உட்கட்சி பூசல், துணை முதல்வரின் கிளர்ச்சி; உத்தரப்பிரதேசம் ஏன் பா.ஜ.க.வின் புதிய போர்க்களம்?

மக்களவை தேர்தல் முடிவுகள் வெளியாகி இரண்டு மாதங்களாகியும், பாஜக மிகவும் கீழே வீழ்த்தப்பட்ட உத்தர பிரதேசத்தில் இன்னும் புழுதி அடங்கவில்லை. அங்கு முதல்வர் யோகி ஆதித்யநாத், மறைமுகமான விமர்சனங்களால் கட்சி குழப்பத்தில் உள்ளது.
இதை கிளர்ச்சி என்று முன்கூட்டியே சொல்வது ஒரு ஆருடமாக இருக்கலாம், ஆனால் எதிர்ப்பின் முகமாகம் இருக்கும் துணை முதல்வர் கேசவ் பிரசாத் மவுரியா, ஒரு முக்கிய ஓபிசி முகம், நீண்ட காலமாக உயர் பதவியை எதிர்பார்த்துள்ளார். 
மௌரியாவுக்கு மற்ற துணை முதல்வர் பிரஜேஷ் பதக் மற்றும் உ.பி., பா.ஜ., தலைவர் பூபேந்திர சவுத்ரி ஆகியோர் ஆதரவு அளித்துள்ளனர். பாஜகவின் கூட்டணியினரும் மௌரியாவின் வார்த்தைகளை எதிரொலித்தனர். 
நிஷாத் கட்சியின் சஞ்சய் நிஷாத், யோகியின் "புல்டோசர் அரசியலுக்கு" எதிராக குற்றம் சாட்டினார். தனிப்பட்ட முறையில், பலர் தேர்தலில் "நாசவேலை" பற்றி பேசுகிறார்கள். 
உதாரணமாக, யோகி சார்ந்த ராஜபுட் சமூகம், தேர்தலில் வாக்களிக்கவில்லை, அல்லது பாஜவுக்கு எதிராக வாக்களித்தது. 
இந்த முறை சமாஜ்வாடி கட்சிக்கும் (SP) மற்றும் காங்கிரஸுக்கும் வாக்களிக்க மாறிய உ.பி.யில் உள்ள யாதவ் அல்லாத OBC மற்றும் தலித்துகளின் ஆதரவை மீண்டும் பெற வேண்டும் என்ற கவலை தற்போது கட்சியில் அதிகரித்து வருகிறது.
மாநிலத்தில் இந்த அடிமட்ட மாற்றங்கள் தொடங்கும் போது, இந்த போக்கைத் திருப்புவது கடினமாக இருக்கலாம் என்பதையும் கட்சி அறிந்திருக்கிறது.
பாஜக செயல்படும் விதத்தைப் பார்க்கும்போது, கட்சியில் உள்ள சக்தி வாய்ந்த பகுதிகளின் ஆதரவோ, மறைமுகமாகவோ அல்லது வேறுவிதமாகவோ இல்லாமல், மௌரியா முதல்வரை மாற்ற முடியும் அல்லது “மதிப்பாய்வு” கூட்டத்தில் இருந்து விலகி இருக்க முடியும், என்று நம்புவது கடினம்.
மறுபுறம் யோகி தனது பங்கிற்கு, வேட்பாளர்கள் குறித்த தனது கருத்துக்கள் மத்திய தலைமையால் ஏற்றுக்கொள்ளப்படவில்லை; அவர் பல பாராளுமன்ற உறுப்பினர்களை மாற்ற விரும்பினார், ஆனால் அவரது குரல் புறக்கணிக்கப்பட்டது; மற்றும் பிரதமர் வாக்கெடுப்பு சுவரொட்டிகளில் அவரது புகைப்படங்கள் இல்லை, என RSS தலைமைக்கும் தெரிவித்ததாக கூறப்படுகிறது. 
கட்சியில் ஏற்பட்டுள்ள இந்த வெளிப்படையான இழுபறி, மாநிலத்தில் கட்சியின் மீட்புத் திட்டத்தின் ஒரு பகுதியாக யோகியை மத்திய தலைமை பார்க்கிறதா? தற்போதைய கொந்தளிப்பு, யோகியின் மீதான அழுத்தத்தைத் தக்கவைத்து, முதலமைச்சரின் அதிகாரங்களைச் சுருக்கி, லக்னோவில் இரு பிரிவினரிடையே சமநிலையை மீட்டெடுக்கும் வழியா?என்ற கேள்வியை எழுப்புகிறது. 
யோகி மற்றும் அவரது எதிர்ப்பாளர்களுக்கு, இதிலிருந்து பின்வாங்க வேண்டும் என மேலிடத்திலிருந்து செய்திகள் அனுப்பப்படுகின்றன. 
உ.பி.யில் சாகசம் என்பது ஆபத்தான கருத்து என்பது பாஜக தலைமைக்கு நன்றாகவே தெரியும். மாநிலத் தேர்தல்களுக்கு இன்னும் மூன்று வருடங்கள் உள்ளன என்றாலும், இந்த வெற்றி பாஜகவின் வெற்றி போல் தெரியவில்லை…
அகிலேஷ் யாதவ் மற்றும் ராகுல் காந்தி 2024 கெமிஸ்ட்ரியும், சமாஜ்வாடி மற்றும் காங்கிரஸின் மறுமலர்ச்சிக்கு பங்களித்துள்ளது.. 
மேலும், யோகி ஆதித்யநாத் ஒரு சிவராஜ் சவுகான் அல்ல. மத்தியப் பிரதேசத்தில் பாஜகவை வெற்றிப் பாதைக்கு அழைத்துச் சென்றதற்கு சௌஹான் காரணமாக இருந்தபோதிலும், அவர் முதல்வர் ஆக்கப்படவில்லை. சௌஹான் உடனடியாக அமைச்சரவையில் இடம்பிடித்து, ஒரு உறுதியான சாதனை படைத்தார்.
யோகி ஒரு வித்தியாசமான தலைவர். அவர் தோல்வியின் பாதையில் செல்லக்கூடியவர் அல்ல. செல்வாக்கு மிக்க கோரக்நாத் மடத்தின் தலைவராக, அவருக்கு பாஜகவைச் சாராத பின்தொடர்பவர்கள் உள்ளனர், ஹிந்து யுவ வாஹினியில் அவருடைய விசுவாசமான அடிவருடிகள், சமீப வருடங்களில் செயலற்று இருந்திருக்கலாம், ஆனால் இனி அணிதிரட்டப்படலாம். 
முதல்வராக இருந்த அவர், உ.பி.க்கு அப்பால் மற்ற மாநிலங்களில் கட்சிக்காக பிரச்சாரம் செய்ய அனுப்பப்பட்டார். அதிகாரத்துவத்தின் மீதான அவரது அதீத நம்பிக்கையும், அரசியல் சகாக்களின் எச்சரிக்கையும் விமர்சனத்திற்கு உள்ளாகியிருக்கலாம், ஆனால் அவர் மாநிலத்தில் "சட்டம் மற்றும் ஒழுங்கு" நிலைமையை மேம்படுத்திய ஒரு தலைவராக பார்க்கப்படுகிறார்… 
ஆர்எஸ்எஸ் அவரை 2017 இல் முதல்வர் பதவிக்கு ஆதரித்தது, ஆனால் அமைப்பில் உள்ள சிலர் அவரை "அந்நியமாக" பார்க்கிறார்கள், இருப்பினும் அவர் இந்துத்துவா ஐகான், மேலும் ஆர்எஸ்எஸ் நிகழ்ச்சி நிரலை மேலும் மேம்படுத்தலாம்.
கட்சி பின்னடைவை சந்தித்த மகாராஷ்டிரா, ஹரியானா மற்றும் ஜார்கண்ட் ஆகிய மாநிலங்களில், மாநில தேர்தல்களுக்கு முன்னதாக, உ.பி. அரசியல் நீரோட்டத்தில் பாஜக தலைமையும் எச்சரிக்கையாக இருக்கும். இந்த மாநிலங்களில் வெற்றி பெறுவது மோடிக்கு முக்கியமானது. உதாரணமாக, மகாராஷ்டிராவில் வெற்றி பெற்றால், உ.பி.யில் ரிஸ்க் எடுக்க கட்சியின் கையை பலப்படுத்தலாம்.
எப்படியும் 2024க்கு பிந்தைய பாஜகவின் போர்க்களமாக உத்தரபிரதேசம் உள்ளது தெளிவாக தெரிகிறது. 
Read in English: Why Uttar Pradesh is BJP’s new battleground – for the war within
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“