டாக்டர் பி.ஆர் அம்பேத்கர் மற்றும் தலித்துகளுக்கு எதிராக அவதூறான கருத்துக்களை தெரிவித்ததாக கூறப்படும் ஒரு வீடியோ வைரலானதைத் தொடர்ந்து ஜெயின் பல்கலைக்கழக மேலாண்மை ஆய்வு மையத்தைச் சேர்ந்த 6 மாணவர்கள் இடைநீக்கம் செய்யப்பட்டுள்ளனர்.
யு.ஜி.சி வழிகாட்டுதலின்படி நிபுணர்களை உள்ளடக்கிய ஒழுங்குமுறைக் குழுவை பல்கலைக்கழகம் அமைத்துள்ளதாக இந்தியன் எக்ஸ்பிரஸ் பத்திரிகைக்கு பல்கலைக்கழக அதிகாரி ஒருவர் உறுதிப்படுத்தினார்.
இதையும் படியுங்கள்: ‘TARKASH’ பயங்கரவாத தடுப்பு : இந்திய – அமெரிக்க படைகள் சென்னையில் கூட்டுப் பயிற்சி
மாணவர்கள் நடத்திய நாடகம் எதிர்வரும் பிப்ரவரி மாதம் 20ஆம் தேதி வரை நடைபெறவுள்ள கல்லூரியின் ஏற்பாட்டில் நடைபெறும் இளைஞர் திருவிழாவின் ஒரு அங்கமாகவே இந்தச் சம்பவம் இடம்பெற்றுள்ளது. வஞ்சித் பகுஜன் ஆகாடியின் இளைஞர் பிரிவு மாநில உறுப்பினர், அக்சய் பன்சோட், மகாராஷ்டிர மாநிலம் நாந்தேட் காவல்துறை கண்காணிப்பாளர் முன்பு, மாணவர்கள் மற்றும் பல்கலைக்கழகத்தின் மீது நடவடிக்கை எடுக்கக் கோரி முறையான போலீஸ் புகார் ஒன்றை அளித்தார்.
அக்சய் பன்சோட் தனது புகாரில், “இந்த ஸ்கிட் (நாடகம்) மிகவும் சாதிவெறி கொண்டது மற்றும் தீவிரமான தவறான நோக்கங்களுடன் நிகழ்த்தப்பட்டது மற்றும் சமூகத்தையும் அதைச் சேர்ந்த மக்களையும் வேண்டுமென்றே அவமதித்து அவமானப்படுத்துகிறது. மேலும், டாக்டர் பாபாசாகேப் அம்பேத்கரைப் பற்றிய இழிவான மற்றும் அவதூறான அறிக்கையானது பெரிய அளவில் மிகவும் புண்படுத்தக்கூடியது மற்றும் இந்த நாடகம் பல்வேறு சோதனைகளுக்கு உட்படுத்தப்பட்ட பிறகும், மேடையில் நிகழ்த்துவதற்கும் சமூக ஊடகங்களில் வெளியிடுவதற்கும் அனுமதிக்கப்பட்டுள்ளது, இது நாடகம் நிகழ்த்திய மாணவர்கள் மற்றும் பல்கலைக்கழக அதிகாரிகளின் நோக்கத்தை வெளிப்படுத்துகிறது,” என்று குறிப்பிட்டு இருந்தார்.
இதற்கிடையில், பல்கலைக்கழக அதிகாரிகள் பொதுமக்களிடம் “நிபந்தனையற்ற மன்னிப்பு” கேட்கப்பட்டுள்ளதாகவும், இது குறித்து விசாரணைக்கு உத்தரவிடப்பட்டுள்ளதாகவும் கூறினர். “நாட்டில் உள்ள சாதிய எதிர்ப்பு அமைப்பை முன்னிலைப்படுத்துவதே ஸ்கிட்டின் நோக்கம். இருப்பினும், மாணவர்கள் தங்கள் விளக்கக்காட்சியில் கொஞ்சம் அதிகமாகவே சென்றனர். அந்த ஸ்கிட் மனதை புண்படுத்தும் வகையில் இருந்தது என்பதை உணர்ந்தவுடன், உடனடியாக அந்த மாணவர்களை சஸ்பெண்ட் செய்தோம். மாணவர்களின் பெற்றோரையும் அழைத்து நடந்த சம்பவம் குறித்து தெரிவித்தோம். யு.ஜி.சி வழிகாட்டுதலின்படி, பல்கலைக்கழகம் ஒரு ஒழுங்குக் குழுவையும் அமைத்துள்ளது, அது விசாரணைக்குப் பிறகு இந்த விஷயத்தில் முடிவெடுக்கும்” என்று பல்கலைக்கழக அதிகாரி ஒருவர் கூறினார்.
அந்த அதிகாரி மேலும் கூறியதாவது, “ஸ்கிட் மேட்-அட்ஸின் ஒரு பகுதியாக இருந்ததால், செயல்திறன் ஒரு சிறந்ததாக இருந்தது. சமூகத்தில் நிலவும் சாதிய எதிர்ப்பு முறையை இது எடுத்துக்காட்டினாலும், மாணவர்கள் கொஞ்சம் எல்லை தாண்டி விட்டனர். இந்தச் செயலை நாங்கள் வன்மையாகக் கண்டிக்கிறோம்” என்றார்.
CMS இன் நாடகக் குழுவான தி டெல்ராய்ஸ் பாய்ஸால் இந்த ஸ்கிட் இயற்றப்பட்டது. அதை இன்ஸ்டாகிராமிற்கு எடுத்துச் சென்ற குழு, ஸ்கிட் பாரபட்சமானதாக இருக்கவில்லை என்றும் பொது மன்னிப்பு கேட்டுள்ளது என்றும் குறிப்பிட்டுள்ளது. இருப்பினும், அவர்களின் இன்ஸ்டாகிராம் கணக்கு இப்போது செயலிழந்ததாகத் தெரிகிறது.
தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil
