டெல்லியில் தாக்குதல் நடத்த பாகிஸ்தான் ஐஎஸ்ஐ திட்டம்; 6 தீவிரவாதிகள் கைது

Terrorists trained by Pakistan’s ISI planned festival attacks, 6 arrested: Delhi Police Special Cell: டெல்லி தாக்குதல் தொடர்பாக கைது செய்யப்பட்டவர்களுக்கு, தாவூத் இப்ராகிமுடன் தொடர்பு இருப்பதாக டெல்லி காவல்துறை தகவல்

பாகிஸ்தானின் இன்டர்-சர்வீசஸ் இன்டலிஜென்ஸ் (ஐஎஸ்ஐ) மூலம் பயிற்சி பெற்றதாக கூறப்படும் 2 பேர் உட்பட 6 பேரை டெல்லி போலீஸ் சிறப்பு பிரிவு கைது செய்துள்ளது. டெல்லி, உத்தரபிரதேசம் மற்றும் மகாராஷ்டிராவில் திருவிழா காலங்களில் தாக்குதல்களைத் திட்டமிடுவதற்காக தாவூத் இப்ராஹிமின் சகோதரருடன் பாகிஸ்தான் உளவுத்துறை செயல்படுவதாக காவல்துறை அதிகாரிகள் கூறினர்.

சிறப்பு பிரிவு அதிகாரி நீரஜ் தாக்கூர், மகாராஷ்டிராவில் வசிக்கும் ஜான் முகமது ஷேக் (47), ஜாமியா நகரில் வசிக்கும் ஒசாமா என்ற சாமி (22); ராய் பரேலியில் வசிக்கும் மூல்சந்த் என்றழைக்கப்படும் சாஜு (47), அலகாபாத்தில் வசிக்கும் ஜீஷன் கமர் (28), பஹ்ரைச்சில் வசிக்கும் முகமது அபுபக்கர் (23) மற்றும் லக்னோவில் வசிக்கும் முகமது அமீர் ஜாவேத் (31) ஆகிய பேரை கைது செய்துள்ளதாக கூறியுள்ளார்.

குற்றம் சாட்டப்பட்ட இருவரான ஒசாமா மற்றும் ஜீஷன் இந்த ஆண்டு பாகிஸ்தானில் பயிற்சி பெற்று ஐஎஸ்ஐ -யின் அறிவுறுத்தல்களைப் பெற்றுள்ளனர். மேம்படுத்தப்பட்ட வெடிகுண்டு சாதனங்களை (IED) வைக்க, தில்லி மற்றும் உத்தரபிரதேசத்தில் பொருத்தமான இடங்களை தேர்வு செய்யும்படி அவர்கள் கேட்டுக்கொள்ளப்பட்டனர்,” என்று தாக்கூர் கூறினார்.

கைது செய்யப்பட்ட நபர்கள் பயங்கரவாதத் திட்டத்தின் தனி அம்சங்களைச் செயல்படுத்தும் பணியைச் செய்ததாக தாக்கூர் கூறினார். “தாவூதின் சகோதரர் அனீஸ் இப்ராஹிமின் நெருங்கிய தொடர்பான பாதாள உலக (அண்டர்வேல்ர்ட்) இயக்க வீரர் சமீர், பாகிஸ்தானைச் சேர்ந்த ஒருவரால் பணியமர்த்தப்பட்டார் மற்றும் இந்தியாவில் பல்வேறு இடங்களுக்கு IED கள், அதிநவீன ஆயுதங்கள் மற்றும் கையெறி குண்டுகளை வழங்குவதை உறுதி செய்வதற்காக பாகிஸ்தானில் பதுங்கியிருக்கும் பாதாள உலக இயக்கங்களுடன் அவர் தொடர்பு கொண்டார். .

சில வாரங்களுக்கு முன்பு, இன்ஸ்பெக்டர்கள் சுனில் ராஜைன் மற்றும் ரவீந்தர் ஜோஷி தலைமையிலான குழு, இந்தியாவில் தொடர் ஐஇடி குண்டுவெடிப்புகளை நடத்த பாகிஸ்தான்-ஊக்குவிப்பு மற்றும் ஸ்பான்சர் செய்யப்பட்ட குழு திட்டமிட்டுள்ளதாக உளவுத்துறை நிறுவனங்களிடமிருந்து உள்ளீடுகளைப் பெற்றது.

“இந்த தீவிரவாத குழு எல்லை முழுவதும் உள்ள மூலங்களிலிருந்து ஏற்பாடு செய்யப்பட்ட பல IED களைப் பெற்றுள்ளது, மேலும் அவை முன்னேற்றகரமான நிலையில் இருந்தன. செவ்வாய்க்கிழமை, அவர்களைப் பற்றிய தகவல்களைச் சேகரித்த பிறகு, வெவ்வேறு மாநிலங்களில் ஒரே நேரத்தில் சோதனைகள் நடத்தப்பட்டன. ஆரம்பத்தில், பாதாள உலக இயக்கவாதி ஜான் முகமட் ஷேக் டெல்லிக்கு செல்லும் போது, ​​கோட்டாவில் இருந்து கைது செய்யப்பட்டான். ஒசாமா ஒக்லாவிலிருந்து கைது செய்யப்பட்டார், மொஹமட் அபுபக்கர், சராய் காலே கானிலிருந்து கைது செய்யப்பட்டார், ஜீஷன் அலகாபாத்தில் இருந்து கைது செய்யப்பட்டார், மொஹமட் அமீர் ஜாவித் லக்னோவிலிருந்து கைது செய்யப்பட்டார். உத்திரபிரதேச ஏடிஎஸ் அதிகாரிகளுடன் ஒருங்கிணைந்த பிறகு உ.பி.யில் நடவடிக்கை மேற்கொள்ளப்பட்டது, ”என்று தாக்கூர் கூறினார்.

கைது செய்யப்பட்டவர்கள், ஒரு ஸ்லீப்பர் செல் செயல்பாட்டாளரிடமிருந்து அதிநவீன RDX- அடிப்படையிலான IED கள், கையெறி குண்டுகள், கைத்துப்பாக்கிகள் மற்றும் தோட்டாக்களைப் பெற்றதாக வெளிப்படுத்தியுள்ளதாகவும், இவை பாதுகாப்பான மறைவுக்காக உத்திர பிரதேசத்திற்கு அனுப்பப்பட்டதாகவும் தாக்கூர் கூறினார்.

டெல்லியில் இந்த வெடிப் பொருட்களைப் பெறும் வேலையை பாகிஸ்தானைச் சேர்ந்த அனீஸ் இப்ராகிம்,  மூல்சந்த் மற்றும் பாதாள உலக இயக்க வீரர் ஜான் முகமது ஷேக்கிடம் ஒப்படைத்தார். பாகிஸ்தான் ஐஎஸ்ஐ-யின் கட்டளையின்படி செயல்படும் பாதாள உலக செயல்பாட்டாளரிடம், ஹவாலா சேனல்கள் மூலம் ஆயுதங்கள், வெடிபொருட்கள் மற்றும் பயங்கரவாத நிதியை கொண்டு செல்வது ஆகிய இரண்டு விஷயங்களை செயல்படுத்தும்படி கேட்கப்பட்டதை நாங்கள் கண்டறிந்துள்ளோம்.

இந்த ஆண்டு ஏப்ரல் 22 ஆம் தேதி லக்னோவிலிருந்து சலாம் ஏர் விமானத்தில் ஒசாமா மஸ்கட் சென்றதாக தாக்கூர் கூறினார். மேலும், பாகிஸ்தானில் பயிற்சியில் சேர அவர் ஜீஷனை சந்தித்தார். அவர்களுடன் 15-16 ஆண்கள் சேர்ந்தனர். அவர்கள் வங்க மொழி பேசினார்கள். அவர்கள் பங்களாதேஷைச் சேர்ந்தவர்கள் என்று நாங்கள் சந்தேகிக்கிறோம், அவர்கள் துணை குழுக்களாகப் பிரிக்கப்பட்டனர், அங்கு ஜீஷனும் ஒசாமாவும் ஒரு குழுவில் பயிற்சி பெற்றனர், ”என்று தாக்கூர் கூறினார்.

அடுத்த சில நாட்களில், பல குறுகிய கடல் பயணங்கள் மற்றும் பல முறை படகுகளை மாற்றிய பிறகு, அவர்கள் பாகிஸ்தானின் குவாடர் துறைமுகத்திற்கு அருகில் உள்ள ஒரு நகரத்திற்கு அழைத்துச் செல்லப்பட்டதாக தாக்கூர் கூறினார். அங்கு, அவர்களை ஒரு பாகிஸ்தானியர் வரவேற்றார், அவர்களை தட்டாவில் உள்ள பண்ணை வீட்டுக்கு அழைத்துச் சென்றார். பண்ணை வீட்டில் மூன்று பாகிஸ்தானியர்கள் இருந்தனர். அவர்களில் இருவர் அவர்களுக்கு பயிற்சி அளித்தனர். அவர்கள் இருவரும் இராணுவ சீருடை அணிந்திருந்ததால் பாகிஸ்தான் இராணுவத்தைச் சேர்ந்தவர்கள். அவர்களுக்கு வெடிகுண்டுகள் மற்றும் ஐஇடிக்கள் தயாரித்தல் மற்றும் தினசரி பயன்பாட்டு பொருட்களின் உதவியுடன் தீவைத்தல் போன்ற பயிற்சிகள் அளிக்கப்பட்டது. அவர்கள் சிறிய துப்பாக்கிகள் மற்றும் ஏகே -47 களைக் கையாளுதல் மற்றும் பயன்படுத்துதல் ஆகியவற்றிலும் பயிற்சி பெற்றனர், ”என்று தாக்கூர் கூறினார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Get the latest Tamil news and India news here. You can also read all the India news by following us on Twitter, Facebook and Telegram.

Web Title: Terrorists trained pakistan isi planned festival attacks 6 arrested

Next Story
குழந்தைகளில் அதிகரிக்கும் கோவிட் தொற்றுகள்; இது அபாயம் அல்ல, எச்சரிக்கை – நிபுணர்கள் கருத்துCovid cases up in children, experts say no alarm but caution key, குழந்தைகளில் அதிகரிக்கும் கோவிட், கொரோனா வைரஸ், இந்தியா, covid cases up in kids, covid 19, coronavirus, covid cases in kids, india
The moderation of comments is automated and not cleared manually by tamil.indianexpress.com