அமெரிக்காவின் கலிபோர்னியா மாகாணத்தில் கடந்த வாரம் 23 வயதான இந்திய மாணவி ஒருவர் காணாமல் போயுள்ளார். அவரைக் கண்டுபிடிக்க காவல்துறை பொதுமக்களின் உதவியை நாடியுள்ளது.
காணாமல் போனவர், கலிபோர்னியா மாநில பல்கலைக்கழகத்தின் சான் பெர்னார்டினோ (CSUSB) மாணவி நிதீஷா கந்துலா ஆவார். இவர், மே 28 அன்று காணாமல் போனதாக காவல்துறை தெரிவித்துள்ளது.
“அவர் கடைசியாக லாஸ் ஏஞ்சல்ஸில் காணப்பட்டுள்ளார்” என்று காவல்துறை அதிகாரி ஜான் குட்டரெஸ் ஞாயிற்றுக்கிழமை எக்ஸ் சமூக வலைதளத்தில் தெரிவித்துள்ளார்.
கந்துலா 5 அடி 6 அங்குல உயரம் மற்றும் சுமார் 160 பவுண்டுகள் (72.5 கிலோ) எடையுடன் கருப்பு முடி மற்றும் கறுப்பு கண்களுடன் விவரிக்கப்பட்டதாக போலீஸ் எழுத்துப்பூர்வ அறிக்கையில் தெரிவிக்கப்பட்டுள்ளது.
முன்னதாக ஏப்ரல் மாதம், மார்ச் மாதத்தில் இருந்து காணாமல் போன 25 வயது இந்திய மாணவர் அமெரிக்காவின் கிளீவ்லேண்ட் நகரில் இறந்து கிடந்தார். ஐதராபாத்தில் உள்ள நாச்சரம் பகுதியைச் சேர்ந்த முகமது அப்துல் அர்பத், கடந்த ஆண்டு மே மாதம் கிளீவ்லேண்ட் பல்கலைக்கழகத்தில் முதுகலை ஐடி படிப்பதற்காக அமெரிக்கா வந்தார்.
மார்ச் மாதம், இந்தியாவைச் சேர்ந்த 34 வயதான பயிற்சி பெற்ற கிளாசிக்கல் நடனக் கலைஞர் அமர்நாத் கோஷ், மிசோரியில் உள்ள செயின்ட் லூயிஸில் சுட்டுக் கொல்லப்பட்டார்.
பர்டூ பல்கலைக்கழகத்தில் 23 வயதான இந்திய-அமெரிக்க மாணவர் சமீர் காமத், பிப்ரவரி 5 அன்று இந்தியானாவில் உள்ள இயற்கைப் பாதுகாப்பில் இறந்து கிடந்தார்.
பிப்ரவரி 2 ஆம் தேதி, இந்திய வம்சாவளியைச் சேர்ந்த 41 வயதான ஐடி அதிகாரி விவேக் தனேஜா, வாஷிங்டனில் உள்ள ஒரு உணவகத்திற்கு வெளியே ஒரு தாக்குதலின் போது உயிருக்கு ஆபத்தான காயங்களுக்கு ஆளானார்.
ஜனவரி மாதம், இல்லினாய்ஸ் பல்கலைக்கழக மாணவர் 18 வயதான அகுல் தவான் வளாக கட்டிடத்திற்கு வெளியே மூச்சு பேச்சு இன்றி கிடந்தார்.
விசாரணையில் அவர் தாழ்வெப்பநிலை காரணமாக இறந்தார் என்று தெரியவந்தது, கடுமையான ஆல்கஹால் போதை மற்றும் மிகக் குளிர்ந்த வெப்பநிலையில் நீண்டகால வெளிப்பாடு ஆகியவை அவரது மரணத்திற்கு காரணமாகின என அதிகாரிகள் தெரிவித்துள்ளனர்.
ஆங்கிலத்தில் வாசிக்க : 23-year-old Indian student of California State University missing in US
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/TPVRsWzWhkGnQUhI7Eko.jpg)