கிறிஸ்தவ மதத்துக்கு மாறிய மனைவி: விவாகரத்து வழக்கில் நீதிமன்றம் பரபரப்பு தீர்ப்பு

பிரிந்த உறவில் உள்ள பெண்ணுக்கு ரூ.4 லட்சம் இழப்பீடு வழங்க வேண்டும் என்ற சிவில் நீதிமன்றத்தின் உத்தரவை கர்நாடக உயர் நீதிமன்றம் ரத்து செய்ததுடன், விவாகரத்து முறைப்படுத்தப்படாத நிலையில், மனைவி வேறு மதத்துக்கு மாறியதால் இருவரின் திருமணம் முறிந்துவிடும் எனத் தீர்ப்பளித்துள்ளது.

நவம்பர் 13, 2015 இல், சிவில் நீதிமன்றம், பெங்களூரைச் சேர்ந்த 47 வயது நபருக்கு குடும்ப வன்முறையின் அடிப்படையில் விவாகரத்து கோரிய அவரது பிரிந்த மனைவிக்கு (35) ரூ. 4 லட்சம் இழப்பீடு வழங்க உத்தரவிட்டது. இந்த வழக்கில் மேலும் சில பரிகாரங்கள் வேண்டி பெண் மேல்முறையீடு செய்தார். இந்த மேல்முறையீடு மனு மீது நீதிபதி ராஜேந்திர பதாமிகர் கடந்த மாதம் தீர்ப்பளித்துள்ளார்.

தற்போது அந்தத் தீர்ப்பு நீதிமன்ற இணையதளத்தில் வெளியிடப்பட்டுள்ளது. அதில், “மனைவிக்கு எதிராக குடும்ப வன்முறை எதுவும் செய்யப்படவில்லை என்று இரு நீதிமன்றங்களும் ஒரே நேரத்தில் கூறியிருப்பது பதிவுகளில் இருந்து தெரிகிறது.

இதற்கு எதிராக அவர் முறையீடு செய்யவில்லை. மேலும் அவர் கிறிஸ்தவ மதத்துக்கு மாறியதை ஒப்புக்கொண்டுள்ளார். அவர் கிறிஸ்தவ மதத்திற்கு மாறும்போது, ​​அவரது நிலைப்பாட்டில் உள்ள அனைத்து உரிமைகளும் ரத்து செய்யப்படுகின்றன” எனக் கூறியுள்ளார்.

எனினும், குடும்ப வன்முறையில் இருந்து பெண்களைப் பாதுகாக்கும் சட்டம் 2005ன் பிரிவு 22ன் படி, குடும்ப வன்முறை கண்டறியப்படும்போது இழப்பீடு வழங்கலாம் என்று உயர்நீதிமன்றம் கூறியுள்ளது.

ஆங்கிலத்தில் வாசிக்க : Wife’s conversion to Christianity is ground for marriage dissolution, Karnataka HC rules in compensation case

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“