பீகார் துணை முதல்வரிடம் 2 வாக்காளர் அட்டைகள் - தேஜஸ்வி யாதவ் குற்றச்சாட்டு; விஜய் குமார் சின்ஹா விளக்கம்

பீகார் துணை முதல்வர் விஜய் குமார் சின்ஹா மாநிலத்தின் இரண்டு வெவ்வேறு சட்டமன்றத் தொகுதிகளில் இரண்டு தேர்தல் அடையாள அட்டை (EPIC) எண்களை வைத்திருப்பதாக ராஷ்ட்ரிய ஜனதா தளம் (RJD) தலைவர் தேஜஸ்வி யாதவ் குற்றம் சாட்டிய ஒரு மணி நேரத்திற்குப் பிறகு, தேஜஸ்வி யாதவ் தனக்கு எதிராக "தவறான குற்றச்சாட்டுகளை" எழுப்பியதாக விஜய் குமார் சின்ஹா குற்றம் சாட்டினார், மேலும் மன்னிப்பு கேட்குமாறும் கேட்டுக் கொண்டார்.

இந்தச் செய்தியை ஆங்கிலத்தில் படிக்க கிளிக் செய்யவும்

ஒரு செய்தியாளர் கூட்டத்தில் பேசிய தேஜஸ்வி யாதவ், பீகாரில் உள்ள மூன்று லட்சம் வீடுகளுக்கு பூஜ்ஜிய எண்கள் இருப்பதாகவும் குற்றம் சாட்டினார். "பீகாரில் உள்ள மூன்று லட்சம் வீடுகளுக்கு பூஜ்ஜிய வீட்டு எண்கள் உள்ளன. இது ஒரு நகைச்சுவையா? இது என்ன வகையான SIR செயல்முறை? விஜய் சின்ஹாவும் தேர்தல் ஆணையமும், குறைந்தபட்சம் தேர்தல் ஆணையரும் இந்த விஷயங்களை தங்கள் ஈகோவில் எடுத்துக்கொள்ளக்கூடாது என்று நான் நினைக்கிறேன். ஜனநாயகத்தை வலுப்படுத்த, நியாயமான தேர்தல்களை நடத்த நீங்கள் இங்கு வந்துள்ளீர்கள்... முதலில், வேறு எந்த அரசியல் கட்சியையும் அழைக்காமல் நீங்கள் முடிவை எடுத்தீர்கள். ஆனாலும், அது குறைந்தபட்சம் எளிமைப்படுத்தப்பட வேண்டும், நடைமுறைப்படுத்தப்பட வேண்டும் மற்றும் ஜனநாயகம் மற்றும் வாக்காளர்களுக்கு பயனளிக்க வேண்டும், பீகாரை வலுப்படுத்த வேண்டும், பா.ஜ.க தலைவர்களுக்கு அதிகாரம் அளிக்கக்கூடாது," என்று தேஜஸ்வி யாதவ் கூறினார்.

இந்த விஷயத்தில் "விஜய் சின்ஹா" மற்றும் "தேர்தல் ஆணையத்தை" இரண்டு முக்கிய குற்றவாளிகளாக குறிப்பிட்டு, குற்றவாளிகள் என நிரூபிக்கப்பட்டவர்கள் மீது நடவடிக்கை எடுக்க வேண்டும் என்ற தனது கோரிக்கையை தேஜஸ்வி யாதவ் மீண்டும் வலியுறுத்தினார். "விஜய் சின்ஹா மீது நடவடிக்கை எடுக்கப்படுகிறதா இல்லையா என்பதைப் பார்ப்போம். விஜய் சின்ஹா குற்றவாளி என நிரூபிக்கப்பட்டால், அவர் ராஜினாமா செய்ய வேண்டும், மேலும் அவர் மீது எஃப்.ஐ.ஆர் பதிவு செய்யப்பட வேண்டும். தேர்தல் ஆணையம் குற்றவாளி என நிரூபிக்கப்பட்டால், தேர்தல் ஆணையர் வந்து SIR-ஐ திரும்பப் பெற்று மன்னிப்பு கேட்க வேண்டும்," என்று தேஜஸ்வி யாதவ் கூறினார்.

தேர்தல் நடைபெற உள்ள பீகாரில் தேர்தல் ஆணையத்தின் சிறப்பு தீவிர வாக்காளர் பட்டியல் திருத்தம் (SIR) தொடர்பாக எதிர்க்கட்சிகள் நாடாளுமன்றத்தில் அரிய ஒற்றுமையைக் காட்டும் வேளையில் இந்தக் குற்றச்சாட்டுகள் வந்துள்ளன. "தேர்தல் ஆணையத்தால் முழுமையான மோசடி செய்யப்படுவதாக மகாகத்பந்தன் கூறி வருவது இரண்டு விஷயங்கள் மட்டுமே: தேர்தல் ஆணையத்தின் SIR இன் முழு செயல்முறையும் மோசடியானது, அல்லது பீகார் துணை முதல்வர் ஒரு மோசடி" என்று தேஜஸ்வி யாதவ் தனது அறிக்கையில் கூறினார்.

முன்னதாக, எக்ஸ் பக்கத்தில் ஒரு பதிவில், தேஜஸ்வி யாதவ் எழுதினார்: “பீகாரின் துணை முதல்வர் விஜய் சின்ஹா, மோடி ஜியின் நெருங்கிய கூட்டாளி. இவருக்கு இரண்டு வெவ்வேறு மாவட்டங்களில் உள்ள இரண்டு வெவ்வேறு சட்டமன்றத் தொகுதிகளில் வாக்கு உள்ளது. லக்கி சராய் மாவட்டத்தில் உள்ள லக்கி சராய் சட்டமன்றத் தொகுதியிலும், பாட்னா மாவட்டத்தில் உள்ள பங்கிபூர் சட்டமன்றத் தொகுதியிலும் வாக்கு உள்ளது. அவரிடன் இரண்டு வெவ்வேறு வாக்காளர் அட்டைகள் உள்ளன.”

இது ஒரு “வயது மோசடி” என்று குறிப்பிட்ட தேஜஸ்வி யாதவ், “இரண்டு இடங்களிலும் அவருக்கு இரண்டு வெவ்வேறு வயதுகள் உள்ளன. ஒரு இடத்தில், அவரின் வயது 57 ஆண்டுகள், மற்றொன்றில், அது 60 ஆண்டுகள். இது மோசடி மற்றும் வயது மோசடி இல்லையா? அவர் இரண்டு வெவ்வேறு சட்டமன்றத் தொகுதிகளில் இரண்டு வெவ்வேறு கணக்கெடுப்பு படிவங்களை நிரப்பியுள்ளனர். அவர் இரண்டு வெவ்வேறு கணக்கெடுப்பு படிவங்களில் கையெழுத்திட்டுள்ளார். வேறு வார்த்தைகளில் கூறுவதானால், அவர் வேண்டுமென்றே இரண்டு வெவ்வேறு இடங்களில் இரண்டு வாக்குகளைப் பதிவு செய்துள்ளார்,” என்று குறிப்பிட்டார்.

“அவர் இரண்டு கணக்கெடுப்பு படிவங்களிலும் தனிப்பட்ட முறையில் கையெழுத்திடவில்லை என்றால், போலியான கையொப்பங்களின் அடிப்படையில் இரண்டு வெவ்வேறு சட்டமன்றத் தொகுதிகளில் தேர்தல் ஆணையம் அவருக்கு இரண்டு வெவ்வேறு வாக்குகளை உருவாக்கியதா?… தேர்தல் ஆணையம் வேண்டுமென்றே இந்த முறையில் பா.ஜ.க ஆதரவாளர்களுக்கு வாக்குகளைப் பதிவு செய்ததா? தேர்தல் ஆணையம் இரு இடங்களின் வரைவுப் பட்டியல்களில் அவரின் பெயரை எவ்வாறு சேர்த்தது? அவர்களுக்கு இரண்டு வெவ்வேறு அறிவிப்புகள் கிடைக்குமா, அல்லது இந்த விதிகள் எதிர்க்கட்சிகளுக்கு மட்டும்தானா?” என்றும் தேஜஸ்வி யாதவ் கேள்வி எழுப்பினார்.

குற்றச்சாட்டுகளுக்கு பதிலளித்த பீகார் துணை முதல்வர் விஜய் குமார் சின்ஹா, தேஜஸ்வி யாதவின் குற்றச்சாட்டுகளை தெளிவுபடுத்த முயன்றார், மேலும் செய்தியாளர்களிடம், “முன்னதாக, எனது முழு குடும்பத்தின் பெயரும் பாட்னாவில் பட்டியலிடப்பட்டிருந்தது. ஏப்ரல் 2024 இல், லக்கி சராய் சட்டமன்றத்தில் எனது பெயரைச் சேர்க்க விண்ணப்பித்தேன். எனது பெயரை நீக்க ஒரு படிவத்தையும் நிரப்பினேன். அதற்கான ஆதாரம் என்னிடம் உள்ளது. ஏதோ காரணத்தால், எனது பெயர் நீக்கப்படவில்லை, எனவே நான் BLO-வை அழைத்து எழுத்துப்பூர்வ விண்ணப்பத்தைச் சமர்ப்பித்து ரசீது பெற்றுக் கொண்டேன்… என்னிடம் இரண்டு ஆவணங்களும் உள்ளன. எனது நீக்கல் படிவம் நிராகரிக்கப்பட்டது…” என்று கூறினார்.

மேலும், அவர் தனது வாக்கை ஒரே ஒரு சட்டமன்றத் தொகுதியில் மட்டுமே பதிவு செய்கிறார் என்றும் தெளிவுபடுத்தினார். "நான் ஒரே ஒரு இடத்திலிருந்து மட்டுமே வாக்களிப்பேன். கடந்த முறையும், நான் லக்கி சாராய் தொகுதியில் மட்டுமே வாக்களித்தேன், இந்த முறையும் படிவம் அங்கிருந்து நிரப்பப்பட்டது," என்று விஜய் குமார் சின்ஹா கூறினார்.

தேஜஸ்வி யாதவைப் பற்றி குறிப்பிட்டு, "முழுமையான உண்மைகளை" காட்ட வேண்டியதன் அவசியத்தை வலியுறுத்திய துணை முதல்வர், "அரசியலமைப்பு பதவியில் இருக்கும் ஒருவர் அரசியலை இதுபோன்ற வார்த்தைகளால் களங்கப்படுத்துவது வருத்தமளிக்கிறது, இது அவருக்குப் பொருந்தாது. முழுமையான உண்மைகள் தெரியப்படுத்தப்பட வேண்டும். காட்டு ராஜ்ஜியத்தின் இளவரசர் மற்றவர்களை களங்கப்படுத்தும் விளையாட்டை முழு பீகார் மற்றும் நாடும் அறிந்திருக்கிறது. அவர் மன்னிப்பு கேட்க வேண்டும், இதுபோன்ற பொய்யான குற்றச்சாட்டுகளை ஒருபோதும் கூறக்கூடாது" என்றும் சின்ஹா கூறினார்.