உச்ச நீதிமன்ற கொலீஜியத்தால் முதன்முதலில் பரிந்துரைக்கப்பட்ட சுமார் இரண்டு ஆண்டுகளுக்குப் பிறகு, மும்பை உயர் நீதிமன்றத்தின் கூடுதல் நீதிபதியாக மூத்த வழக்கறிஞர் சோமசேகர் சுந்தரேசனை மத்திய அரசு வியாழக்கிழமை நியமித்தது.
இந்த ஆண்டு ஜனவரியில் அரசாங்கத்தின் ஆட்சேபனைகளை வெளிப்படுத்துவதன் மூலம், இந்திய தலைமை நீதிபதி டி.ஒய்.சந்திரசூட் தலைமையிலான உச்ச நீதிமன்ற கொலீஜியம் மீண்டும் வலியுறுத்திய மூன்று பெயர்களில் சுந்தரேசனும் ஒருவர்.
கொலீஜியம் ஒவ்வொரு பெயருக்கான காரணங்களையும் அரசாங்கத்தின் ஆட்சேபனைகளையும் பகிரங்கப்படுத்தியது. சுந்தரேசனைத் தவிர, டெல்லி உயர் நீதிமன்றத்தின் மூத்த வழக்கறிஞர் சவுரப் கிர்பால் மற்றும் சென்னை உயர் நீதிமன்றத்தின் வழக்கறிஞர் ஆர். ஜான் சத்யன் ஆகியோர் இதில் அடங்குவர்.
சுந்தரேசன் மீது, கொலீஜியம் அறிக்கையில், "நீதிமன்றத்தின் முன் பரிசீலனைக்கு உட்பட்ட பல விஷயங்களில் சமூக ஊடகங்களில் அவர் தனது கருத்துக்களை வெளியிட்டார்" என்ற அடிப்படையில் அவரது பெயரை அரசாங்கம் மறுபரிசீலனை செய்ய வேண்டும் என்று கூறியது.
சுந்தரேசன் மிகவும் ஒரு சார்புடைய கருத்துடைய நபர், அரசின் முக்கியமான கொள்கை முன்முயற்சிகள் மற்றும் வழிகாட்டுதல்கள் குறித்து சமூக ஊடகங்களில் தேர்ந்தெடுத்து விமர்சித்தவர், என்பதாக அரசாங்கத்தின் ஆட்சேபனைகள் இருந்தன.
அனைத்து குடிமக்களுக்கும் சுதந்திரமான பேச்சு மற்றும் கருத்து வெளிப்பாட்டிற்கு உரிமை உண்டு என்பதை அடிக்கோடிட்டுக் காட்டிய கொலீஜியம், நீதிபதி பதவிக்கு முன்மொழியப்பட்ட நபர் தகுதி மற்றும் ஒருமைப்பாடு உள்ளவராக இருக்கும் வரை, ஒரு வேட்பாளர் கருத்துகளை வெளிப்படுத்துவது, அரசியல் சாசனப் பதவியை வகிக்கும் வாய்ப்பை தடை செய்யாது என்று கூறியது.
மும்பையில் உள்ள அரசு சட்டக் கல்லூரியில் 1996-ம் ஆண்டு பேட்ச் பட்டதாரியான சுந்தரேசன், ஐந்து ஆண்டுகளுக்கும் மேலாக பத்திரிகையாளராகப் பணியாற்றினார். பிறகு, துறைமுகத் துறையில் (port sector) அவர் பயிற்சியை மேற்கொண்டார்.
ஒரு வழக்கறிஞராக, அவர் நிதித் துறை ஒழுங்குமுறை, போட்டிச் சட்டம், நிறுவன விஷயங்கள் மற்றும் பரிமாற்றக் கட்டுப்பாடுகள் போன்ற பகுதிகளில் நிபுணத்துவம் பெற்றவர்.
நீதிபதியாக அவர் நியமனம் நிலுவையில் இருந்தபோதும், அதானி குழுமம் குறித்த ஹிண்டன்பர்க் அறிக்கையை விசாரிக்கும் ஆறு பேர் கொண்ட நிபுணர் குழுவின் ஒரு பகுதியாக உச்ச நீதிமன்றம் மார்ச் மாதம் அவரை நியமித்தது.
சுந்தரேசனின் நியமனத்தை அரசாங்கம் அனுமதித்துள்ள நிலையில், கிர்பால், நியமிக்கப்பட்டால் இந்தியாவின் முதல் வெளிப்படையான ஓரின சேர்க்கையாளர் நீதிபதி ஆவார்.
கிர்பால் மற்றும் சத்யன் இன்னும் நியமிக்கப்படவில்லை.
Read in English: After two years, Sundaresan appointed as addl judge in Bombay HC
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
Stay updated with the latest news headlines and all the latest Lifestyle news. Download Indian Express Tamil App - Android or iOS.