தெலங்கானா தேர்தல் முடிவுகள்: பி.ஆர்.எஸ்-க்கு மாறி போட்டி... மண்ணைக் கவ்விய காங்கிரஸ் எம்.எல்.ஏ-க்கள்

தெலங்கானாவில் 2019-ல் காங்கிரஸ் எம்.எல்.ஏ.க்களின் கிளர்ச்சியின் பின்னணியில் இருந்த பி. சபிதா இந்திரா ரெட்டி, டி. சுதீர் ரெட்டி ஆகியோர் மட்டுமே தங்கள் இடங்களில் வெற்றி பெற்றுள்ளனர்.

ஆங்கிலத்தில் படிக்க: Telangana election results: Congress MLAs who defected to BRS in 2019 bite the dust

தெலங்கானாவில் 2019 ஜூன் மாதம் 12 காங்கிரஸ் எம்.எல்.ஏ.க்களில் 10 பேர் தெலங்கானா ராஷ்டிர சமிதிக்கு (தற்போது பாரத் ராஷ்டிர சமிதி) மாறி காங்கிரஸ் கட்சிக்கு பெரும் தர்மசங்கடத்தை ஏற்படுத்தினர். தெலங்கானா சட்டசபையில் அதன் பலத்தைக் குறைத்த அவர்கள் இந்தத் தேர்தலில் தோல்வியடைந்துள்ளனர். அவர்களின் விலகலால் காங்கிரஸ் பிரதான எதிர்க்கட்சி மற்றும் சட்ட சபையில் இரண்டாவது பெரிய கட்சி என்ற அந்தஸ்தை இழக்க வழிவகுத்தது, இதனால், அப்போது காங்கிரஸ் கட்சித் தலைவர்கள் அதிர்ச்சியடைந்தனர்.

டிசம்பர் 2018 தேர்தலில் காங்கிரஸ் 19 இடங்களில் வெற்றி பெற்றது. பி.ஆர்.எஸ் கட்சிக்கு மாறிய 12 சட்டமன்ற உறுப்பினர்களில் 10 பேர் தோல்வியடைந்தனர். ஜி பாலராஜு அச்சம்பேட்டையில், 49,326 வாக்குகள் வித்தியாசத்தில் தோல்வி அடைந்தார். பி. ரோஹித் ரெட்டி தண்டூர் தொகுதியில் 6,583 வாக்குகள் வித்தியாசத்தில் தோல்வியடைந்தார். ரேகா காந்த ராவ் பினபாகவில் 34,506 வாக்குகள் வித்தியாசத்தில் தோல்வியடைந்தார். பி ஹர்ஷவர்தன் ரெட்டி கொல்லாப்பூரில் 29,931 வாக்குகள் வித்தியாசத்தில் தோல்வி அடைந்தார். கந்த்ரா வெங்கட் ரமண ராவ் பூபால்பல்லேவில் 52,699 வாக்குகள் வித்தியாசத்தில் தோல்வி அடைந்தார்), சுரேந்தர் ஜே யெல்லாரெட்டியில் 24,001 வாக்குகள் வித்தியாசத்தில் தோல்வியடைந்தார். ஹரிப்ரியா நாயக் பானோத் யெல்லாந்துவில் 57,301 வாக்குகள் வித்தியாசத்தில் தோல்வியடைந்தார். வானமா வெங்கடேஸ்வரா கொத்தகுடத்தில் 80,336 வாக்குகள் வித்தியாசத்தில் தோல்வியடைந்தார். கண்டலா உபேந்தர் ரெட்டி 56,650 வாக்குகள் வித்தியாசத்தில் பாளைரில் தோல்வி அடைந்தார். சி லிங்கய்யா நக்ரேக்கலில் 68,839 வாக்குகள் வித்தியாசத்தில் தோல்வி அடைந்தார்.

2019-ல் காங்கிரஸில் இருந்து பி.ஆர்.எஸ்-க்கு தாவிய கிளர்ச்சி, மகேஸ்வரத்தில் இரண்டாவது முறையாக வெற்றி பெற்றார், பா.ஜ.க-வின் ஸ்ரீராமுலு யாதவை 26,187 வாக்குகள் வித்தியாசத்தில் தோற்கடித்தார். லால் பகதூர் நகர் (எல்.பி. நகர்) தொகுதியில் டி சுதீர் ரெட்டி 22,305 வாக்குகள் வித்தியாசத்தில் பா.ஜ.க-வின் சாம ரங்கா ரெட்டியை தோற்கடித்தார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“