![புதிய தொழில்நுட்பங்கள் மூலம் மலேரியா ஒழிப்பு மையத்தை புதுப்பிக்க வேண்டும் - WHO டாக்டர் சௌமியா சுவாமிநாதன்](https://img-cdn.thepublive.com/fit-in/1280x960/filters:format(webp)/tamil-ie/media/media_files/uploads/2022/04/dr.png)
உலக சுகாதார அமைப்பின் உலக மலேரியா அறிக்கை 2021, மலேரியா நோயாளிகளின் எண்ணிக்கையைக் குறைக்கக்கூடிய அதிக மலேரியா நோயாளிகளைக் கொண்ட நாடாக இந்தியாவைப் பார்க்கிறது. இருப்பினும், தென்கிழக்கு ஆசிய பிராந்தியத்தில் மலேரியா இறப்புகளில் சுமார் 82 சதவிகிதம் இந்தியாவில்தான் உள்ளது என்றும் அந்த அறிக்கை குறிப்பிடுகிறது.
தொற்றுநோய் அதிக துயரங்களை கொண்டுவந்து சேர்த்துள்ளன. இப்போது புதிய தொழில்நுட்பங்கள் மற்றும் கருவிகள் விவாதிக்கப்படுகின்றன. 2030 ஆம் ஆண்டுக்குள் மலேரியாவை ஒழிக்க வேண்டும் என்ற இலக்கில் இந்தியா என்னென்ன வாய்ப்புகளையும் சவால்களையும் எதிர்கொள்கிறது. 2030 ஆம் ஆண்டுக்குள் மலேரியாவை ஒழிக்க வேண்டும் என்ற இலக்கில் இந்தியா என்னென்ன வாய்ப்புகள், சவால்களை எதிர்கொள்கிறது.
உலக சுகாதார நிறுவனத்தின் தலைமை விஞ்ஞானி டாக்டர் சௌமியா சுவாமிநாதன், இந்தியன் எக்ஸ்பிரஸ் குழுமத்தின் இ. குமார் ஷர்மாவிடம் பேசுவதற்கு தனது பிஸியான பணிகளுக்கு இடையே நேரத்தை ஒதுக்கி பேசினார். அவர் பேசியதில் தேர்ந்தெடுக்கப்பட்ட பகுதிகள்:
டாக்டர் சௌமியா. உங்கள் பொன்னான நேரத்தை எங்களுக்காக ஒதுக்கியதற்கு மிக்க நன்றி. 2022 ஆம் ஆண்டு உலக மலேரியா தினத்தின் கருப்பொருள் ‘மலேரியா நோயின் எண்ணிக்கையைக் குறைக்கவும், உயிர்களைக் காப்பாற்றவும் புதுமைகளைப் பயன்படுத்துதல்’ என்பது உங்களுக்குத் தெரியும். மலேரியா ஒழிப்புக்கு உதவும் புதிய தொழில்நுட்பங்களைப் பற்றிய உங்கள் பார்வை என்ன?
மலேரியாவை ஒழிப்பதில் சில நாடுகள் வெற்றி பெற்றிருந்தாலும், மலேரியா ஒழிப்பிலிருந்து நாம் இன்னும் வெகு தொலைவில் இருக்கிறோம் - இது உலகின் அனைத்துப் பகுதிகளிலும் மலேரியாவை ஒழிப்பதைக் குறிக்கிறது என்பதை அங்கீகரிப்பது முக்கியமானதாக இருக்கிறது.
2020 ஆம் ஆண்டில் மட்டும், உலக அளவில் 241 மில்லியன் மலேரியா நோய்கள் மற்றும் உலக அளவில் 6,27,000 இறப்புகள் நடந்துள்ளதாக மதிப்பிடப்பட்டுள்ளது. துணை-சஹாரன் ஆப்பிரிக்கா தொடர்ந்து இந்த நோயின் அதிக எண்ணிக்கையை கொண்டுள்ளது (அனைத்து மலேரியா நோய் எண்ணிக்கையில் 95 சதவீதமும் அனைத்து இறப்புகளில் 96 சதவீதம் கொண்டுள்ளது.) அதிர்ஷ்டவசமாக ஆராய்ச்சி மற்றும் மேம்பாட்டு திட்டத்தில் பல அற்புதமான தொழில்நுட்பங்கள் உள்ளன. எடுத்துக்காட்டாக சில:
புதிய வகை பூச்சி மருந்துகள் (கொசுமருந்துகள்), சுத்திகரிக்கப்பட்ட வலைகள், இடம் சார்ந்த கொசு விரட்டிகள், ஜீன்-டிரைவ் அணுகுமுறைகள் மற்றும் அனாபிலிஸ் கொசுக்களை ஈர்த்து அழிக்கும் வகையில் வடிவமைக்கப்பட்ட சர்க்கரை தூண்டில் போன்ற நோய் பரப்பும் புதிய கொசுக்களை கட்டுப்படுத்தும் கண்டுபிடிப்புகள் உள்ளன. அதன் பிறகு, புதிய மலேரியா எதிர்ப்பு மருந்துகள் உள்ளன. எடுத்துக்காட்டாக, குழந்தைகளிடையே காணப்படும் பி. விவாக்ஸ் (P. vivax) மலேரியாவைத் தடுப்பதற்காக ஒற்றை-டோஸ் டெஃபெனோகுயின் கரையக்கூடிய மாத்திரைகளுக்கு ஆஸ்திரேலிய சிகிச்சைப் பொருட்கள் நிர்வாகத்தின் சமீபத்திய ஒப்புதலை உலக சுகாதார நிறுவனம் வரவேற்கிறது. ஒரு டோஸ் டெஃபெனோகுயின் சிகிச்சை நோயாளி பின்பற்றுவதை ஆதரிக்கும் என்று எதிர்பார்க்கப்படுகிறது. தற்போதைய தரமான பராமரிப்புக்கு 7- அல்லது 14 நாள் மருந்து சிகிச்சை தேவைப்படுகிறது.
மேலும், புதிய மலேரியா தடுப்பூசிகள் உள்ளன. எங்களிடம் ஏற்கனவே பாதுகாப்பான மற்றும் பயனுள்ள தடுப்பூசி (RTS,S/ASOI) உள்ளது. அது தற்போது 3 ஆப்பிரிக்க நாடுகளில் பயன்படுத்தப்படுகிறது. கூடுதலாக, ஆரம்பகால மருத்துவ வளர்ச்சியில் R21/Matrix-M மற்றும் பிற மலேரியா தடுப்பூசி உற்பத்தி விண்ணப்பதாரர்களின் வளர்ச்சியில் முன்னேற்றத்தை உலக சுகாதார நிறுவனம் வரவேற்கிறது; இந்தத் தடுப்பூசிகளுக்கான மருத்துவப் பரிசோதனைகளை வெற்றிகரமாக முடிப்பது அவற்றின் பாதுகாப்பு மற்றும் செயல்திறன் விவரங்களை மதிப்பிடுவதற்கு முக்கியமானதாக இருக்கும். MRNA தொழில்நுட்பத்தைப் பயன்படுத்தி மலேரியா தடுப்பூசியை உருவாக்குவதை நோக்கமாகக் கொண்ட ஃபைசர் - பயோஎண்டெக் கோவிட்-19 (Pfizer-BioNTech COVID-19) தடுப்பூசி உற்பத்தியாளரான பயோஎன்டெக்கின் (BioNTech) இன் செய்தியை உலக சுகாதார நிறுவனம் வரவேற்கிறது.
டாக்டர் சௌமியா, கொசுக்களில் மரபணு மாற்றத்தின் தரத்தை மேம்படுத்துவது பற்றி கூற முடியுமா? இது ஒரு வாய்ப்பு என்றால், இந்தியா தேர்வு செய்ய வேண்டுமா?
இப்போதைக்கு, பெரிய அளவிலான ஆய்வக சோதனைகளில் மட்டுமே மரபணு இயக்கம் சோதிக்கப்படுகிறது. கள சோதனைகளுக்கு இன்னும் பல வருடங்கள் உள்ளன. மலேரியா கொசுக்கள் கட்டுப்பாட்டுக்கான தலையீடாக மரபணு மாற்றப்பட்ட கொசுக்களை உலக சுகாதார நிறுவனம் பரிந்துரைக்குமா இல்லையா என்பது இந்த சோதனைகளின் முடிவைப் பொறுத்து உள்ளது. அதுவரை, இந்தியா இதை ஒரு சாத்தியமான தேர்வு செய்வதற்கான வாய்ப்பாகக் கருதாமல் உலக சுகாதார நிறுவனம் மலேரியா வழிகாட்டுதல்களில் பரிந்துரைக்கப்பட்ட இந்த தலையீடுகளை பயன்படுத்துவதில் கவனம் செலுத்த வேண்டும்.
பல வல்லுநர்கள் வொல்பாச்சியா பாக்டீரியாவை நம்பியிருக்க பரிந்துரைக்கின்றனர். இதற்கான நோக்கம் எவ்வளவு முக்கியமானது, இது இந்தியா தீவிரமாக பின்பற்ற வேண்டிய ஒரு வாய்ப்பாக இருக்க வேண்டுமா?
வெல்பாச்சியா பாக்டீரியாவின் அறிமுகம், இயற்கையாக ஒரு செல்லுக்குள் நடக்கும் இயக்கம், ஏடிஸ் கொசுக்களுக்கு எதிரான ஒரு தலையீடு என உலக சுகாதார நிறுவனத்தால் மட்டுமே இதுவரை கொசுவின் எண்ணிக்கை மதிப்பிடப்பட்டுள்ளது. இது மலேரியா அனோபிலின் கொசுக்களை கட்டுப்படுத்துவதற்கு தற்போது கிடைக்கக்கூடிய ஒரு தலையீடு அல்ல.
பெரிய அளவில் மலேரியாவைக் கட்டுப்படுத்தவும், இறுதியில் மலேரியாவை ஒழிக்கவும் இந்தியா எடுக்க வேண்டிய மூன்று முக்கிய நடவடிக்கைகள் என்னவென்று கூறுவீர்களா?
கொசுக்கள் மூலம் பரவும் நோய்களுக்கான தேசிய மையம், சுகாதாரம், குடும்ப நல அமைச்சகம் மற்றும் உலக சுகாதார நிறுவனம் ஆகியவை தற்போது இந்த வாரமும் அடுத்த வாரமும் மலேரியா திட்டத்தின் மதிப்பாய்வை நடத்துகின்றன. அந்த கண்டுபிடிப்புகளும் பரிந்துரைகளும் 2023 - 2027 காலகட்டத்திற்கான தேசிய மலேரியா உத்தித் திட்டத்தின் வளர்ச்சியைத் தெரிவிக்கும். வல்லுநர்கள் பரிந்துரைப்பதை நான் முன்வைக்க விரும்பவில்லை, ஆனால் எனது பார்வையில் இந்தியாவில் மலேரியா ஒழிப்பு முயற்சிகள் துரிதப்படுத்தப்படும்.
ஏ) மனித வளத்தை மேம்படுத்துதல், மத்திய, மாநில மற்றும் மாவட்ட அளவில் மேலாண்மை மற்றும் தொழில்நுட்ப செயல்பாடுகளுடன் காலியாக உள்ள முக்கிய பணியிடங்கள் மற்றும் வெளிப்புற அளவில் சேவைகளை வழங்குவதற்கு பொறுப்பானவர்கள் நிரப்பப்பட வேண்டும். மலேரியா ஒழிப்புப் பயிற்சியை அதிகரிக்க வேண்டும். பணியாளர்கள் தங்கள் பணிகளை திறம்படச் செய்வதற்குத் தேவையான சூழலை ஏற்படுத்த வேண்டும்.
பி) மலேரியா ஒழிப்புக்கான ஒரு முக்கிய தலையீடாக கண்காணிப்பு அமைப்பை மறுசீரமைத்தல். மலேரியாவை ஒழிப்பதற்கு பயனுள்ள கண்காணிப்பு மற்றும் நடவடிக்கை அமைப்பைக் கொண்டிருக்க, தொலைத்தொடர்பு தொழில்நுட்பம் மற்றும் மனித வளங்களில் (பல்நோக்கு பணியாளர்கள் மற்றும் அங்கீகாரம் பெற்ற சமூக சுகாதார ஆர்வலர்கள் அல்லது ஆஷா பணியாளர்களின் (ASHAs)வலிமையை நாடு பயன்படுத்த வேண்டும்.
சி) அணுக முடியாத பகுதிகளில் அதிக ஆபத்துள்ள மக்களுக்கு தலையீடுகளை வழங்குவதற்கான புதிய கருவிகள் மற்றும் அணுகுமுறைகளின் ஆராய்ச்சி, மேம்பாட்டில் முதலீடு செய்தல் வேண்டும். இதன் மூலம் இந்தியா மட்டுமின்றி மற்ற மலேரியா பாதிப்பு உள்ள நாடுகளும் பயனடையும்.
புலம்பெயர்ந்த தொழிலாளர்கள் எதிர்கொள்ளும் சவால்கள் குறித்து உங்கள் பார்வை என்ன?
மலேரியா பரவும் கிராமங்களில் இருந்து நகர்ப்புறங்களுக்கு இடம்பெயர்பவர்கள் உட்பட புலம்பெயர்ந்த தொழிலாளர்கள், அதிக ஆபத்துள்ள குழுக்களாக இருப்பார்கள். இவர்கள் மலேரியா பரவும் இயக்கிகளில் அடங்குவர். இந்தியாவில் நகர்ப்புற மலேரியா இன்னும் ஒரு பிரச்சனையாக இருப்பதற்கு இதுவும் ஒரு காரணம். சில சமயங்களில், மலேரியா இல்லாத பகுதிகளில் இருந்து புலம்பெயர்ந்த தொழிலாளர்கள், அவர்கள் வேலைக்குச் செல்லும் இடங்களில், சுரங்கம் மற்றும் வேளாண்-வனப் பகுதிகளில் மலேரியா பரவுதல் அதிகமாக இருக்கும் இடங்களில் நோயால் பாதிக்கப்படுகின்றனர். ஒரு நல்ல கண்காணிப்பும், நடவடிக்கை அமைப்பும், புலம்பெயர்ந்த தொழிலாளர்களுக்கு தலையீடுகளை வழங்குவதற்கான புதுமையான வழிகளும் தேவையாக உள்ளது.
மருந்து மற்றும் பூச்சிக்கொல்லி எதிர்ப்பு தன்மை மலேரியாவை எதிர்ப்பது பற்றிய உங்கள் பார்வை என்ன? இதற்கு நீங்கள் என்ன நடவடிக்கை எடுப்பீர்கள்?
மலேரியா ஒட்டுண்ணி மருந்துகளின் எதிர்ப்புத் தன்மை மற்றும் மலேரியா நோய்க்கிருமிகளின் பூச்சிக்கொல்லிகளின் எதிர்ப்புத் தன்மை ஆகியவை மலேரியா ஒழிப்புக்கான முக்கிய சவால்களில் ஒன்றாகும். இது இந்தியாவில் மட்டுமல்ல, உலகெங்கிலும் உள்ள பல நாடுகளில் சவாலாக உள்ளது.
இந்த சவால்களை எதிர்த்துப் போராட சில பரிந்துரைகள்:
இந்த மருந்து எதிர்ப்புத் தன்மையைப் பொறுத்தவரை, ஆதாரங்களின் அடிப்படையில் மலேரியா சிகிச்சைக் கொள்கையை அவ்வப்போது மதிப்பாய்வு செய்து புதுப்பிக்க வேண்டும். இந்தியாவில் உள்ள தேசிய மலேரியா திட்டம் மற்றும் ஆராய்ச்சி நிறுவனங்கள், உலக சுகாதார நிறுவனத்தின் உதவியுடன் மலேரியா மருந்து எதிர்ப்புத் தன்மையை தொடர்ந்து கண்காணித்து வருகிறது. மேலும், தரவுகளை அவ்வப்போது மதிப்பாய்வு செய்து மலேரியா சிகிச்சை கொள்கையை புதுப்பிக்கும் ஒரு வழிமுறை நாட்டில் உள்ளது. அது நிலைத்திருக்க வேண்டும்.
சில சவால்கள்: தனியார் முறையான மற்றும் முறைசாரா சுகாதாரத் துறைகளில் மலேரியா மருந்துகளின் முறையற்ற பயன்பாடு, நோயாளிகளின் சிகிச்சையில் குறைவாகப் பின்பற்றுதல் மற்றும் சில மருத்துவ ஊழியர்கள் சிகிச்சை வழிகாட்டுதல்களை மோசமாகப் பின்பற்றுதல் ஆகியவை சவால்களில் அடங்கும். மலேரியா மருந்துகளின் தரத்தை உறுதிப்படுத்தவும் நாட்டில் பயன்படுத்த பரிந்துரைக்கப்படாத மருந்துகளின் விற்பனையைத் தடைசெய்யும் விதிமுறைகளை செயல்படுத்துவதை வலுப்படுத்தவும் இது உதவும். புதிய மலேரியா மருந்துகளின் ஆராய்ச்சி மற்றும் மேம்பாடு அல்லது தற்போதைய மலேரியா மருந்துகளின் கலவையை சோதிக்க தீவிரப்படுத்தப்பட வேண்டும்.
பூச்சிக்கொல்லி (கொசுமருந்து) எதிர்ப்புத் தன்மையைப் பொறுத்தவரை, சான்றுகளின் அடிப்படையில் பூச்சிக்கொல்லி எதிர்ப்பு மேலாண்மைத் திட்டத்தை உருவாக்கி செயல்படுத்துதல். பூச்சிக்கொல்லி எதிர்ப்பின் தாக்கத்தைத் தணிக்க, தற்போதைய பயன்பாட்டில் உள்ள மற்றும் எதிர்காலத்தில் பயன்படுத்தத் திட்டமிடப்பட்டுள்ள பூச்சிக்கொல்லிகளுக்கு அதன் முக்கிய கொசுக் கிருமிகளின் பாதிப்பை நாடு தொடர்ந்து கண்காணிக்க வேண்டும். இந்தத் தரவுகளைப் பொறுத்து, பயனுள்ள பூச்சிக்கொல்லிகளைப் பயன்படுத்தும் தலையீடுகளைத் தேர்ந்தெடுக்க வேண்டும். எதிர்ப்புத் தன்மையை தேர்வு செய்வதற்கான அழுத்தத்தைக் குறைக்க நாடு முயற்சிப்பது பரிந்துரைக்கப்படுகிறது. எடுத்துக்காட்டாக, உட்புற பகுதிகளில் தெளிப்பதற்கு (IRS) பைரித்ராய்டு பூச்சிக்கொல்லிகளைப் பயன்படுத்தாமல், அதே பகுதியில் பூச்சிக்கொல்லி-சிகிச்சை செய்யப்பட்ட வலைகளைப் பயன்படுத்த வேண்டும். ஏனெனில், இவை அனைத்தும் பைரித்ராய்டுகளுடன் சிகிச்சையளிக்கப்படுகின்றன. இவை தவிர, பொது சுகாதார பூச்சியியல் வல்லுநர்களை உருவாக்குவதில் முதலீடு செய்து புதிய வகை பூச்சிக்கொல்லிகள் மற்றும் பிற கொசுக் கட்டுப்பாட்டு கருவிகளை உருவாக்க ஆராய்ச்சியில் முதலீடு செய்யுங்கள்.
டாக்டர் சௌம்யா, இந்தியாவில் இன்று மலேரியா பிரச்னை சில குறிப்பிட்ட பகுதிகளிலும் பழங்குடியினர் பகுதிகளிலும் உள்ளது என்று சிலர் வாதிடுகின்றனர், இவற்றை சமாளிக்க என்ன தடைகள் மற்றும் உத்திகள் இருப்பதாகப் பார்க்கிறீர்கள்?
மலேரியா நோயைக் குறைப்பதில் இந்தியா மகத்தான முன்னேற்றம் கண்டுள்ளது. இருப்பினும், அணுகுவதற்கு மிகவும் கடினமான பகுதிகளில் உள்ள பழங்குடி சமூகங்களிடையே அதிக பரவல் பகுதிகள் உள்ளன.
பழங்குடி சமூகங்கள் மத்தியில் மலேரியா ஒழிப்பு பணியாளர்ள் பணியாற்ற அரசாங்கம் பயிற்சி அளித்து ஆதரவளித்துள்ளது. இது மேலும் விரிவுபடுத்தப்பட்டு, வழக்கமான ஆதரவு மேற்பார்வை மற்றும் விரைவான நோயறிதல் சோதனைகள் மற்றும் மருந்துகளை வழங்குவதன் மூலம் மேம்படுத்தப்பட வேண்டும். சமூக அறிவியல் ஆராய்ச்சியின் அடிப்படையில் சுகாதாரக் கல்வியின் புதுமையான அணுகுமுறைகள் மேற்கொள்ளப்பட வேண்டும். பழங்குடியினர் சுகாதாரத் துறை, கல்வித்துறை, வனத்துறை போன்ற பிற துறைகளும் ஈடுபட வேண்டும். நீண்ட காலத்திற்கு, தொலைதூர பழங்குடி சமூகங்களுக்கு நெருக்கமாக சுகாதார மையங்கள் கட்டப்பட வேண்டும், மேலும் (முடிந்தவரை) சமூக-கலாச்சார தடைகளைத் தவிர்க்க அந்த சமூகத்தைச் சேர்ந்த பணியாளர்களே இருக்க வேண்டும்.
சர்வதேச எல்லைகள் உட்பட, சில காப்புக் காடு பகுதிகளிலும், குடியேறியவர்கள் சட்டவிரோதமாகக் கருதப்படுவதால், சேவைகள் வழங்கப்படுவதில்லை. இந்த பிரச்னையில் அரசாங்க கொள்கைகளை மறுபரிசீலனை செய்ய வேண்டிய நேரம் இது என்று நான் நம்புகிறேன் - நிலையான வளர்ச்சி, சுகாதார சமத்துவம் மற்றும் மலேரியா ஒழிப்பு ஆகியவற்றின் பின்னணியில் - சுகாதார சேவைகள் அல்லது குறைந்தபட்சம் மலேரியா தலையீடுகள் வழங்கப்பட வேண்டும். இந்தத் திட்டத்தால் இந்தச் சேவைகளை வழங்க முடியாவிட்டால், தொண்டு நிறுவனங்கள் அல்லது சிவில் சமூகம் மூலம் சேவைகளை வழங்க முடியும்.
இந்தியச் சூழலில், மலேரியா ஒழிப்பில் கவனம் செலுத்தப்படுவதால், இதில் எல்லை தாண்டிய இயக்கத்தின் கூறும் உள்ளது, எல்லை தாண்டிய சுகாதாரக் கட்டமைப்பில் தீவிரமாகச் செல்ல வேண்டிய நேரம் இது என்று நினைக்கிறீர்களா?
முதலில், மலேரியா ஒழிப்பு என்பது உலகெங்கிலும் உள்ள அனைத்து நாடுகளும் மலேரியாவை ஒழித்துவிட்டன. எனவே மனிதர்கள் மலேரியா பரவலின் ஆதாரமாக இல்லை என்பதை தெளிவுபடுத்துகிறேன். நவம்பர் 2018-இல் தென்கிழக்கு ஆசிய பிராந்தியத்தில் மலேரியா ஒழிப்பு குறித்த அமைச்சரின் பிரகடனத்தின்படி, 2030 ஆம் ஆண்டுக்குள் மலேரியாவை ஒழிப்பதே இந்தியாவிலும் உலக சுகாதார நிறுவனத்தின் தென்கிழக்கு ஆசியப் பிராந்தியத்தில் உள்ள அனைத்து நாடுகளிலும் தற்போதைய நோக்கமாகும். 2030 ஆண்டு வாக்கில், முக்கியமாக ஆப்பிரிக்காவில் உள்ள பல நாடுகளில் இன்னும் மலேரியா இருக்கும். எனவே, இந்தியாவில் மலேரியா மீண்டும் பரவும் அபாயம் அதிகமாக இருக்கும்.
இந்தியா, பூட்டான், நேபாளம் மற்றும் பங்களாதேஷ் இடையே மலேரியா தொடர்பான எல்லை தாண்டிய ஒத்துழைப்பு உள்ளது. முடிந்தவரை மிக உயர்ந்த மட்டத்தில் முறைப்படுத்தப்பட வேண்டும். மலேரியாவை மட்டுமல்ல, பொதுவான உடல்நலப் பிரச்னைகளையும் தீர்க்கும் ஒரு பரந்த கட்டமைப்பை ஏற்படுத்த வேண்டும் என்று நான் நம்புகிறேன்.
கோவிட் - 19 தொடர்பான இடையூறுகள் உலகம் முழுவதும் மலேரியா கட்டுப்பாட்டு முயற்சிகளை பாதித்தன. உலக அளவில், இந்த தொற்றுநோய் சந்தேகமே இல்லாமல் சுகாதார அமைப்புகளில் பெரிய மாற்றங்களையும் தழுவல்களையும் கொண்டு வந்துள்ளது - மேம்படுத்தப்பட்ட கண்காணிப்பு மற்றும் திரையிடல், தரவு பகிர்வு, தடுப்பூசி விநியோகம் மற்றும் வீட்டுக்கே சென்று சிகிச்சை அளித்தல் ஆகியவை இந்த முயற்சிகளில் சிலவாக உள்ளன. மேம்படுத்தப்பட்ட மலேரியா கட்டுப்பாட்டுக்கான இந்தியாவின் உத்திக்கு பயன்படுத்தக்கூடிய உலகளாவிய கோவிட் நடவடிக்கையில் இருந்து நாம் என்ன கற்றுக்கொள்ளலாம்?
இந்தியாவில் கோவிட்-19 தொற்றுநோய் பரவலின்போது மலேரியா நோய் கண்டறிதல் மற்றும் சிகிச்சையில் இடையூறுகள் ஏற்பட்டன; உதாரணமாக, உலக சுகாதார நிறுவனத்தின் நாடித்துடிப்பு கணக்கெடுப்பு, 2020 இல் 5 சதவீதம் முதல் 50 சதவீதம் வரை பெரிய அளவில் இடையூறுகளைக் காட்டியது. மேலும், கோவிட் -19 தொற்றுநோய்க்கு முந்தைய ஆண்டை விட 2020 இல் 30 சதவீதம் குறைவான மலேரியா கண்டறியும் சோதனைகள் இருந்தன. 2021 ஆம் ஆண்டிற்கான தரவு இன்னும் கிடைக்கவில்லை, ஆனால், இடையூறுகள் அதிகமாக இருக்கலாம், குறிப்பாக தொற்றுநோய் உச்சமடைந்து நாட்டில் பேரழிவை ஏற்படுத்திய காலகட்டத்தில் இடையூறுகள் அதிகமாக இருந்திருக்கலாம். இருப்பினும், தொற்றுநோய்க்கு முந்தைய ஆண்டுகளுடன் ஒப்பிடுகையில், குறைப்பு விகிதம் மெதுவாக இருந்தாலும், 2019-2020 க்கு இடையில் இந்தியாவின் மலேரியா நோய் எண்ணிக்கை தொடர்ந்து குறைந்து வந்தது.
கோவிட் 19 தொற்றுநோய் பரவல் தடுப்பு நடவடிக்கையில் இருந்து பல படிப்பினைகள் உள்ளன. அவை இந்தியாவிற்கு பொருந்தும் என்று நான் நம்புகிறேன். அவை:
முதலில், சுகாதார அமைப்பு, முக்கியமாக கண்காணிப்பு, தொற்றுநோய்க்கான தயார்நிலை, நடவடிக்கை, விநியோகச் சங்கிலி மேலாண்மை, மத்திய மற்றும் மாநிலங்களுக்கு இடையிலும் மாநிலங்கள் மற்றும் மாவட்டங்களுக்கு இடையிலும், நல்ல ஒருங்கிணைப்பு அவசியம்.
இரண்டாவது, ஒரு மொத்த சமூகமும் அல்லது பல-துறைகள் பொறுப்பு ஏற்றுக்கொள்ளப்பட வேண்டும்.
மூன்றாவது, ஆபத்தில் உள்ள சமூகங்கள் மற்றும் பாரம்பரிய தலைவர்கள், சுகாதாரப் பணியாளர்கள், தனியார் பயிற்சியாளர்கள், தனியார் நிறுவனத் துறை, தேர்ந்தெடுக்கப்பட்ட அதிகாரிகள் போன்ற ஒவ்வொரு இலக்கு பார்வையாளர்களுக்கும் ஒரு நல்ல தகவல் தொடர்பு உத்தி உள்ளது.
நான்காவது, மலேரியாவைக் கட்டுப்படுத்துதல் மற்றும் பூச்சிக்கொல்லி சிகிச்சை செய்யப்பட்ட கொசுவலைகளை பெருமளவில் விநியோகித்தல் போன்ற மலேரியா தலையீடுகளை தேவைப்படும்போது வழங்க சுகாதாரப் பணியாளர்களை பல்வேறு நோக்கங்களில் பயன்படுத்த வேண்டும்.
காலநிலை மாற்றம் மலேரியா பரவும் பகுதிகளில் பரவுதலை அதிகரிக்கும் என்று ஆராய்ச்சி சுட்டிக்காட்டியுள்ளது. இதுவரை மலேரியா இல்லாத பகுதிகளில் கூட, வெப்பநிலை, மழைப்பொழிவு மற்றும் ஈரப்பதத்தின் அதிகரிப்பு மலேரியாவை பரப்பும் கொசுக்களின் பெருக்கத்தை ஏற்படுத்தும். உங்கள் கருத்துப்படி, கட்டுப்பாடு மற்றும் நீக்குதல் உத்திகளில் காலநிலை மாற்றத்தின் தாக்கம் என்ன?
மலேரியா பரவும் அபாயத்தைக் குறைப்பதற்குப் பதிலாக காலநிலை மாற்றம் அதிகரிக்கும் என்பதே உலக சுகாதார நிறுவனத்தின் அடிப்படை நிலைப்பாடாகும். இருப்பினும், இன்றுவரை காலநிலை மாற்றம் மலேரியா கட்டுப்பாடு மற்றும் ஒழிப்பு உத்திகளை பாதித்துள்ளது என்பதற்கு எந்த ஆதாரமும் இல்லை.
மலேரியா ஒழிப்பு குறித்த வியூக ஆலோசனைக் குழுவின் 2020 அறிக்கை இதை விரிவாகப் பார்த்து, பயனுள்ள தகவல்களை வழங்குகிறது. குறிப்பாக மலேரியா பரவுதல் மற்றும் மலேரியாவால் மக்கள் பாதிக்கப்படுவது குறித்து தகவல்களை வழங்குகிறது.
"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil"
Stay updated with the latest news headlines and all the latest Lifestyle news. Download Indian Express Tamil App - Android or iOS.