ஊழல் புகார் எதிரொலி... லாலு பிரச்சாத்தின் 6 கோடி சொத்துக்கள் முடக்கம் : அமலாக்கத்துறை நடவடிக்கை

நிலம் மோசடி தொடர்பாக முன்னாள் ரயில்வே அமைச்சர் லாலு பிரசாத் யாதவ், அவரது குடும்பத்தினர் மற்றும் பலர் சம்பந்தப்பட்ட ₹6.02 கோடி மதிப்புள்ள சொத்துக்களை அமலாக்க இயக்குனரகம் (ED) முடக்கியுள்ளது.

இது தொடர்பான வெளியான அறிக்கையின்படி முடக்கப்பட்ட அசையா சொத்துக்கள் லாலு பிரசாத்தின் மனைவி ரப்ரி தேவிக்கு சொந்தமானது. அவர்களின் மகள் மிஷா பாரதி, வினீத் யாதவ், மற்றொரு மகளின் கணவர் ஹேமா யாதவ், மற்றும் ஹேமா யாதவின் மாமனார் சிவகுமார் யாதவ்,  ஏ பி எக்ஸ்போர்ட்ஸ் மற்றும் ஏ கே இன்ஃபோசிஸ்டம் தவிர, மற்ற இடங்கள் பிரசாத் மற்றும் அவரது குடும்ப உறுப்பினர்களுக்கு சொந்தமானது. மேலும் டெல்லி, காசியாபாத் (உத்தர பிரதேசம்) மற்றும் பாட்னா (பீகார்) ஆகிய இடங்களில் அமைந்துள்ளது.

காங்கிரஸ் ஆட்சி காலத்தில் ரயில்வே அமைச்சராக இருந்த லாலு பிரசாரத் யாதவ், அவரது மனைவி மற்றும் குடும்ப உறுப்பினர்களுக்கு எதிராக மத்திய புலனாய்வு அமைப்பு (சிபிஐ) பதிவு செய்த முதல் தகவல் அறிக்கையின் அடிப்படையில் அமலாக்கத்துறை  விசாரணை நடத்தியுள்ளது. நடத்தப்பட்டுள்ளது. இந்த விசாரணையில் லாலு தனது பதவிக் காலத்தில், (2004 முதல் 2009 வரை) பல்வேறு இந்திய ரயில்வே மண்டலங்களில் உள்ள குரூப் 'டி' பணியிடங்களில், முறைகேடாக பல பணியாளர்களை நியமித்துள்ளதாக குற்றச்சாட்டு எழுந்தது.

பாட்னாவில் வசிக்கும் மாற்றுத் திறனாளிகள், தாங்களாகவோ அல்லது அவர்களது குடும்ப உறுப்பினர்கள் மூலமாகவோ, பிரசாத்தின் குடும்ப உறுப்பினர்களுக்கும், அவர்களால் கட்டுப்படுத்தப்பட்ட ஒரு நிறுவனத்துக்கும், அப்போதைய சர்க்கிள் விகிதத்தை விட மிகக் குறைந்த விலையில் நிலத்தை அன்பளிப்பாக வழங்கியுள்ளனர். லாலுவின் குடும்ப உறுப்பினர்களின் பெயருக்கு இதுபோன்ற அசையா சொத்துகளை மாற்றும் நடவடிக்கையிலும் அந்த நிறுவனம் ஈடுபட்டுள்ளதாக கூறப்படுகிறது.

ரயில்வே துறையில் மாற்றுத்திறனாளிகளை நியமிப்பதற்கான விளம்பரங்கள் அல்லது பொது அறிவிப்புகள் எதுவும் வெளியிடப்படவில்லை, இது போன்ற பணியாளர்கள் மும்பை, ஜபல்பூர், கொல்கத்தா, ஜெய்ப்பூர் மற்றும் ஹாசிபூர் ஆகிய இடங்களில் உள்ள மண்டல ரயில்வேயில் சேர்க்கப்பட்டுள்ளனர் என்று சிபிஐ குற்றம் சாட்டியுள்ளது. அவர்களின் விண்ணப்பங்கள் மற்றும் ஆவணங்கள் சில நபர்கள் மூலம் சேகரிக்கப்பட்டு செயலாக்கத்திற்கு அனுப்பப்பட்டது.

லஞ்சம் பெறுவதற்காக லாலு பிரசாத் தனது பதவியை துஷ்பிரயோகம் செய்ததாகவும், இந்த கிரிமினல் செயல்கள் மூலம், அவரது குடும்ப உறுப்பினர்கள் மஹுபாக் (டானாபூர்) மற்றும் பிஹ்தா, பாட்னாவில் நிலங்களை பெற உதவியது என்றும் அமலாக்கத்துறை இயக்குனரகம் தெரிவித்துள்ளது.

இந்த வழக்கில் முன்னதாக, டெல்லி, பாட்னா, மும்பை மற்றும் ராஞ்சியைச் சுற்றியுள்ள பல இடங்களில், லாலு பிரசாத், அவரது குடும்ப உறுப்பினர்கள் மற்றும் அவர்களது தொடர்புகள் உட்பட பல இடங்களில் அமலாக்கத்துறை சோதனை நடத்தியது. முன்னாள் ஆர்ஜேடி எம்எல்ஏ சையத் அபு டோஜானாவுடன் தொடர்புடைய நிறுவனமான மெரிடியன் கன்ஸ்ட்ரக்ஷன் இந்தியா லிமிடெட் நிறுவனத்திற்கு, நியமனம் செய்யப்பட்டவர்களிடமிருந்து சட்டவிரோதமாக கையகப்படுத்தப்பட்ட நிலங்கள் தேவி மற்றும் ஹேமா யாதவ் ஆகியோருக்கு விற்றதாக ஏஜென்சி கண்டறிந்துள்ளது.

லாலு பிரசாத்தின் மகனும் தற்போது பீகார் துணை முதல்வருமான தேஜஸ்வி யாதவ் மற்றும் மகள் சந்தா யாதவ் ஆகியோருக்கு ஷெல் நிறுவனம் சொந்தமானது என்று குற்றம் டெல்லியைச் சேர்ந்த ஏ பி எக்ஸ்போர்ட்ஸ் நிறுவனம் சாட்டியுள்ளது. காஜியாபாத்தில் முக்கிய வணிக இடத்துடன் இயங்கி வரும் பாகீரதி ட்யூப்ஸ்,  ஹேமா யாதவின் மாமனார் மற்றும் கணவரின் கட்டுப்பாட்டின் கீழ் ஒரு கூட்டு நிறுவனமாக இருந்ததாக தகவல் வெளியாகியுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“