ஆப்கானிஸ்தானில் நிலநடுக்கம், ஓமிக்ரான் பற்றிய புதிய ஆய்வு… முக்கிய உலகச் செய்திகள்

Afghanistan earthquake, Corona virus study today World news: உலக நாடுகளில் நடைபெற்ற பல்வேறு முக்கிய, சுவாரஸ்யமான செய்திகளை இப்போது பார்ப்போம்.

ஆப்கானிஸ்தான் நிலநடுக்கம்

புதன்கிழமை அதிகாலை பாகிஸ்தான் எல்லைக்கு அருகே கிழக்கு ஆப்கானிஸ்தானின் கிராமப்புற, மலைப் பகுதியில் சக்திவாய்ந்த நிலநடுக்கம் ஏற்பட்டது. இதில் குறைந்தது 920 பேர் உயிரிழந்ததாகவும் மற்றும் 600 பேர் காயமடைந்ததாகவும் அதிகாரிகள் தெரிவித்தனர். மேலும், பலி எண்ணிக்கை அதிகரிக்க வாய்ப்புள்ளதாக அதிகாரிகள் எச்சரித்துள்ளனர்.

கோஸ்ட் மற்றும் பாக்டிகா மாகாணங்களில் கட்டிடங்களை சேதப்படுத்திய 6.1 ரிக்டர் அளவிலான நிலநடுக்கம் பற்றிய தகவல்கள் குறைவாகவே கிடைக்கின்றன. கடந்த ஆண்டு ஆப்கானிஸ்தானை தலிபான் கையகப்படுத்திய பின்னர் பல சர்வதேச உதவி நிறுவனங்கள் ஆப்கானிஸ்தானை விட்டு வெளியேறியது மற்றும் அதன் வரலாற்றில் மிக நீண்ட போரில் இருந்து அமெரிக்க இராணுவம் குழப்பமான முறையில் திரும்பப் பெறப்பட்டதால் மீட்பு முயற்சிகள் சிக்கலானதாக இருந்து வருகிறது.

அமெரிக்க அறிவியல் ஆலோசகராக ஆர்த்தி நியமனம்

முன்னணி இந்திய-அமெரிக்க விஞ்ஞானி டாக்டர் ஆரத்தி பிரபாகர் அமெரிக்க அதிபரின் உயர்மட்ட அறிவியல் ஆலோசகராக ஜோ பிடனால் பரிந்துரைக்கப்பட்டார், இந்த முடிவை வெள்ளை மாளிகை மற்றும் இந்திய-அமெரிக்க சமூகம் "வரலாற்று நிகழ்வு" என்று பாராட்டியது.

செனட்டால் உறுதிசெய்யப்பட்டால், டாக்டர் ஆர்த்தி பிரபாகர் அறிவியல் மற்றும் தொழில்நுட்பக் கொள்கை அலுவலகத்தின் (OSTP) தலைமை இயக்குநராக முதல் பெண், புலம்பெயர்ந்தோர் மற்றும் வெள்ளை நிறத்தவர் அல்லாதவராக வரலாற்றில் இடம் பெறுவார். பிடன் நிர்வாகத்தில் ஒரு முக்கிய பதவிக்கு பெயரிடப்பட்ட இந்திய-அமெரிக்க சமூகத்திலிருந்து சமீபத்திய உயர் தகுதி வாய்ந்த நிபுணராகவும் அவர் இருப்பார்.

"டாக்டர் ஆர்த்தி பிரபாகர் ஒரு புத்திசாலித்தனமான மற்றும் மிகவும் மதிக்கப்படும் பொறியாளர் மற்றும் பயன்பாட்டு இயற்பியலாளர் ஆவார், மேலும் அறிவியல் மற்றும் தொழில்நுட்பக் கொள்கையின் அலுவலகத்தை நமது சாத்தியக்கூறுகளை விரிவுபடுத்துவதற்கும், நமது கடினமான சவால்களைத் தீர்ப்பதற்கும், சாத்தியமற்றதைச் சாத்தியமாக்குவதற்கும் அறிவியல், தொழில்நுட்பம் மற்றும் புதுமைகளைப் பயன்படுத்துவதற்கு வழிநடத்துவார்" என்று பிடன் கூறினார்.

ஒமிக்ரான் பாதிப்பு குறைவு – ஆய்வில் கண்டுபிடிப்பு

தி லான்செட் ஜர்னலில் வெளியிடப்பட்ட ஆய்வின்படி, டெல்டா மாறுபாட்டை விட SARS-CoV-2 (கொரோனா) வைரஸின் ஓமிக்ரான் மாறுபாடு நீண்ட கொரோனா பாதிப்புகளை ஏற்படுவதற்கான வாய்ப்புகள் குறைவு.

நீண்ட கொரோனா நோய் தொடங்கிய நான்கு வாரங்கள் அல்லது அதற்கும் மேலாக புதிய அல்லது தொடர்ந்து அறிகுறிகளைக் கொண்டிருப்பது என வரையறுக்கப்படுகிறது என ஆராய்ச்சியாளர்கள் தெரிவித்தனர்.

அறிகுறிகள் சோர்வு, மூச்சுத் திணறல், கவனம் சிதறல் மற்றும் மூட்டு வலி ஆகியவை அடங்கும், இது அன்றாட நடவடிக்கைகளை மோசமாக பாதிக்கலாம், மேலும் சில சந்தர்ப்பங்களில் கடுமையாக பாதிப்பு ஏற்படலாம் என அவர்கள் கூறினர்.

தடுப்பூசி போடப்பட்டதிலிருந்து வயது மற்றும் நேரத்தைப் பொறுத்து, டெல்டா காலகட்டத்திற்கு எதிராக ஓமிக்ரான் காலகட்டத்தின் போது நீண்ட கொரோனா நோயை தாக்கத்திற்கான முரண்பாடுகள் 20-50 சதவீதம் குறைவாக இருப்பதாக ஆராய்ச்சியாளர்கள் கண்டறிந்துள்ளனர்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil