scorecardresearch

ஸ்மிருதி இரானி மகள் நிறுவனத்தின் முகவரியும், சர்ச்சைக்குரிய கஃபே முகவரியும் ஒரே இடம்

ஸ்மிருதி இரானி மகளுக்கும், கோவாவில் உள்ள கஃபே மற்றும் மதுபான விடுதிக்கு சம்பந்தமில்லை; ஆனால் அவரின் நிறுவனத்தின் முகவரியும் கஃபே-வின் முகவரியும் ஒரே இடம் தான்

Sandeep Singh , MAYURA JANWALKAR 

Smriti Irani’s kin invested in firm whose GST ‘place of business’ is where cafe is: டெல்லி உயர் நீதிமன்றம் திங்கள்கிழமை உறுதி செய்தபடி, மத்திய அமைச்சர் ஸ்மிருதி இரானியின் மகள் ஜோயிஷ் இரானிக்கு சில்லி சோல்ஸ் கோவா கஃபே மற்றும் பார் இருக்கும் நிலம் சொந்தமில்லை அல்லது காங்கிரஸ் குற்றம் சாட்டியபடி அவர் மதுபான உரிமத்திற்கு விண்ணப்பிக்கவில்லை. உண்மையில், இந்த சொத்து கோவா உள்ளூர்வாசிகளான அந்தோனி டி’காமா (மே 2021 இல் காலமானார்) மற்றும் மனைவி மெர்லின் டி’காமா ஆகியோருக்கு சொந்தமானது; அந்தோணி டி’காமாவின் பெயரில் மதுபான உரிமம் வழங்கப்பட்டது. அவர்களின் மகன் டீன் டி’காமா என்பவரால் உரிமம் புதுப்பிக்கப்பட்டது.

இருப்பினும், தி இந்தியன் எக்ஸ்பிரஸ் ஆய்வு செய்த அதிகாரப்பூர்வ பதிவுகளின்படி, சில்லி சோல்ஸ் கோவா கஃபே மற்றும் பார், ஸ்மிருதி இரானியின் குடும்பத்துடன் அவரது மகள் உட்பட நிதி பரிவர்த்தனைகளின் மூலம் தொடர்பைக் கொண்டுள்ளது.

இதையும் படியுங்கள்: 9 மணி நேர இ.டி ரெய்டு: சிவசேனா தலைவர் சஞ்சய் ராவத் கைது

இந்த பதிவுகள் மகள் ஜோயிஷ் இரானி; மகன் ஜோர் இரானி; கணவர் ஜூபின் இரானி மற்றும் அவரது மகள் ஷனெல் இரானி ஆகியோர் உக்ரயா மெர்கன்டைல் ​​(Ugraya Mercantile) பிரைவேட் லிமிடெட் மற்றும் உக்ரயா அக்ரோ ஃபார்ம்ஸ் (Ugraya Agro) பிரைவேட் லிமிடெட் ஆகிய இரண்டு நிறுவனங்களை வைத்துள்ளனர் என்பதைக் காட்டுகின்றன.

2020-21 இல், இந்த இரண்டு நிறுவனங்களும் மூன்றில் ஒரு பங்கு, எய்ட்டால் (Eightall) ஃபுட் அண்ட் பெவரேஜஸ் எல்.எல்.பி.,யில் முதலீடு செய்தன. எய்ட்டால் டிசம்பர் 2020 இல் இணைக்கப்பட்டது. GSTIN பதிவுகளின்படி, எய்ட்டால் அதன் “முதன்மை வணிக இடம்” என கதவு எண் 452, தரை தளம், பௌட்டா வாடோ (Bouta Waddo), அசாகோ (Assagao), வடக்கு கோவா (North Goa), கோவா என்பதைக் குறிப்பிடுகிறது.

சில்லி சோல்ஸ் கோவா கஃபே மற்றும் பாரின் முகவரியும் இதுதான்.

இந்த நிறுவனங்களில் ஸ்மிருதி இரானி பங்குதாரராக இல்லை.

நவம்பர் 5, 2020 அன்று, நிறுவனங்களின் பதிவாளரிடம் (RoC) தாக்கல் செய்த தகவலின்படி, எய்ட்டால் நிறுவனத்தின் மொத்த முதலீட்டில் உக்ரயா மெர்கன்டைல் ​​மற்றும் உக்ரயா அக்ரோ ஆகியவை முறையே 50 சதவீதம் மற்றும் 25 சதவீதம் வரை முதலீடு செய்ய முடிவு செய்தன.

மார்ச் 31, 2021 நிலவரப்படி, சமீபத்திய RoC தரவுகளில் உக்ரயா அக்ரோ மற்றும் உக்ரயா மெர்க்கன்டைல் ஆகியவற்றில் ஒரே மாதிரியான பங்கு அளவுகளுடன் ஒரே பங்குதாரர்கள் உள்ளனர்: ஜூபின் இரானி (67 சதவீதம்), மகள்கள் ஷனெல் இரானி மற்றும் ஜோயிஷ் இரானி (தலா 11 சதவீதம்) மற்றும் மகன் ஜோர் இரானி (11 சதவீதம்).

மார்ச் 31, 2021 இல் முடிவடைந்த ஆண்டிற்கான RoC-யிடம் எய்ட்டால் தாக்கல் செய்த ஆவணங்கள், எய்ட்டாலின் ஆரம்ப மூலதனத்திற்கு உக்ரயா மெர்கன்டைல் மற்றும் உக்ரயா அக்ரோ ஆகியவை முறையே 50 சதவீதமும் 25 சதவீதமும் வழங்கியதாகக் காட்டுகின்றன.

RoC இல் தாக்கல் செய்யப்பட்ட சமீபத்திய பதிவுகளின்படி, எய்ட்டாலின் மீதி 25 சதவீத மூலதனம் டாரோனிஷ் ஹாஸ்பிடாலிட்டி (20 சதவீதம்) மற்றும் கீதா வஜானி (5 சதவீதம்) ஆகியவற்றிலிருந்து வந்தது. கீதாவின் கணவர் யோகேஷ் வஜானி டாரோனிஷ் ஹாஸ்பிடாலிட்டியின் இயக்குனர்களில் ஒருவர்.

உக்ரயா மெர்க்கன்டைல் ​​மற்றும் உக்ரயா அக்ரோ ஆகியவை முறையே ரூ.20 லட்சம் மற்றும் ரூ.10 லட்சத்தை எய்ட்டாலுக்கு குறுகிய கால கடனாக வழங்கின.

அவரது உணவகத்தின் முகவரி எய்ட்டாலின் வணிகத்தின் முக்கிய இடமாக இருப்பதைப் பற்றி கேட்டதற்கு, கஃபேவின் உரிமையாளர் டீன் டி’காமா தி இந்தியன் எக்ஸ்பிரஸ்ஸிடம் கூறினார்: “தயவுசெய்து எனது வழக்கறிஞரிடம் இதைப் பற்றி பேசுங்கள்.”

அவரது வழக்கறிஞர் பென்னி நாசரேத் கூறினார்: “இந்த குறிப்பிட்ட சொத்தின் (Silly Souls Café) உரிமையாளர்களாக நான் டி’காமா-வை பிரதிநிதித்துவப்படுத்துகிறேன். அவர்கள் செல்லுபடியாகும் கலால் உரிமத்தைப் பெற்றுள்ளனர், மேலும் எங்களுக்கு ஒரு ஷோ-காஸ் நோட்டீஸ் அனுப்பப்பட்டு அதற்கு நாங்கள் பதிலளித்துள்ளோம். அவ்வளவுதான். அதைத் தாண்டி எதையும் விவாதிக்க எனது வாடிக்கையாளரிடமிருந்து எனக்கு எந்த உத்தரவும் இல்லை.”

முதலீடு மற்றும் சில்லி சோல்ஸ் கோவா கஃபே மற்றும் பார் ஆகியவற்றுடன் பொருந்திய முகவரி குறித்து ஜூபின் இரானியிடம் (உக்ரயா அக்ரோ ஃபார்ம்ஸ் மற்றும் உக்ரயா மெர்க்கன்டைலில் பெரும்பான்மையான பங்குதாரர்) கேள்விகள் கேட்கப்பட்டன, ஆனால் அவர் பதில் அளிக்கவில்லை.

கடந்த ஞாயிற்றுக்கிழமை காங்கிரஸின் குற்றச்சாட்டுகளுக்கு பதிலளித்த ஜோயிஷின் வழக்கறிஞர் கிரத் சிங் நாக்ரா, “உணவு விடுதியின் நிர்வாகம் மற்றும் விவகாரங்களில் தனக்கு எந்த கட்டுப்பாடும் அல்லது மேற்பார்வையும் இல்லை,” மேலும் அவரது தொடர்பு ஒரு பயிற்சியுடன் “வரையறுக்கப்பட்டதாக” கூறினார்.

திங்களன்று, ஜோயிஷ் பங்குதாரராக இருக்கும் நிறுவனங்களின் அதே முகவரி மற்றும் தீர்மானம் பற்றி கேட்டபோது, ​​அவர் தி இந்தியன் எக்ஸ்பிரஸிடம் கூறினார்: “முதலில், இந்த பிரச்சினை நீதித்துறைக்கு உட்பட்டது. இரண்டாவதாக, உணவகம் பற்றியோ அல்லது அது தொடர்பான எதையும் நேரடியாகவோ அல்லது மறைமுகமாகவோ கூற விரும்ப மாட்டோம்.”

பால்கரில் உள்ள எய்ட்டாலின் பதிவு செய்யப்பட்ட அலுவலக முகவரிக்கு இந்தியன் எக்ஸ்பிரஸ் சென்றபோது, ​​அது எய்ட்டாலின் கணக்கியல் நிறுவனமான யோகேஷ் கே வஜானி மற்றும் கோ சார்ட்டர்ட் அக்கவுன்டன்ட்ஸ் வளாகத்தில் இருந்தது.

எய்ட்டால் மற்றும் சில்லி சோல்ஸ் கோவா கஃபே மற்றும் பார் இடையேயான உறவைப் பற்றி கேட்டபோது, ​​யோகேஷ் வஜானி, “இந்த விஷயத்தில் கேள்விகளை கேட்க வேண்டாம்” என்றார்.

மார்ச் 31, 2021 இல் முடிவடைந்த ஆண்டில், எய்ட்டால் ரூ. 22.73 லட்சம் வருவாயையும், ரூ. 3.06 லட்சம் நஷ்டத்தையும் ஈட்டியுள்ளது.

இது டிசம்பர் 31, 2020 இல் இணைக்கப்பட்டபோது, ​​நிறுவனத்தின் நிதிப் பதிவுகள் ஜனவரி முதல் மார்ச் 2021 வரை ரூ.2,72,500 வாடகை செலுத்தியதாகவும், ரூ.3,35,500 ஆல்கஹால் இருப்பு வைத்திருந்ததாகவும் காட்டுகின்றன.

(கூடுதல் தகவல்கள் : ஜெய்பிரகாஷ் எஸ் நாயுடு, மும்பை)

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Stay updated with the latest news headlines and all the latest India news download Indian Express Tamil App.

Web Title: Smriti irani kin invested firm gst place of business cafe