கிராமப்புறங்களில் 2 கோடி புதிய வீடுகள்; ரூ.54,500 கோடி ஒதுக்கிய மத்திய அரசு!

குடும்பங்களின் வளர்ந்து வரும் தேவையைக் கருத்தில் கொண்டு, அடுத்த ஐந்து ஆண்டுகளில் கிராமப்புறங்களில் பிரதான் மந்திரி ஆவாஸ் யோஜனா-கிராமின் (PMAY-G) கீழ் மேலும் இரண்டு கோடி வீடுகள் கட்டப்படும் என்று நிதியமைச்சர் நிர்மலா சீதாராமன் வியாழக்கிழமை அறிவித்தார்.

அதே நேரத்தில் நகரங்களுக்கு, நடுத்தர வர்க்க வீடு வாங்குபவர்கள் தங்கள் சொந்த வீடுகளை வாங்க அல்லது கட்டுவதற்கு உதவும் வகையில் அரசாங்கம் ஒரு புதிய திட்டத்தை கொண்டு வரும்.

சீதாராமன் தனது பட்ஜெட் உரையில், கோவிட் -19 காரணமாக சவால்கள் இருந்தபோதிலும், “PMAY-G செயல்படுத்தல் தொடர்ந்தது; அரசாங்கம் மூன்று கோடி வீடுகள் என்ற இலக்கை எட்டுவதற்கு அருகில் உள்ளது" என்றார்.
2024-25 ஆம் ஆண்டுக்கான மத்திய பட்ஜெட்டை சமர்ப்பிக்கும் போது, “குடும்பங்களின் எண்ணிக்கை அதிகரிப்பால் எழும் தேவைகளைப் பூர்த்தி செய்வதற்காக இன்னும் இரண்டு கோடி வீடுகள் அடுத்த ஐந்து ஆண்டுகளில் கட்டப்படும்” என்றார்.

மொத்தத்தில், PMAY-G க்கு அரசாங்கம் ரூ 54,500.14 கோடியை ஒதுக்கியுள்ளது, இது நடப்பு ஆண்டின் பட்ஜெட் ஒதுக்கீடான ரூ 54,487.00 கோடிக்கு கிட்டத்தட்ட சமம். இருப்பினும், 32,000.01 கோடி ரூபாயின் திருத்தப்பட்ட மதிப்பீட்டை (RE) ஒப்பிடுகையில் இது 41 சதவீதம் குறைவாகும்.

மேலும், PMAY-G ஒதுக்கீடு இரண்டு கூறுகளைக் கொண்டுள்ளது. இதில், இந்த இரண்டில், PMAY- திட்டப் பகுதிக்கு 2023-24 பட்ஜெட்டில் ரூ.50,486.99 கோடி ஒதுக்கப்பட்டது. இருப்பினும், RE கட்டத்தில் 28,174.48 கோடியாக குறைக்கப்பட்டுள்ளது.
நபார்டு வங்கிக்கு ஈபிஆர் கடன்களுக்கான வட்டி செலுத்துவதற்காக ஒதுக்கப்பட்ட ரூ.4,000 கோடி ஒதுக்கீடு RE கட்டத்தில் ரூ.3,825.52 கோடியாக குறைக்கப்பட்டுள்ளது.
இந்தக் குறைப்பு காரணமாக, PMAY-G-ன் ஒட்டுமொத்த ஒதுக்கீடு ரூ.32,000.01 கோடியாகக் குறைந்தது.

PMAY-G என்பது மாநிலங்களை உள்ளடக்கிய ஒரு முதன்மையான மத்திய அரசின் திட்டமாகும், இது கிராமப்புறங்களில் வீடற்ற அல்லது குட்சா மற்றும் பாழடைந்த வீடுகளில் வசிக்கும் மக்களுக்கு அடிப்படை வசதிகளுடன் குறைந்தபட்சம் 25 சதுர மீட்டர் பரப்பளவில் பக்கா வீடுகளை வழங்குவதை நோக்கமாகக் கொண்டுள்ளது.

ஆங்கிலத்தில் வாசிக்க : Two crore more rural houses; new scheme to aid ‘deserving’ urban homebuyers

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“