Election Results Highlights: ஏழைகளுக்கு உரிமை கிடைக்கும் வரை ஓயமாட்டேன்: பிரதமர் மோடி

Election Results 2022 Today Live Updates, Uttar Pradesh (UP), Uttarakhand (UK), Manipur, Goa, Punjab Polls Results Live News: 5 மாநில தேர்தல் முடிவுகள் தொடர்பாக அனைத்து செய்திகளையும் உடனுக்குடன் அறிந்து கொள்ள இந்த இணைப்பில் இணைந்திருங்கள்.

Election Results Highlights: ஏழைகளுக்கு உரிமை கிடைக்கும் வரை ஓயமாட்டேன்: பிரதமர் மோடி

5 states Assembly election results 2022 live : பஞ்சாப், கோவா, உ.பி., உத்தரகாண்ட் மற்றும் மணிப்பூர் ஆகிய மாநிலங்களின் சட்டமன்ற தேர்தல்கள் சமீபத்தில் நடந்து முடிந்த நிலையில் இன்று (10/03/2022) தேர்தல் முடிவுகள் வெளியாகின்றன. பஞ்சாப், கோவாவில் மாற்றத்தை ஏற்படுத்த ஆம் ஆத்மி முயன்று வருகின்ற நிலையில் டெல்லி மாடலும், சமீபத்திய சண்டிகர் உள்ளாட்சி தேர்தல் முடிவுகளும் அவர்களுக்கு இந்த இரண்டு மாநிலங்களிலும் கை கொடுத்துள்ளதா என்பதை இன்றைய முடிவுகள் தீர்மானிக்கும்.

தேர்தலுக்கு பிந்தைய கருத்துக் கணிப்பு முடிவுகள்; யார் பக்கம் நிற்கின்றனர் மக்கள்?

UP Election Results

பசு பாதுகாப்பு, ராமர் கோவில், கோவில் கட்ட வாங்கப்பட்ட நிலத்தில் மோசடி, மாட்டிறைச்சி விவகாரம், சி.ஏ.ஏ. லக்கீம்பூர் கேரி விபத்து, கரும்பு விவசாயம் செய்யும் ஜாட் மக்களை போராட்டத்திற்குள் தள்ளிய விவசாய சட்டங்கள் என்று பல்வேறு சர்ச்சைகளுக்கு மத்தியில் பாஜகவின் கோட்டை என்று அழைக்கப்படும் உ.பியில் பாஜக மீண்டும் வெற்றி பெறுமா அல்லது சமாஜ்வாடி கூட்டணியிடம் மண்டியிடுமா என்பதையும், இந்த தேர்தலில் காங்கிரஸ் கணிசமான அளவிலாவது வாக்குகளை பெற்றுள்ளதா என்பதையும் இந்த தேர்தல் முடிவுகள் தீர்மானிக்கும்.

Assembly Election Results decoded LIVE by The Indian Express Correspondents in the States

Punjab Election Results

விவசாயிகள் போராட்டம், விவசாய சட்டங்களை திரும்பிப் பெற்ற நிகழ்வு, பிரதமரின் கான்வாயை பாலத்தில் நிற்க வைத்து அவரின் பாதுகாப்பை கேள்விக்குறியாக்கிய பொதுமக்கள், தேர்தலுக்கு வெகு சில மாதங்களே இருந்த நிலையில் பதவியில் இருந்து விலகிய அம்ரிந்தர் சிங், முதல் தலித் முதல்வர் சரண்ஜித் சிங் சன்னி என்று பல்வேறு திருப்புமுனைகளை அடுத்தடுத்து கடந்த இரண்டு ஆண்டுகளில் சந்தித்த விவசாய பெருங்குடிகளை அதிகம் கொண்ட பஞ்சாப் மாநில மக்கள் மனதில் வெற்றி பெற்றது யார் என்பதையும் கணிக்க உள்ளது இந்த தேர்தல் முடிவுகள் .

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Live Updates
12:15 (IST) 10 Mar 2022
முன்னிலை பெறும் அகிலேஷ் யாதவ்

காலை 11.53 மணி நிலவரப்படி அகிலேஷ் யாதவ் தன்னுடைய தொகுதியில் 25,263 வாக்குகள் முன்னிலை பெற்று களத்தில் வெற்றி வேட்பாளராக உள்ளார்.

11:49 (IST) 10 Mar 2022
பாஜக அலுவலகங்களில் துவங்கியது கொண்டாட்டம்

தற்போது உ.பி. தேர்தலில் 260க்கும் மேற்பட்ட தொகுதிகளில் பாஜக முன்னிலை பெற்றுள்ள நிலையில் அக்கட்சியினர் பாஜக அலுவலகங்களில் கொண்டாட்டங்களில் ஈடுபட்டு வருகின்றனர்.

#uttarpradeshelections | Celebrations have already started the #uttarpradesh State BJP office as the BJP leads comfortably ahead of SP and BSP with 260+ seats. 📸: Vishal Srivastav

LIVE: https://t.co/sXOt4ECvUj pic.twitter.com/GmNKSRzF5Z
— The Indian Express (@IndianExpress) March 10, 2022
11:27 (IST) 10 Mar 2022
11 மணி நிலவரம்

காலை 11 மணி நிலவரப்படி பஞ்சாப்பின் 117 தொகுதிகளில் 89 தொகுதிகளில் ஆம் ஆத்மி கட்சி முன்னிலை வகித்து வருகிறது.

11:24 (IST) 10 Mar 2022
ஆம் ஆத்மி ஜீவன் ஜோதி கௌர் தொடர்ந்து முன்னிலை

நவ்ஜித் சிங் சித்து மற்றும் பிக்ரம் சிங் மஜிதியாவைக் காட்டிலும் ஆம் ஆத்மியின் ஜீவன் ஜோதி 2962 வாக்குகள் அதிகம் பெற்று அமிர்தசரஸ் கிழக்கு தொகுதியில் முன்னிலை வகித்து வருகிறார்.

10:50 (IST) 10 Mar 2022
வாக்கு எண்ணிக்கையில் பின்தங்கிய உத்தரகாண்ட் முன்னாள் முதல்வர்

உத்தரகாண்ட் முன்னாள் முதல்வர் ஹரீஷ் ராவத், பாஜக வேட்பாளர் மோகன் சிங் பிஸ்த்தை காட்டிலும் 2,713 வாக்குகள் பின்தங்கியுள்ளார்.

10:48 (IST) 10 Mar 2022
வாக்கு எண்ணிக்கையில் பின்தங்கிய கோவா முதல்வர்

கோவாவில் பாஜக ஆட்சி செய்து வருகிறது. மீண்டும் பாஜக ஆட்சியை பிடிக்கும் என்று அந்த மாநில முதல்வர் பிரமோத் சாவந்த் தெரிவித்திருந்தார். இந்நிலையில், அவர் போட்டியிட்ட தொகுதியில் காங்கிரஸ் வேட்பாளரை விட குறைந்த வாக்குகளை பெற்று பின்தங்கியுள்ளார். வாக்கு எண்ணிக்கை தொடர்ந்து நடைபெற்று வருகிறது.

10:46 (IST) 10 Mar 2022
கோவாவில் 20 இடங்களில் பாஜக முன்னிலை

கோவாவில் 20 இடங்களில் பாஜக முன்னிலையில் உள்ளது. வாக்கு எண்ணிக்கை விறுவிறுப்பாக நடைபெற்று வருகிறது.

10:45 (IST) 10 Mar 2022
கோவா: வாக்கு எண்ணிக்கை கண்காணிப்பு

கோவாவில் 40 தொகுதிகளுக்கு நடைபெற்ற பேரவைத் தேர்தலுக்கான வாக்குப் பதிவு நடைபெற்று வருகிறது. வாக்கு எண்ணிக்கையை கண்காணிப்பு அறையில் இருந்து மாநில தலைமை தேர்தல் அதிகாரி குணால் கண்காணித்து வருகிறார்.

10:36 (IST) 10 Mar 2022
மணிப்பூர் முதல்வர் அதிக வாக்குகள் பெற்று முன்னிலை

ஹீன்ஹங் தொகுதியல் மணிப்பூர் முதல்வரும் பாஜக மூத்த தலைவருமான பைரேன் சிங் முன்னிலை வகிக்கிறார்.

10:34 (IST) 10 Mar 2022
உத்தரகாண்ட்டிலும் பாஜக முன்னிலை

உத்தரகாண்ட் மாநிலத்தில் பாஜக 39 இடங்களில் முன்னிலை வகிக்கிறது. காங்கிரஸ் 19 இடங்களிலும், ஆம் ஆத்மி, பகுஜன் சமாஜ் ஆகிய கட்சிகள் தலா 1 இடங்களிலும் முன்னிலை வகிக்கிறது.

10:29 (IST) 10 Mar 2022
ஓபிசி தலைவர் தரம் சிங் சைனி முன்னிலை

உத்தரப் பிரதேச மாநிலம், நாகுரில் ஓபிசி தலைவர் தரம் சிங் சைனி 5,000 வாக்குகள் முன்னிலையில் உள்ளார். இவர் தேர்தலுக்கு முன் சமாஜ்வாதி கட்சியில் சேர்ந்தார்.

10:17 (IST) 10 Mar 2022
உ.பி. அமைச்சர் பிரஜேஷ் முன்னிலை

உத்தரப் பிரதேச அமைச்சரும், முக்கியத் தலைவருமான பிரஜேஷ் பதக் லக்னெள கன்டோன்மென்ட் தொகுதியில் முன்னிலை வகிக்கிறார்.

10:07 (IST) 10 Mar 2022
சமாஜ்வாதி தலைவர் அகிலேஷ் முன்னிலை

உத்தரப் பிரதேச மாநிலம், கர்ஹல் தொகுதியில் சமாஜ்வாதி கட்சித் தலைவர் அகிலேஷ் யாதவ் முன்னிலையில் உள்ளார்.

10:02 (IST) 10 Mar 2022
தபால் வாக்கு எண்ணிக்கையில் பாஜக முன்னிலை

உத்தரப் பிரதேசத்தில் தபால் வாக்கு எண்ணிக்கையில் பாஜக முன்னிலை வகிக்கிறது.

09:59 (IST) 10 Mar 2022
209 இடங்களில் பாஜக முன்னிலை

உத்தரப் பிரதேசத்தில் 209 இடங்களில் பாஜக முன்னிலையில் உள்ளது.

09:41 (IST) 10 Mar 2022
ஓபிசி தலைவர் சுவாமி பிரசாத் மவுரியா முன்னிலை

உத்தரப் பிரதேசத்தில் தேர்தலுக்கு முன் பாஜகவில் இருந்து சமாஜ்வாதி கட்சிக்கு மாறிய ஓபிசி தலைவர் சுவாமி பிரசாத் மவுரியா, ஃபாசில்நகரில் முன்னணியில் உள்ளார்.

09:01 (IST) 10 Mar 2022
பகுஜன் சமாஜுக்கு பின்னடைவு

403 தொகுதிகளை கொண்ட உத்தரபிரதேசத்தில் 100க்கும் மேற்பட்ட இடங்களில் பாஜக முன்னிலை வகிக்கிறது. பாஜக கூட்டணி – 104, சமாஜ்வாதி கூட்டணி – 68, பகுஜன் – 2, மற்றவை – ஒரு தொகுதிகளில் முன்னிலையில் உள்ளது.

08:56 (IST) 10 Mar 2022
பஞ்சாபில் காங்., முன்னிலை

உத்தரப் பிரதேசம், கோவா ஆகிய மாநிலங்களில் பாஜகவும், உத்தரகாண்ட், பஞ்சாப் ஆகிய மாநிலங்களில் காங்கிரஸும் முன்னிலை வகித்து வருகிறது.

08:20 (IST) 10 Mar 2022
உ.பி.யில் பாஜக முன்னிலை

உத்தரப் பிரதேசத்தில் பாஜக 3 தொகுதிகளில் முன்னிலை வகிக்கிறது. பஞ்சாபில் காங்கிரஸ் 1 தொகுதியிலும், உத்தரகாண்டில் பாஜக 3, காங்கிரஸ் 2 தொகுதிகளிலும் முன்னிலை வகிக்கிறது.

07:47 (IST) 10 Mar 2022
இன்று 8 மணிக்கு வாக்கு எண்ணிக்கை

5 மாநில சட்டசபை தேர்தல்களில் பதிவான வாக்குகளை எண்ணும் பணிகள் இன்று காலை 8 மணிக்கு தொடங்குகிறது.

22:43 (IST) 9 Mar 2022
நாங்கள் 300 இடங்களில் வெற்றி பெறுவோம் – அகிலேஷ் யாதவ் நம்பிக்கை

403 சட்டமன்ற தொகுதிகளை கொண்ட உத்திரபிரதேசத்தில் 7 கட்டங்களாக தேர்தல் நடைபெற்றது. இந்த தேர்தலில பதிவான வாக்குக்குகள் நாளை எண்ணப்பட உள்ள நிலையில், தேர்தலுக்கு பின் வெளியான கருத்துக்கணிப்பு முடிவுகள் பாஜகவுக்கு சாதகமாக அமைந்துள்ளது.

இந்த கருத்துக் கணிப்பு முடிவுகள் பாஜகவுக்கு உற்சாகத்தை அளித்துள்ளது. ஆனால், கருத்துக் கணிப்பு முடிவுகள் முக்கியமில்லை, நாங்கள் 300 இடங்களுக்கு மேல் பெறுவோம் என சமாஜ்வாடி கட்சி தலைவர் அகிலேஷ் யாதவ் தெரிவித்துள்ளார்.

21:21 (IST) 9 Mar 2022
உத்திரபிரதேச சட்டசபை தேர்தல் : பாஜகவுக்கு ஆதரவாக கருத்துக்கணிப்பு

உத்திரபிரதேசத்தில் 403- தொகுதிகளுக்கு 7 கட்டங்களாக வாக்குப்பதிவு நிறைவு பெற்றது. தொடர்ந்து வாக்கு எண்ணிக்கை நாளை தொடங்கவுள்ள நிலையில், தேர்தலுக்கு பின் வெளியான கருத்துக்கணிப்புகளின்படி பாஜகவே மீண்டும் ஆட்சியை பிடிக்க வாய்ப்புள்ளதாக தெரிவிக்கப்பட்டுள்ளது. இதில் பாஜகக்கு 250 இடங்களுக்கு மேல் வெற்றி கிடைக்கும் என்றும். சமாஜ்வடி கூட்டணிக்கு 145-முதல் 150 இடங்கள் வரை வெற்றி கிடைக்கும் எனறு குறிப்பிடப்பட்டுள்ளது.

Web Title: Up punjab goa assembly election results 2022 live updates bjp congress aam aadmi