நீட் தேர்வை ரத்து செய்ய கோரிய மனுக்கள்; 3 ஐகோர்ட்களின் விசாரணைக்கு உச்ச நீதிமன்றம் தடை

நீட் (NEET-UG 2024) தேர்வில் வினாத்தாள் கசிவு மற்றும் முரண்பாடுகள் தொடர்பாக மூன்று உயர் நீதிமன்றங்களில் தாக்கல் செய்யப்பட்ட மனுக்கள் மீதான நடவடிக்கைகளுக்கு உச்ச நீதிமன்றம் வியாழக்கிழமை தடை விதித்தது.

நீதிபதிகள் விக்ரம் நாத் மற்றும் எஸ்.வி.என் பாட்டி ஆகியோர் அடங்கிய விடுமுறைக்கால பெஞ்ச், நீட் தேர்வை ரத்து செய்யக் கோரிய மனுக்கள் உட்பட இந்த விவகாரம் தொடர்பான அனைத்து மனுக்களுக்கும், தேசிய தேர்வு முகமை, மத்திய அரசு மற்றும் பிறரிடமிருந்து பதில்களைக் கோரியது. தேசிய தேர்வு முகமை மற்றும் பிற மனுதாரர்கள் தாக்கல் செய்த மனுக்கள் ஜூலை 8ஆம் தேதி விசாரணைக்கு வரும்.

நீட் தேர்வு தொடர்பான தனி மனுவை விசாரித்த உச்ச நீதிமன்றம், தேர்வை நடத்துவதில் யாரேனும் 0.001 சதவீதம் அலட்சியம் காட்டினாலும், அதை முழுமையாக கையாள வேண்டும் என்று ஜூன் 18 ஆம் தேதி கூறியது.

நீட் தேர்வு வினாத்தாள் காகித கசிவு மற்றும் முரண்பாடுகள் பற்றிய குற்றச்சாட்டுகள் நாடு முழுவதும் பெரும் பரபரப்பை ஏற்படுத்தியுள்ளன, எதிர்க்கட்சிகள் நரேந்திர மோடி அரசாங்கத்தின் மீது கடும் விமர்சனங்களை முன்வைத்து வருகின்றன.

பிரதமர் மோடி ஒவ்வொரு ஆண்டும் 'பரீக்ஷா பே சர்ச்சா' என்று அழைக்கும் "பிரமாண்ட தமாஷா" நடத்துகிறார், ஆனால் அவரது அரசாங்கத்தால் வினாத்தாள் கசிவுகள் மற்றும் மோசடிகள் இல்லாமல் ஒரு தேர்வை கூட நடத்த முடியாது என்று காங்கிரஸ் வியாழக்கிழமை கூறியது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“