திருப்பதி கோவிலுக்கு மீண்டும் நெய் வழங்கும் கர்நாடகா ’நந்தினி’; தினசரி 8-9 லட்சம் லட்டுகள் தயாரிக்க முடிவு

Sreenivas Janyala

புதிய நெய் விற்பனையாளரான கர்நாடக பால் கூட்டமைப்பிடம் (KMF) இருந்து கொள்முதல் செய்வதன் மூலம், திருமலை திருப்பதி தேவஸ்தானம் (TTD) திருமலையில் உள்ள ஸ்ரீ வெங்கடேஸ்வரா கோவிலில் உள்ள லட்டுகளின் அசல் தரத்தை உடனடியாக மீட்டெடுப்பதாக உறுதியளித்துள்ளது.

ஆங்கிலத்தில் படிக்க: Tirupati temple gears up to serve 8-9 lakh laddus each day — with a new ghee vendor

லட்டுகளில் விலங்குகளின் கொழுப்பு இருப்பதாக எழுந்த குற்றச்சாட்டுகள் மாநிலத்தில் பெரும் அரசியல் சர்ச்சையை ஏற்படுத்தியதை அடுத்து இந்த நடவடிக்கை வந்துள்ளது.

"லட்டுகளின் தரம் மற்றும் பயன்படுத்தப்படும் நெய்யின் தரம் ஆகியவற்றில் இனி எந்த சமரசமும் இருக்காது" என்று தேவஸ்தான நிர்வாக அதிகாரி ஜே. சியாமளா ராவ் சனிக்கிழமை ஊடகங்களுக்கு தெரிவித்தார்.

இருப்பினும், தெய்வத்திற்கு மற்ற பிரசாதங்கள் அல்லது "பிரசாதம்" தயாரிப்பதில் பசு நெய் மற்றும் பால் சார்ந்த பொருட்களைப் பயன்படுத்துவதை தேவஸ்தானம் சனிக்கிழமை தற்காலிகமாக நிறுத்தியது.

கர்நாடக பால் கூட்டமைப்பின் புகழ்பெற்ற நந்தினி பிராண்ட் நெய் ’பொடு’ என்று அழைக்கப்படும் திருப்பதி கோவிலின் சமையலறைகளுக்கு விரைகின்றன. வெள்ளிக்கிழமை 73,000க்கும் மேற்பட்ட பக்தர்கள் கோயிலுக்கு வருகை தந்த நிலையில், இந்த நடவடிக்கை வந்துள்ளது.

இந்த ஆண்டு அக்டோபர் 4 முதல் 12 வரை நடைபெறும் கோயிலின் ஒன்பது நாள் பிரம்மோத்ஸவத்திற்கு முன்னதாக தேவஸ்தானம் நெய்யை சேமித்து வருகிறது. பிரமோத்ஸ்வ நிகழ்வில் லட்சக்கணக்கான பக்தர்கள் வருவார்கள் என்று எதிர்பார்க்கப்படுகிறது.

பிரம்மோத்ஸவ நிகழ்வின் போது நெய் கொள்முதல் செய்வதில் ஏதேனும் நெருக்கடி ஏற்படுமா என்று கேட்டதற்கு, "ஒரு புதிய விற்பனையாளரான கர்நாடகா பால் கூட்டமைப்பு, சிறந்த தரமான நெய்யை வழங்குவதற்கான இடத்தில் உள்ளது. நாங்கள் எந்தப் பிரச்சினையையும் காணவில்லை,” என்று ஆந்திரப் பிரதேசத்தின் அமைச்சர் நாரா லோகேஷ் நாயுடு தி இந்தியன் எக்ஸ்பிரஸிடம் கூறினார்.

பிரம்மோத்ஸவ நிகழ்வின் போது, திருப்பதி கோவிலில் தினமும் 8 முதல் 9 லட்சம் லட்டுகள் இருப்பு வைக்கப்படுவதாக, ‘பொடு’ சமையலறையின் பொறுப்பாளர் முனி ரத்னம் தெரிவித்தார்.
பிரம்மோற்சவ விழாவில் 7 முதல் 8 லட்சம் பக்தர்கள் வருவார்கள் என தேவஸ்தானம் எதிர்பார்க்கிறது.

24 மணி நேரமும் லட்டு தயாரிக்க தேவையான நெய் உள்ளிட்ட பொருட்கள் கொள்முதல் செய்யப்பட்டு வருகிறது, என்று முனிரத்னம் கூறினார்.

"ஸ்ரீவாரி பிரசாதம்" எனப்படும் மற்ற பிரசாதங்களை தயாரிப்பதற்கு பயன்படுத்தப்படும் பசு நெய் சார்ந்த பொருட்களின் பயன்பாட்டை தேவஸ்தானம் சனிக்கிழமை தற்காலிகமாக நிறுத்தியது. ஒரு தேவஸ்தான குழு புகார்களைத் தொடர்ந்து, இலவச உணவு அல்லது “அன்ன பிரசாதம்” தயாரிப்பதில் பயன்படுத்தப்படும் மூலப்பொருட்களின் தரத்திலும் குறைபாடுகளைக் கண்டறிந்தது, என வட்டாரங்கள் தெரிவித்தன.

இதனால், அனைத்து பொருட்களும் தற்காலிகமாக நிறுத்தப்பட்டு, புதிய விற்பனையாளர்கள் புதிய சரக்குகளை வழங்க ஏற்பாடு செய்யப்பட்டு வருவதாக தெரியவந்துள்ளது. கமிட்டி உறுப்பினர்கள் பக்தர்களிடம் இருந்து தினசரி கருத்துக்களைப் பெறுவார்கள் என்று வட்டாரங்கள் தெரிவித்தன.

இதற்கிடையில், பிரம்மோத்ஸவத்தின் போது, குறிப்பாக அக்டோபர் 8 ஆம் தேதி கருட சேவை நாளில், அதிக பக்தர்கள் வருகையை எதிர்பார்த்து, தேவஸ்தானம் பக்தர்களுக்கான போக்குவரத்து ஆலோசனைகளை வழங்கியுள்ளது. அக்டோபர் 7 முதல் 9 வரை கோவிலுக்குச் செல்வதற்கும், வெளியே வருவதற்கும் மலைப்பாதைகளில் இரு சக்கர வாகனங்கள் அனுமதிக்கப்படாது.

போக்குவரத்து சிக்கலைத் தவிர்க்க திருப்பதியில் தனியார் வாகனங்களை விட்டுவிட்டு ஏ.பி.எஸ்.ஆர்.டி.சி இயக்கும் பேருந்துகளில் செல்லுமாறு தேவஸ்தானம் மக்களுக்கு அறிவுறுத்தியுள்ளது.

மேலும், அலிபிரி இணைப்பு பேருந்து நிலையம், முனிசிபல் மைதானம், விநாயக நகர் குடியிருப்பு ஆகிய இடங்களில் இரு சக்கர வாகனங்கள் நிறுத்த இடங்கள் ஒதுக்கப்பட்டுள்ளன. தனியார் ஜீப், கார் உள்ளிட்ட நான்கு சக்கர வாகனங்கள் அனைத்தும் பாரதிய வித்யா பவன் பள்ளியில் நிறுத்தப்பட உள்ள நிலையில், தனியார் பேருந்துகள் எஸ்.வி உயிரியல் பூங்காவை அடுத்துள்ள தேவலோக்கில் நிறுத்தப்படும் என்றும் தேவஸ்தானம் அறிவித்துள்ளது. 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“