிஷன்” கோரிக்கையை வைத்தது. மேலும், பத்திரங்களின் “தவறான அச்சிடுதல்” குறித்த எச்சரிக்கைகளையும், தேர்தலை முன்னிட்டு பத்திரங்கள் விற்பனை அதிகரிக்கும் என்றும் எஸ்.பி.ஐ குறிப்பிட்டுள்ளது. அத்துடன், வங்கி தனது பரிவர்த்தனை கட்டணம் மற்றும் வங்கிக் கட்டணங்களுக்கு 18% ஜி.எஸ்.டி-யுடன் “கமிஷன்” செலுத்துவதற்கான வவுச்சர்களை உயர்த்தியுள்ளது என்பதைக் காட்டுகிறது.

2018 முதல் 2024 வரையிலான தேர்தல் பத்திரங்களின் விற்பனை மற்றும் பணமாக்கப்பட்ட 30 கட்டங்களில் ஒவ்வொன்றிற்கும் பரிவர்த்தனை மற்றும் வங்கிக் கட்டணங்கள் விதிக்கப்பட்டுள்ளன. இதன்படி, நிதி அமைச்சகத்திடம் "கமிஷன்" என மொத்தமாக ரூ.10.68 கோடியை வசூலித்துள்ளது எஸ்.பி.ஐ. 

ஒவ்வொரு பரிவர்த்தனைக்கும் கமிஷன் வேறுபட்டது. 82 பத்திரங்கள் பணமாக்கும் நான்காவது கட்டத்திற்கு குறைந்தபட்சம் ரூ. 1.82 லட்சத்தை கமிஷனாக எஸ்.பி.ஐ வசூலித்திருக்கிறது. அதே சமயம் 2019 மக்களவைத் தேர்தலுக்கு முன்னதாக 4,607 பத்திரங்கள் விற்கப்பட்ட ஒன்பதாம் கட்டத்திற்கு அதிகபட்சமாக ரூ.1.25 கோடியை கமிஷனாக பெற்றுள்ளது. 

நிலுவைத் தொகையைச் செலுத்துவதற்காக வங்கி அமைச்சகத்திற்கு நினைவூட்டல்களை அனுப்புவது வழக்கம். ஒரு கட்டத்தில், அப்போதைய எஸ்.பி.ஐ தலைவர் ரஜ்னிஷ் குமார், பிப்ரவரி 13, 2019 அன்று அப்போதைய பொருளாதார விவகாரங்கள் செயலர் எஸ்.சி.கார்க்குக்கு கடிதம் எழுதினார். அந்த நிலையில், தேர்தல் பத்திரம் திட்டத்தின் 7 கட்டங்களுக்கான ஸ்.பி.ஐ-க்கு செலுத்தப்படாத நிலுவைத் தொகை ரூ.77.43 லட்சமாக அதிகரித்தது.

இந்த தகவல் பரிமாற்றத்தில், கமிஷன் எவ்வாறு கணக்கிடப்படுகிறது என்பதை எஸ்.பி.ஐ தலைவர் குறிப்பிட்டார். அதில், “வங்கியால் தாக்கல் செய்யப்படும் கமிஷனுக்கான கோரிக்கை மிகவும் நியாயமானதாகக் கருதப்படுகிறது. இது தொடர்புடைய தகவல் தொழில்நுட்ப வளர்ச்சிகளுடன் தொடர்புடைய சிக்கல்களைக் கருத்தில் கொண்டு, கோரிக்கை அரசாங்க கமிஷன் விகிதங்களுடன் ஒத்துப்போகிறது. சேகரிப்புகள்: ஒரு பரிவர்த்தனைக்கு ரூ. 50 ஃபிசிக்கல் கலெக்ஷன்களுக்கு ரூ. 12 ஆன்லைன் பரிவர்த்தனைகளுக்கு, கொடுப்பனவுகள்: ரூ 100-க்கு 5.5 பைசா…” என்று குறிப்பிட்டார். 

கமிஷனில் 18% ஜி.எஸ்.டி செலுத்த வேண்டும் என்று எஸ்.பி.ஐ வாதிட்டபோது, ​​​​ஒரு சந்தர்ப்பத்தில் ஜி.எஸ்.டி-யில் 2% டி.டி.எஸ் விதிக்கப்பட்டதற்காக வங்கி அமைச்சகத்திடம் தெரிவித்தது. ஜூன் 11, 2020 தேதியிட்ட மின்னஞ்சலில், எஸ்.பி.ஐ பத்திர விற்பனையின் சில கட்டங்களுக்கு செலுத்தப்பட்ட ரூ.3.12 கோடி கமிஷனில் இருந்து ஜி.எஸ்.டி-யில் டி.டிஎஸ் ஆகக் கழிக்கப்பட்ட ரூ.6.95 லட்சத்தை “உடனடியாக” திரும்பப்பெறுமாறு கோரியது.

ஒவ்வொரு கட்டத்திற்கும் பிரதமரின் நிவாரண நிதிக்கு (PMRF) அனுப்பப்பட்ட, பணமாக்கப்படாத தேர்தல் பத்திரங்களின் அளவு மற்றும் மதிப்பையும் எஸ்.பி.ஐ பட்டியலிட்டுள்ளது. பிரதமரின் நிவாரண நிதிக்கு டெபாசிட் செய்யப்பட்ட தொகைகள் வேறுபட்டது. 3 ஆம் கட்டத்திற்கு ரூ. 10 கோடி; 10ம் கட்டத்திற்கு ரூ.3 கோடி; 27ம் கட்டமாக ரூ.5 லட்சம்; 30ஆம் கட்டத்திற்கு ரூ.1.75 கோடி சென்றுள்ளது. 

குறைந்தபட்சம் ஒரு சந்தர்ப்பத்திலாவது, "தேர்தல் பத்திரங்களை தவறாக அச்சிடுதல்" குறித்து வங்கி அமைச்சகத்தை எச்சரித்தது. மார்ச் 23, 2021 தேதியிட்ட கடிதத்தில், ஸ்.பி.ஐ "அங்கீகரிக்கப்பட்ட கிளைகளில் ஒன்று வெவ்வேறு பிரிவுகளின் 94 தேர்தல் பத்திரங்களைப் பெற்றதாகப் புகாரளித்துள்ளது, அங்கு பத்திர வரிசை எண் மறைக்கப்பட்ட வரிசை எண் மீது அச்சிடப்பட்டு நிர்வாணக் கண்ணால் தெரியும்".

இந்தத் திட்டத்திற்காக அறிமுகப்படுத்தப்பட்ட பாதுகாப்பு அம்சங்களின்படி மறைக்கப்பட்ட வரிசை எண், அல்ட்ரா வயலட் (UV) ஒளியின் கீழ் மட்டுமே தெரியும். நாசிக்கில் உள்ள பாதுகாப்பு அச்சகத்தில் அச்சிடப்பட்ட "சேதமடைந்த" பத்திரங்கள் புழக்கத்தில் இருக்கக்கூடாது என்று வங்கி தெரிவித்துள்ளது.

மேலும், 2019 மக்களவைத் தேர்தலுக்கு முன்னதாக, தேர்தல் பத்திரங்களுக்கான தேவை கடுமையாக அதிகரிக்கும் என்று எதிர்பார்க்கப்படுவதாக நிதி அமைச்சகத்திடம் எ.ஸ்.பிஐ தெரிவித்துள்ளது. 2019-ம் ஆண்டு நடைபெறவுள்ள பொதுத் தேர்தல்கள் மற்றும் பல்வேறு மாநிலங்களில் சட்டமன்றத் தேர்தல்களை கருத்தில் கொண்டு, தற்போதுள்ள தேர்தல் பத்திரங்களின் இருப்பு கூடுதலாக வழங்கப்பட வேண்டும். இதே போக்கு தொடரும் என்று நாங்கள் கருதுகிறோம்,” என்று 2019 தேர்தலுக்கு முன், 6வது கட்ட தேர்தல் பத்திர விற்பனைக்குப் பிறகு, இணைச் செயலாளருக்கு (பட்ஜெட்) வங்கி கூறியது. 

இந்த ஆண்டின் தொடக்கத்திலும், பிப்ரவரியில் சுப்ரீம் கோர்ட் திட்டத்தை ரத்து செய்வதற்கு 5 வாரங்களுக்கு முன்பு, எஸ்.பி.ஐ ஜனவரி 8, 2024 தேதியிட்ட கடிதத்தில் ரூ. 10,000 கோடி மதிப்பிலான தேர்தல் பத்திரங்களை அச்சிட வேண்டும் என்று கோரியது. "இந்த ஆண்டு நடைபெறும், இந்த காலகட்டத்தில் தேர்தல் பத்திரங்களுக்கான தேவை அதிகரிக்கும் என்று எதிர்பார்க்கிறோம். எனவே தேவையை பூர்த்தி செய்வதற்காக கூடுதல் தேர்தல் பத்திரங்களை அச்சிடுவதற்கான உடனடி தேவை உள்ளது,” என்று வங்கி கூறியிருந்தது. 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“