காங்கிரஸ் தலைவர் ஆதிர் ரஞ்சன் சவுத்ரியை எதிர்த்து களமிறங்கும் யூசுப் பதான்? மம்தா தேர்தல் வியூகம்

42 வயதான முன்னாள் இந்திய கிரிக்கெட் வீரர் யூசுப் பதான் தனது அபாரமான  பேட்டிங்கிற்காகவும், உச்சக்கட்டத்தில் தனித்து நின்று போட்டிகளை வெல்லும் திறனுக்காகவும் அறியப்பட்டவர், வரும் மக்களவை தேர்தலில், மக்களவை காங்கிரஸ் தலைவர் ஆதிர் ரஞ்சன் சவுத்ரியை வீழ்த்தி, அரசியல் அரங்கில் அதையே மீண்டும் செய்ய விரும்புகிறார்.

திரிணாமுல் காங்கிரஸ் (TMC) ஞாயிற்றுக்கிழமை பஹாரம்பூர் தொகுதியில் ஆதிரை எதிர்த்து 2007 T20 உலகக் கோப்பை மற்றும் 2011 ODI உலகக் கோப்பையை வென்ற இந்திய அணிகளில் முக்கிய உறுப்பினராக இருந்த முன்னாள் கிரிக்கெட் வீரர் மற்றும் இந்தியன் பிரீமியர் லீக்கில் (IPL) கொல்கத்தா நைட் ரைடர்ஸ் (KKR) அணிக்காக விளையாடிய பதானை களமிறக்கியது கடுமையான சோதனையை ஏற்படுத்தியது.

வங்காளத்தில் காங்கிரஸ் இன்னும் தனது வேட்பாளர்களை அறிவிக்கவில்லை என்றாலும், 1999 முதல் அவர் வெற்றி பெற்று வரும் காங்கிரஸின் கோட்டையான பஹரம்பூரிலிருந்து சவுத்ரி மீண்டும் நிறுத்தப்படுவார் என்று எதிர்பார்க்கப்படுகிறது.

1982 இல் பரோடாவில் குஜராத்தி பதான் குடும்பத்தில் பிறந்த பதான், 2007 இல் அவரது இளைய சகோதரர் இர்பானுக்குப் பிறகு இந்திய கிரிக்கெட் அணியில் நுழைந்தார்.

I'm eternally grateful to Smt. @MamataOfficial for welcoming me into the TMC family and trusting me with the responsibility to become people's voice in the Parliament.



As representatives of the people, it is our duty to uplift the poor and deprived, and that is what I hope to… pic.twitter.com/rFM5aYyrDg

— Yusuf Pathan (@iamyusufpathan) March 10, 2024

ஜோகன்னஸ்பர்க்கில் இந்தியா வென்ற, பாகிஸ்தானுக்கு எதிரான டி20 உலகக் கோப்பை இறுதிப் போட்டியில் அவர் அறிமுகமானார். அந்த வெற்றிக்குப் பிறகு, பதான் அடுத்த நான்கு ஆண்டுகளில் இந்திய வெள்ளை பந்து அணிகளில் ஒரு பகுதியாக இருந்தார்.

2011 ஆம் ஆண்டில், கொல்கத்தா நைட் ரைடர்ஸ், பதானை ரூ 9.66 கோடிக்கு வாங்கியது, அவர்களுடன் சேர்ந்து அவர் இரண்டு ஐபிஎல் பட்டங்களை வென்றார். ஒட்டுமொத்தமாக, அவர் மூன்று ஐபிஎல் பட்டங்களை பெற்றுள்ளார், இதில் ராஜஸ்தான் ராயல்ஸ் அணியும் அடங்கும். அவர் 2012 இல் தேசிய அணிக்காக தனது கடைசி போட்டியில் விளையாடினார், 2021 இல் அனைத்து வகையான கிரிக்கெட்டிலிருந்தும் ஓய்வு பெற்றார்.

சகோதரர்களுக்கு இடையில் இர்ஃபான் தான் பெரும்பாலும் வெளிச்சத்தில் இருந்தவர். மறுபுறம், யூசுப் அமைதியான வாழ்க்கையை விரும்பி வதோதராவில் உள்ள தனது பண்ணை வீட்டில் பலவகையான விலங்குகள், பல வகையான தாவரங்களை வளர்த்து வருகிறார்.

பதான் தனது கிரிக்கெட் வெற்றியை அரசியல் சாதனையாக மாற்ற முடியுமா என்பதை காலம் சொல்லும் என்றாலும், முஸ்லீம் சமூகத்தின் வாக்குகள் முக்கியமான இடமான பஹரம்பூரில் காங்கிரஸின் பிடியை உடைக்க திரிணாமுல் காங்கிரஸ் அவரது புகழைப் பணயம் வைக்கும்.

2019 மக்களவைத் தேர்தலில், பஹரம்பூரை ஒருபோதும் வெல்லாத TMC, 2014 இல் ஆதிரின் வாக்குப் பங்கை 50.5% இலிருந்து 45.4% ஆகக் குறைத்தது, அதன் வாக்குகள் 19.7% இல் இருந்து 39.2% ஆக உயர்ந்தது. சௌத்ரி, இறுதியில் 80,696 வாக்குகள் வித்தியாசத்தில் வெற்றி பெற்றார், இது 2014 இல் இருந்து 3.56 லட்சம் வாக்குகள் குறைவாகும்.

சட்டமன்றத் தேர்தல் முடிவுகள் காங்கிரஸ் தலைவருக்கு ஒரு தீவிரமான படத்தை முன்வைக்கிறது மற்றும் அவருக்கு போட்டியாக இருக்கலாம் என்பதை எடுத்துக்காட்டுகிறது.

2016 சட்டமன்றத் தேர்தலில், பஹரம்பூர் மக்களவைத் தொகுதியின் ஒரு பகுதியான ஏழு சட்டமன்றத் தொகுதிகளையும் காங்கிரஸ் கைப்பற்றியது.

2021 மாநிலத் தேர்தலில், பஹரம்பூர் தொகுதியை பாஜக கைப்பற்றியபோது, ​​​​மற்ற 6 தொகுதிகளும் திரிணாமுல் காங்கிரஸ் வசம் சென்றது.

இந்த தொகுதிகளில் மம்தா தலைமையிலான கட்சி 50.1% வாக்குகளையும், பாஜக 31.6% மற்றும் காங்கிரஸ் 15.1% வாக்குகளையும் பெற்றுள்ளது.

2016 ஆம் திரிணாமுல் காங்கிரஸ் 24.9% வாக்குகளைப் பெற்று மிகவும் பின்தங்கிய நிலையில், காங்கிரஸ் 45.9% வாக்குகளுடன் இந்தப் பகுதிகளை வென்றது குறிப்பிடத்தக்க மாற்றமாகும்.

Read in English: Newsmaker | As Yusuf Pathan pads up, TMC’s recent results show he may stand a chance against Adhir

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“