மிரட்டல் அழைப்புக்கு என்னிடம் பணம் கொடுப்பார்கள்: என்.ஐ.ஏவிடம் லாரன்ஸ் பிஷ்னோய் பகீர் தகவல்

போலீஸ் பாதுகாப்பை பெற விரும்பும் அரசியல்வாதிகள் மற்றும் தொழிலதிபர்கள் மிரட்டல் அழைப்பு செய்ய தன்னிடம் பணம் கொடுப்பார்கள் என சிறையில் அடைக்கப்பட்டுள்ள பிரபல தாதா லாரன்ஸ் பிஷ்னோய் என்.ஐ.ஏ அதிகாரிகளிடம் கூறினார்.

லாரன்ஸ் பிஷ்னோய் தேசிய புலனாய்வு அமைப்பால் கைது செய்யப்பட்டு சிறையில் அடைக்கப்பட்டுள்ளார். காலிஸ்தானி அமைப்புகளுக்கு நிதியுதவி செய்தது தொடர்பான வழக்கில் அவரிடம் விசாரணை நடத்தப்படுகிறது. சித்து மூஸ்வாலா கொலை வழக்கில் முக்கிய குற்றவாளியாக கருதப்படும் பிஷ்னோய் தற்போது பதிண்டா சிறையில் உள்ளார்.

என்.ஐ.ஏ விசாரணையில் அவரிடம் இருந்து பெறப்பட்ட தகவல்களை உள்துறை அமைச்சகத்திடம் (MHA) தெரிவிக்கப்பட்டதாக அறியப்படுகிறது. மதுபான வியாபாரிகள், கால் சென்டர் உரிமையாளர்கள், போதைப்பொருள் சப்ளையர்கள் மற்றும் ரியல் எஸ்டேட் தொழிலதிபர்களிடம் இருந்து மாதந்தோறும் ரூ.2.5 கோடி மிரட்டி பணம் பறிப்பதாக விசாரணை அதிகாரிகளிடம் அவர் கூறினார். மேலும் பல அரசியல்வாதிகள் மற்றும் தொழிலதிபர்கள் சம்பந்தப்பட்ட மாநில காவல்துறையிடம் இருந்து பாதுகாப்பு பெறுவதற்காக தன்னிடம் மிரட்டல் அழைப்புக்கு பணம் கொடுப்பார்கள் என்றும் அவர் கூறியுள்ளார்.

உத்தரப் பிரதேசம் (தனஜய் சிங்), ஹரியானா (கலா ஜத்தேரி), ராஜஸ்தான் (ரோஹித் கோதாரா) மற்றும் டெல்லி (ரோஹித் மோய் மற்றும் ஹாஷிம் பாபா) ஆகிய மாநிலங்களைச் சேர்ந்த சிறையில் அடைக்கப்பட்ட கும்பல்களுடன் கூட்டுச் சேர்ந்த ஒரு “வணிக மாதிரி” தன்னிடம் இருப்பதாகவும் பிஷ்னோய் என்.ஐ.ஏவிடம் கூறினார்.

"இந்த கூட்டணி பிசினஸ் மாடலில், அவர்கள் சுங்கச்சாவடி பாதுகாப்புக்கான ஒப்பந்தத்தை எடுத்து, சதவீதத்தை பகிர்ந்து கொண்டனர். மேலும், அவர்கள் தங்கள் போட்டியாளரை அகற்ற விரும்பினால், அவர்கள் ஒருவருக்கொருவர் ஆயுதங்களுடன் துப்பாக்கி ஏந்திய நபர்களையும் வழங்குகிறார்கள் என்று அந்த அதிகாரி கூறினார்.

1998-ம் ஆண்டு பிஷ்னோய் சமூகத்தால் புனிதமாக கருதப்படும் கரும்புலியை வேட்டையாடியது தொடர்பான வழக்கில் பாலிவுட் நடிகர் சல்மான் கான் மீது பார்வை கொண்டுள்ளதாகவும் அவர் "மன்னிப்பு" கேட்டால் மட்டுமே அவரை மன்னிப்பேன் என்றும் அவர் கூறினார்.

"அவர் தனது கேள்வியின் போது காலிஸ்தான் சார்பு கருத்துக்கு எதிரானவர் என்றும், மற்ற குற்றவாளிகளுடன் கூட்டணி வைத்த பிறகு தனது குற்ற சிண்டிகேட்டை இயக்க விரும்புவதாகவும் கூறினார்" என்று அந்த என்.ஐ.ஏ தெரிவித்தது.

தான் டி-கம்பெனி மற்றும் தாவூத் இப்ராகிமுக்கு எதிரானவர் என்று பிஷ்னோய் என்ஐஏவிடம் தெரிவித்தார். "தாவூத்துக்கு எதிராகச் செயல்படும் சில சிறைக் கும்பல்களுடன் தனக்கு நெருங்கிய தொடர்பு இருப்பதாகவும், வரும் மாதங்களில் அவருக்கு எதிராக செயல்படத் தொடங்குவேன்" என்றும் அவர் கூறியதாக அதிகாரிகள் கூறினார்.

“தமிழ்இந்தியன்எக்ஸ்பிரஸின்அனைத்துசெய்திகளையும்உடனுக்குடன்டெலிகிராம்ஆப்பில்பெற https://t.me/ietamil“