Anand Mohan J
மத்தியப் பிரதேசம் சித்தி மாவட்டத்தில் குறைந்தது ஏழு பழங்குடியின இளம்பெண்களிடம், குரல் மாற்றும் செயலியைப் பயன்படுத்தி, அவர்களுக்கு உதவித்தொகை வழங்குவதாக பெண் கல்லூரி பேராசிரியை போல் பேசி, 30 வயது ஆண் அந்த இளம்பெண்களை பாலியல் பலாத்காரம் செய்த வழக்கை காவல்துறையினர் விசாரித்து வருகின்றனர்.
ஆங்கிலத்தில் படிக்க: Using voice changing app, posing as woman professor, man raped 7 tribal girls with promise of scholarship
“குற்றம் சாட்டப்பட்ட பிரஜேஷ் பிரஜாபதி மற்றும் முதலில் பாதிக்கப்பட்டவரின் தொலைபேசி எண்ணை அளித்து அவருக்கு உதவிய மற்ற இரு நபர்களை நாங்கள் கைது செய்துள்ளோம். குற்றம் சாட்டப்பட்டவர் ஆப் ஸ்டோரில் இருக்கும் குரலை மாற்றும் அப்ளிகேஷனைப் பயன்படுத்தி, அந்தப் பெண்களைக் குறிவைத்து தனது குரலை ஒரு பெண் கல்லூரிப் பேராசிரியராக மாற்றினார். பாதிக்கப்பட்ட அனைவரும் பழங்குடி சமூகத்தைச் சேர்ந்தவர்கள் மற்றும் பொருளாதார ரீதியாக பலவீனமான குடும்பங்களைச் சேர்ந்தவர்கள்,” என்று சித்தி காவல்துறை கண்காணிப்பாளர் ரவீந்திர வர்மா தி இந்தியன் எக்ஸ்பிரஸ்ஸிடம் தெரிவித்தார்.
இதுவரை நான்கு பெண்கள் முன்வந்துள்ளதாகவும், மேலும் மூவரை பாலியல் பலாத்காரம் செய்ததாக குற்றம் சாட்டப்பட்டவர் ஒப்புக்கொண்டுள்ளதாகவும் போலீசார் தெரிவித்துள்ளனர். "ஒரு வழக்கில், குற்றம் சாட்டப்பட்டவர் ஒரு பெண்ணையும் அவரது மைனர் சகோதரியையும் வனப்பகுதிக்குள் இழுத்துச் சென்று பாலியல் பலாத்காரம் செய்துள்ளார். அவர் மீது போக்சோ சட்டமும் போடப்பட்டுள்ளது” என்று ரவீந்திர வர்மா கூறினார்.
பிரஜேஷ் பிரஜாபதியின் காவல் வெள்ளிக்கிழமையுடன் முடிவடைந்ததையடுத்து அவரைக் காவலில் வைக்க போலீஸார் முயன்றனர்.
காவல்துறையின் கூற்றுப்படி, குற்றம் சாட்டப்பட்டவர் யூடியூப்பில் குரல் மாற்றும் அப்ளிகேஷனை எவ்வாறு பயன்படுத்துவது என்பதைக் கற்றுக்கொண்டுள்ளார். குற்றம்சாட்டப்பட்டவர் இணை குற்றவாளிகளான ராகுல் பிரஜாபதி மற்றும் சந்தீப் பிரஜாபதி ஆகியோரின் உதவியுடன் முதலில் பாதிக்கப்பட்ட பெண்ணின் தொலைபேசி எண்ணை வாங்கியுள்ளார் என்று போலீசார் தெரிவித்தனர்.
“குற்றம்சாட்டப்பட்டவர் அந்த இளம்பெண்ணுக்கு உதவித்தொகை வழங்குவதாக உறுதியளித்து தனிமைப்படுத்தப்பட்ட இடத்திற்கு அழைத்தார். ஒரு பெண் கல்லூரி பேராசிரியை போல் காட்டிக்கொண்டு, அந்த இளம்பெண்ணிடம், உதவித்தொகை வழங்க, தன் மகன் அந்த இளம்பெண்ணை அவர்களது வீட்டிற்கு அழைத்து வருவார் என்றும் கூறியுள்ளார். குற்றம் சாட்டப்பட்டவர் பாதிக்கப்பட்ட பெண்ணை ஒரு வனப்பகுதியில் தனிமைப்படுத்தப்பட்ட இடத்திற்கு அழைத்துச் சென்றார், அங்கு அவர் அவரது குடும்பத்திற்குச் சொந்தமான கைவிடப்பட்ட இடத்தில் பாலியல் பலாத்காரம் செய்தார்,” என்று ரவீந்திர வர்மா கூறினார்.
பெண்களின் தொலைபேசிகளை கொள்ளையடித்தாகவும், மோசமான விளைவுகளைச் சந்திக்க நேரிடும் என்று மிரட்டியதாகவும் போலீசார் தெரிவித்தனர். குற்றம் சாட்டப்பட்டவர்கள் தங்கள் தொலைபேசியில் மற்ற பெண்களின் தொடர்புகளையும் தேடி வந்துள்ளனர். "அவர் தோராயமாக தொலைபேசி எண்களுக்கு அழைப்பார் மற்றும் ஒரு நாளைக்கு 10-20 முறை பெண்களுடன் பேசுவார். அவர் உதவித்தொகை வழங்குவதாக பேசுவார், மேலும் அவர்கள் கல்லூரிக்கு செல்லவில்லை என்றால், அவர்களை காட்டிற்கு கவர்ந்திழுக்க அரசாங்க திட்டங்களை வழங்குவதாக கூறுவார், ”என்று அந்த அதிகாரி கூறினார்.
ஜனவரி மாதம் முதல் இந்தச் சம்பவங்கள் நடைபெற்று வருவதாகக் கூறியுள்ள போலீசார், பாதிக்கப்பட்ட இருவர் அவர்களை அணுகியதை அடுத்து போலீசார் நடவடிக்கை எடுத்துள்ளனர். "ஒரு சந்தர்ப்பத்தில், பாதிக்கப்பட்ட ஒருவர் பைக்கில் அழைத்துச் செல்லப்பட்டபோது தப்பி ஓடியுள்ளார். அதே நேரத்தில், முதலில் பாதிக்கப்பட்டவரும் எங்களைத் தொடர்பு கொண்டார். குற்றம் சாட்டப்பட்டவரைக் கைது செய்த பிறகு, அவரது அழைப்பு விவரப் பதிவுகளை நாங்கள் பகுப்பாய்வு செய்தோம், மேலும் அவர் மீண்டும் மீண்டும் அழைத்த தொலைபேசி எண்களைப் பார்த்தோம், இது மற்ற பாதிக்கப்பட்டவர்களைக் கண்டறிய எங்களுக்கு உதவியது,” என்று அந்த அதிகாரி கூறினார்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2017/07/minor-rape-main759-3.jpg)