அகமதாபாத் விமான விபத்தில் சோகம்: முன்னாள் முதல்வர் விஜய் ரூபானி மரணம்

ரூபானி திங்கள்கிழமை ஏறிய, லண்டன் செல்லும் ஏஐ 171 விமானத்தில், 169 இந்தியர்கள், 53 பிரிட்டிஷ் நாட்டினர், 7 போர்ச்சுகீசியர்கள் மற்றும் ஒரு கனடா நாட்டவர் பயணித்தனர். இவர்களுடன் 2 விமானிகள் மற்றும் 10 விமானப் பணிப்பெண்களும் இருந்தனர். போயிங் 787 டிரீம்லைனர் ரக விமானமான இது, திட்டமிடப்பட்ட நேரத்திலிருந்து சற்று தாமதமாக மதியம் 1.47 மணியளவில் புறப்பட்டு, அனுமதி கிடைத்து 9 நிமிடங்களில் கீழே விழுந்து நொறுங்கியது. இந்த விபத்தின் காணொளிக் காட்சிகள் தற்போது சமூக ஊடகங்களில் பரவலாகப் பகிரப்பட்டு வருகின்றன. அதில், அகமதாபாத்தில் உள்ள கட்டிடங்களுக்குப் பின்னால் விமானம் தரையில் விழுந்து தீப்பிழம்புகளுடன் வெடித்துச் சிதறுவது தெரிகிறது.