ஜம்மு காஷ்மீர் சிறப்பு அந்தஸ்து தீர்மானம்; இன்ஜீனியர் ரஷீத்தின் சகோதரருடன் பா.ஜ.க எம்.எல்.ஏ.,க்கள் கைகலப்பு

Bashaarat Masood

ஜம்மு-காஷ்மீரில் வியாழக்கிழமை சட்டமன்றக் கூட்டத்தொடர் இன்ஜீனியர் ரஷீத்தின் சகோதரர் மற்றும் சுயேட்சை சட்டமன்ற உறுப்பினர் ஷேக் குர்ஷீத் ஆகியோர் சட்டப்பிரிவு 370 ஐ மீட்டெடுக்க வேண்டும் மற்றும் அனைத்து அரசியல் கைதிகளையும் விடுவிக்க வேண்டும் என்று கோரி ஒரு பதாகையுடன் சபையின் மையப்பகுதிக்கு வந்தபோது புயலாகத் தொடங்கியது.

ஆங்கிலத்தில் படிக்க: Scuffle in J&K Assembly as BJP MLAs clash with Engineer Rashid’s brother, NC members over Article 370 banner

குர்ஷீத்திடம் இருந்து பேனரை பறிக்க முயன்ற பா.ஜ.க சட்டமன்ற உறுப்பினர்களும் சபையின் மையப்பகுதியில் முற்றுகையிட்டதால் கைகலப்பு ஏற்பட்டது. சஜாத் லோன், வஹீத் பாரா மற்றும் சில தேசிய மாநாட்டு கட்சி உறுப்பினர்களும் குர்ஷித்துக்கு ஆதரவாக குதித்தனர்.

சபாநாயகர் அப்துல் ரஹீம் ராதரின் உத்தரவின் பேரில் குறைந்தது மூன்று எம்.எல்.ஏ.,க்கள் வெளியேற்றப்பட்டனர்.

சட்டமன்றம் சிறப்பு அந்தஸ்து குறித்த தீர்மானத்தை நிறைவேற்றிய ஒரு நாளுக்குப் பிறகு, யூனியன் பிரதேசத்தின் தேர்ந்தெடுக்கப்பட்ட பிரதிநிதிகளுடன் அதே மற்றும் அரசியலமைப்பு உத்தரவாதங்களை மீட்டெடுப்பதற்கும், "இந்த விதிகளை மீட்டெடுப்பதற்கான அரசியலமைப்பு வழிமுறைகளை உருவாக்குவதற்கும்" ஒரு "பேச்சுவார்த்தை" கோருகிறது. நேற்றும் தீர்மானம் கொண்டு வரப்பட்டபோது பா.ஜ.க எம்.எல்.ஏ.,க்கள் சபையின் மையப்பகுதியை முற்றுகையிட்டனர்.

கைகலப்பு ஏற்பட்ட நிலையில், பி.டி.பி கட்சியின் வஹீத் பாரா மற்றும் ஃபயாஸ் மிர் மற்றும் மக்கள் மாநாட்டு கட்சியின் சஜாத் கனி லோன் ஆகியோர் சிறப்பு அந்தஸ்தை மீட்டெடுக்கக் கோரி மற்றொரு தீர்மானத்தை கொண்டு வந்தனர். அந்தத் தீர்மானத்தில் ஷேக் குர்ஷீத்தும் கையெழுத்திட்டார்.

“இந்த அவையானது சட்டப்பிரிவு 370 மற்றும் பிரிவு 35A ஐ அவற்றின் அசல், மாறாத வடிவத்தில் உடனடியாக மீட்டெடுக்க வேண்டும் என்று ஐயத்திற்கு இடமின்றி கோருகிறது, மேலும் ஜம்மு & காஷ்மீர் மறுசீரமைப்புச் சட்டம், 2019 மூலம் அறிமுகப்படுத்தப்பட்ட அனைத்து மாற்றங்களையும் மாற்றியமைக்க அழைப்பு விடுக்கிறது. ஜம்மு & காஷ்மீரின் அரசியலமைப்பு மற்றும் ஜனநாயக புனிதத்தன்மை, அதன் தனித்துவமான அடையாளம், கலாச்சாரம் மற்றும் அரசியல் சுயாட்சியைப் பாதுகாக்கும் நோக்கத்துடன் அனைத்து சிறப்பு ஏற்பாடுகள் மற்றும் உத்தரவாதங்களை மீண்டும் நிலைநிறுத்துகிறது" என்று தீர்மானம் வாசிக்கப்பட்டது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“