சொத்துகளை அறிவித்த 27 நீதிபதிகளின் பட்டியலை வெளியிட்டது சுப்ரீம் கோர்ட்; ஆனால், அவகளின் சொத்து விவரம் இல்லை

தங்கள் சொத்துக்களை அறிவித்த 27 நீதிபதிகளின் பெயர்களின் பட்டியலை உச்சநீதிமன்றம் வெளியிட்டுள்ளது. குறிப்பிடத்தக்க வகையில், சில மாதங்களுக்கு முன்பு வரை, உச்ச நீதிமன்றத்தின் 55 முன்னாள் நீதிபதிகளின் சொத்துக்களின் அறிவிப்புகள் பொதுக் களத்தில் இருந்தன, ஆனால், பதவியில் இருக்கும் நீதிபதிகளுடையது இல்லை. அந்த அறிவிப்புகள் இப்போது காணவில்லை.

ஆங்கிலத்தில் படிக்க: Supreme Court lists names of 27 judges who declared assets but not their assets

உச்ச நீதிமன்றத்தின் அதிகாரபூர்வ இணையதளத்தில் கடந்த மாதம் வெளியான தகவல் புதுப்பித்தலின்படி, தற்போதைய 33 நீதிபதிகளில் 27 பேர் தங்கள் சொத்துக்கள் மற்றும் கடன்களை இந்திய தலைமை நீதிபதியிடம் அறிவித்துள்ளனர்.

அவர்களின் பெயர்கள் வெளியிடப்பட்டுள்ளன, ஆனால் அவர்களின் சொத்து விவரங்கள் இல்லை.

உச்ச நீதிமன்றம் மற்றும் உயர் நீதிமன்ற நீதிபதிகளின் சொத்துக்கள் மற்றும் கடன்களை கட்டாயமாக வெளியிடுவதற்கான சட்டத்தை பணியாளர்கள், பொதுமக்கள் குறைகள் மற்றும் சட்டம் மற்றும் நீதிக்கான நாடாளுமன்றக் குழு பரிந்துரைத்த ஒரு வருடத்திற்குப் பிறகு இது வந்துள்ளது.

குறிப்பிடத்தக்க வகையில், சில மாதங்களுக்கு முன்பு வரை, உச்ச நீதிமன்றத்தின் 55 முன்னாள் நீதிபதிகளின் அறிவிப்புகள் பொதுக் களத்தில் இருந்தன, ஆனால், பதவியில் இருக்கும் நீதிபதிகளுடையது இல்லை. அந்த அறிவிப்புகள் இப்போது காணவில்லை.

உச்ச நீதிமன்ற அதிகாரி ஒருவருடன் இந்தியன் எக்ஸ்பிரஸ்ஸிடம் தொடர்பு கொண்டபோது, ​​ஆகஸ்ட் 7-ம் தேதி இணையதளத்தில் மாற்றம் செய்யப்பட்டதாகத் தெரிவித்தார். “பதவியில் இருந்து விலகியவர்களின் பதிவுகள் அகற்றப்பட்டன. மேலும், ஒரு நீதிபதி பதவிப் பிரமாணம் செய்யும்போது, ​​சொத்துக்கள் பற்றிய அறிவிப்பு செய்யப்பட்டு, பதிவுகள் உச்ச நீதிமன்றத்தால் அலுவலகத்தால் பராமரிக்கப்படும். இருப்பினும், பொது வெளிப்படுத்தல் முற்றிலும் தன்னார்வ அடிப்படையில் உள்ளது” என்று அந்த அதிகாரி கூறினார்.

நீதிபதிகள் பெயர்களின் பட்டியலை முன்வைத்து, உச்ச நீதிமன்ற இணையதளம் கூறுகிறது: “இந்திய உச்ச நீதிமன்றத்தின் முழு நீதிமன்றம், நீதிபதிகள் பதவி ஏற்றதும், கணிசமான இயல்புடைய எந்தவொரு கையகப்படுத்துதலும் செய்யப்பட்டால், தலைமை நீதிபதியிடம் தங்கள் சொத்துக்களை அறிவிக்க வேண்டும் என்று தீர்மானித்தது. இதில் இந்திய தலைமை நீதிபதியின் பிரகடனங்களும் அடங்கும். சுப்ரீம் கோர்ட் இணையதளத்தில் சொத்து விவரத்தை வைப்பது தன்னார்வ அடிப்படையில்தான் இருக்கும்.” என்று கூறியுள்ளது.

இணையதளத்தில் தங்கள் சொத்துக்களை வெளியிட்ட நீதிபதிகள்: தலைமை நீதிபதி டி.ஒய்.சந்திரசூட், நீதிபதி சஞ்சீவ் கண்ணா, நீதிபதி பி.ஆர். கவாய், நீதிபதி சூர்ய காந்த், நீதிபதி ஹிருஷிகேஷ் ராய், நீதிபதி அபய் எஸ். ஓகா, நீதிபதி விக்ரம் நாத், நீதிபதி ஜே.கே.மகேஸ்வரி, நீதிபதி பி.வி. நாகரத்னா, நீதிபதி எம்.எம்.சுந்தரேஷ், நீதிபதி பேலா எம். திரிவேதி, நீதிபதி பி.எஸ். நரசிம்மா, நீதிபதி சுதன்ஷு துலியா, நீதிபதி ஜே.பி.பார்திவாலா, நீதிபதி தீபங்கர் தத்தா, நீதிபதி பங்கஜ் மித்தல், நீதிபதி சஞ்சய் கரோல், நீதிபதி சஞ்சய் குமார், நீதிபதி அஹ்சானுதீன் அமானுல்லா, நீதிபதி மனோஜ் மிஸ்ரா, நீதிபதி அரவிந்த் குமார், நீதிபதி கே.வி. விஸ்வநாதன், நீதிபதி உஜ்ஜல் புயான், நீதிபதி எஸ். வெங்கடநாராயண பாட்டி, நீதிபதி அகஸ்டின் ஜார்ஜ் மாசிஹ், நீதிபதி சந்தீப் மேத்தா மற்றும் நீதிபதி பிரசன்னா பாலச்சந்திர வரலே.

கடந்த ஆண்டு ஆகஸ்ட் 28ஆம் தேதி, இந்தியன் எக்ஸ்பிரஸ், 2022-2024-ம் ஆண்டில் தங்கள் சொத்துக்களை அறிவிக்காத நீதிபதிகளின் விவரங்களையும், அது தொடர்பான அதிகாரப்பூர்வ கடிதங்களையும் கேட்டு தகவல் அறியும் உரிமைச் சட்டத்தின் கீழ் ஒரு விண்ணப்பத்தை தாக்கல் செய்தது.

உச்ச நீதிமன்றத்தின் மத்திய பொதுத் தகவல் அதிகாரி, கேட்கப்பட்ட தகவல்களுக்கு ஆர்.டி.ஐ சட்டத்தின் கீழ் விலக்கு அளிக்கப்பட்டுள்ளது என்று பதிலளித்தார். இதை எதிர்த்து தாக்கல் செய்யப்பட்ட மேல்முறையீட்டில், முதல் மேல்முறையீட்டு ஆணையம் கூறியது:  “சி.பி.ஐ.ஓ (CPIO) அனுப்பிய பதில் பொருத்தமானது, மேலும் கூடுதல் அல்லது கூடுதல் விவரங்கள் தேவையில்லை.” என்று கூறியது.

தற்செயலாக, செப்டம்பர் 8, 2009 அன்று, உச்ச நீதிமன்றத்தின் முழு அமர்வு அக்டோபர் 31, 2009 அன்று அல்லது அதற்கு முன்னர் நீதிமன்றத்தின் இணையதளத்தில் தங்கள் சொத்துக்களை அறிவிக்க தீர்மானித்தது. மேலும், அது முற்றிலும் தன்னார்வ அடிப்படையில் என்றும் சேர்த்துக் கொண்டது. நீதிபதிகளின் சொத்துக்கள் இணையதளத்தில் வெளியிடப்பட்டன, ஆனால் இந்த நடைமுறை மார்ச் 31, 2018-க்குப் பிறகு நிறுத்தப்பட்டது.

கடந்த ஆண்டு டிசம்பர் 11ஆம் தேதி, பா.ஜ.க எம்பியும், சட்டத்திற்கான நாடாளுமன்ற நிலைக்குழு தலைவருமான மறைந்த சுஷில் குமார் மோடி, எம்.பி.க்கள், எம்.எல்.ஏ-க்கள் மற்றும் அகில இந்தியப் பணி அதிகாரிகளைப் போலவே, உச்ச நீதிமன்றம் மற்றும் உயர் நீதிமன்ற நீதிபதிகளும் தங்களது சொத்துக்களின் விவரங்களைக் கட்டாயமாக வெளியிட வேண்டும் என்று கூறியிருந்தார். 

நவம்பர் 13, 2019-ல் நீதிபதி ரஞ்சன் கோகோய் தலைமையிலான உச்ச நீதிமன்ற அரசியல் சாசன அமர்வின் (அமர்வின் மற்ற உறுப்பினர்களில் நீதிபதிகள் என்.வி. ரமணா, டி.ஒய். சந்திரசூட், தீபக் குப்தா மற்றும் சஞ்சீவ் கண்ணா ஆகியோர் அடங்குவர்) இந்தியத் தலைமை நீதிபதியின் அலுவலகம் பொதுத்துறை அதிகாரம் என்று தகவல் அறியும் உரிமைச் சட்டத்தின் கீழ் கூறியது. நீதித்துறையின் திறமையன செயல்பாட்டைக் குலைப்பதற்கு தகவல் பெறும் உரிமையை கண்காணிப்புக் கருவியாகப் பயன்படுத்த அனுமதிக்கக் கூடாது” என்று கூறியது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“