scorecardresearch

டூல்கிட் வழக்கு: இந்திய நிறுவனங்கள் மீது பொருளாதார யுத்தம் நடத்த முயற்சி

“இந்தியா மற்றும் சில இந்திய நிறுவனங்களுக்கு எதிராக பொருளாதார யுத்தத்திற்கான அழைப்பு என்றும் இந்தியாவிலும் வெளியேயும் உள்ள அவர்களின் சொத்துக்கள் மூலம் ஒருங்கிணைந்த நடவடிக்கைகளுக்கு இலக்காக இருக்க வேண்டும்” என்று டூல்கிட் எஃப்.ஐ.ஆர் கூறுகிறது.

டூல்கிட் வழக்கு: இந்திய நிறுவனங்கள் மீது பொருளாதார யுத்தம் நடத்த முயற்சி

சுற்றுச்சூழல் ஆர்வலர் திஷா ரவி கைது செய்யப்படுவதற்கு காரணமான கிரெட்டா தன்பெர்க் பகிர்ந்த ‘டூல்கிட்’ உருவாக்கியவர்களுக்கு எதிராக டெல்லி காவல்துறையின் சைபர் பிரிவு எஃப்.ஐ.ஆர் பதிவு செய்துள்ளது. அதன் கூகிள் ஆவணத்தில் குறிபிடுகையில், இந்தியா மற்றும் சில இந்திய நிறுவனங்களுக்கு எதிரான பொருளாதார யுத்தத்திற்கான அழைப்பு என்றும் ஜனவரி 26 வன்முறையின் திட்டமிடப்பட்ட சதித்திட்டத்தின் ஒரு பகுதி என்றும் கூறுகிறது.

தேசத்துரோகம், பகைமை மற்றும் குற்றச் சதித்திட்டம் ஆகிய குற்றச்சாட்டில் எஃப்.ஐ.ஆர் பதிவு செய்யப்பட்டுள்ளது. “இந்தியா மற்றும் சில இந்திய நிறுவனங்களுக்கு எதிராக பொருளாதார யுத்தத்திற்கான அழைப்பாகும். இந்தியாவிலும் வெளியிலும் உள்ள அவர்களின் சொத்துக்கள் ஒருங்கிணைந்த செயல்களுக்கான இலக்குகளாக மாற்றப்பட வேண்டும். குறிப்பாக இந்திய தூதரகங்களுக்கு வெளியே எதிர்ப்பு தெரிவிப்பதற்கான அழைப்பு என்றும் யோகா மற்றும் சாய் போன்ற இந்திய கலாச்சாரத்துடன் இணைக்கப்பட்ட சின்னங்கள் இலங்குகளக உள்ளன” என்று எஃப்.ஐ.ஆர். கூறுகிறது.

2021 ஜனவரி 26ம் தேதி டெல்லி தெருக்களில் ஐ.டி.ஓ அருகே, செங்கோட்டையில், நாங்லோய் போன்ற டெல்லி வீதிகளில் நடந்த வன்முறைகள் விவசாயிகளின் போராட்டத்தின் விளைவாக நிகழ்ந்தன என்பது அந்த டூல் கிட்டின் உள்ளடக்கங்களிலிருந்து தெளிவாகிறது. மேலும், அது திட்டமிடப்பட்ட சதி என்பது இந்தியாவின் இறையாண்மையையும் ஒருமைப்பாட்டையும், அரசின் பாதுகாப்பையும், பொது ஒழுங்கையும் குறைமதிப்பிற்கு உட்படுத்துவதாகும்” என்று கூறுகிறது.

ஜனவரி 26ம் தேதி நடந்த வன்முறையில், தடைசெய்யப்பட்ட பிரிவினைவாத அமைப்பான அமெரிக்காவை தளமாகக் கொண்ட சீக்கியர்களுக்கான நீதி என்ற அமைப்பு  பங்களித்ததாக என்று சைபர் பிரிவு குற்றம் சாட்டியது. அந்த அமைப்பு குடியரசு தினத்தன்று இந்தியா கேட்டில் பிரிவினைவாதக் கொடியை ஏற்றினால், 2,50,000 அமெரிக்க டாலர் வெகுமதி அளிப்பதாக அறிவித்ததாகக் கூறியது.

“இந்த ஆவணத்திற்கும் அதன் டூல்கிட்டுக்கும் பின்னால் உள்ள கூறுகள் கூறப்பட்ட தூண்டுதலின் விளைவாக” “அமைதியான அணிவகுப்பாக விவசாயிகள் சங்கங்களால் ஆரம்பத்தில் ஒப்புக் கொள்ளப்பட்ட இந்த பேரணி வன்முறையாக மாறியது” என்று அது கூறியது.

இந்த டூல்கிட் பொயட்டிங் ஜஸ்டிஸ் பவுண்டேஷனின் பிரச்சார விஷயங்களை ஊக்குவிக்கிறது என்று குறிப்பிட்டுள்ளது. “இது கனடாவை தளமாகக் கொண்ட அமைப்பு, சமூக ஊடகங்களில் பகிரங்கமாகவும் வேண்டுமென்றே பகிரும் பதிவுகள் வெவ்வேறு மத, இன, மொழி அல்லது பிராந்திய குழுக்கள் அல்லது சாதிகள் அல்லது சமூகங்களுக்கிடையில் பகைமை, வெறுப்பு அல்லது தவறான விருப்பத்தின் ஒற்றுமை அல்லது உணர்வுகளை உருவாக்க முனைகின்றன” என்று தெரிவிக்கப்பட்டுள்ளது.

இந்த டூல்கிட்டில் உள்ள ஆவணங்கள் “இந்தியாவின் சில பகுதிகளில் பகைமை மற்றும் பிளவுகளைத் தூண்டுவதை இலக்காகக் கொண்டுள்ளதாகக் குறிப்பிடுகின்றன. சில சமூகங்களை ஒருவருக்கொருவர் எதிராக தூண்டுவதற்கு சதிகாரர்களால் விரிவான திட்டங்கள் செய்யப்பட்டுள்ளன” என்றும் அது கூறியுள்ளது.

“ஜனவரி 26ம் தேதி நடந்த வன்முறைக்குப் பிறகு, பல்வேறு குழுக்களிடையே பகைமையை வளர்ப்பதற்காக வதந்திகள் மற்றும் போலி செய்திகள் / வீடியோக்களை பரப்ப பல்வேறு சமூக ஊடகங்கள் பயன்படுத்தப்படுகின்றன. கலவரங்களைச் செய்ய வேண்டும் என்ற நோக்கத்துடன் ஆத்திரமூட்டலை உருவாக்கவும் வெறுப்பு அல்லது அவமதிப்புக்குள்ளாக்கவும் அல்லது இந்திய அரசாங்கத்தின் மீது அதிருப்தியைத் தூண்டவும் பயன்படுத்தப்படுகின்றன” என்று எஃப்.ஐ.ஆரில் குறிப்பிடப்பட்டுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  t.me/ietamil“

Stay updated with the latest news headlines and all the latest India news download Indian Express Tamil App.

Web Title: Toolkit fir says bid to wage economic warfare on india and indian companies doing