அமெரிக்க விசா விண்ணப்பங்களில் 10% இந்தியர்கள்: தூதரகம் தகவல்

united states of america visa : இந்த ஆண்டு இதுவரை அமெரிக்கத் தூதரகம் இந்தியப் பயணிகளுக்கு ஒரு மில்லியனுக்கும் அதிகமான புலம்பெயர்ந்தோர் அல்லாத விசாக்களை வழங்கியுள்ளது.

கொரோனா தொற்றுநோய் தொடர்பான பின்னடைவை அகற்றும் வகையில், இந்த ஆண்டு நிர்ணயித்த இலக்கை முன்கூட்டியே அடைந்துள்ளது.

இதனை, அமெரிக்க தூதரகம் வியாழக்கிழமை ஒரு அறிக்கையில் கூறியுள்ளது.  புலம்பெயர்ந்தோர் அல்லாத விசா வகைகளில் வணிகம், பயணம், மாணவர் விசாக்கள் மற்றும் குழு விசாக்கள் ஆகியவை அடங்கும். இது உலகின் மிகவும் வலுவான பயண உறவுகளில் ஒன்றாகும் என்று விவரிக்கும் அமெரிக்க தூதரகம், கடந்த ஆண்டு 1.2 மில்லியனுக்கும் அதிகமான இந்தியர்கள் நாட்டிற்கு வருகை தந்ததாக கூறியுள்ளது.

இந்த நிலையில், அமெரிக்காவில் உலகளவில் உள்ள அனைத்து விசா விண்ணப்பதாரர்களில் 10 சதவீதத்திற்கும் அதிகமானோர் இந்தியர்களை பிரதிநிதித்துவப்படுத்துகின்றனர்.

இது, அனைத்து மாணவர் விசா விண்ணப்பதாரர்களில் 20 சதவிகிதம் மற்றும் அனைத்து H&L-வகை (வேலைவாய்ப்பு) விசா விண்ணப்பதாரர்களில் 65 சதவிகிதம் ஆகும் என அறிக்கை கூறுகிறது.

இது குறித்து கார்செட்டி, “இந்தியாவுடனான எங்கள் கூட்டாண்மை மிக முக்கியமான இருதரப்பு உறவுகளில் ஒன்றாகும், உண்மையில், உலகின் மிக முக்கியமான உறவுகளில் ஒன்றாகும். எங்களுடைய மக்களிடையேயான உறவுகள் முன்னெப்போதையும் விட வலுவாக உள்ளன, மேலும் வரும் மாதங்களில் எங்கள் சாதனை அளவிலான விசா பணியைத் தொடருவோம்” என்றார்.

Indians now make up over 10% per cent of US visa applicants

மேலும், அடுத்த ஆண்டு தொடக்கத்தில், தகுதியான H&L-வகை வேலைவாய்ப்பு விசா விண்ணப்பதாரர்களுக்கு உள்நாட்டு விசா புதுப்பித்தலை அனுமதிக்கும் ஒரு பைலட் திட்டத்தை செயல்படுத்த அமெரிக்கா திட்டமிட்டுள்ளது என்று அந்த அறிக்கையில் தெரிவிக்கப்பட்டுள்ளது.

இந்த நடவடிக்கை இந்திய தொழில்நுட்ப பணியாளர்களுக்கு குறிப்பிடத்தக்க வகையில் பயனளிக்கும், அவர்கள் அமெரிக்காவில் இருக்கும்போது தங்கள் விசாக்களை செயலாக்க முடியும் என்று அது கூறியது.

இந்தியர்கள் ஆண்டுதோறும் முக்கால்வாசிக்கும் அதிகமான H-1B விசாக்களைப் பெறுகின்றனர், அதே நேரத்தில் L1 விசா வசதியும் இந்தியக் குடிமக்களில் பெரும்பகுதியினரால் பயன்படுத்தப்படுகிறது.

கோவிட்-19 தொற்றுநோய் காரணமாக விசா விண்ணப்பங்களைச் செயலாக்குவதில் உள்ள பின்னடைவை நிவர்த்தி செய்வதற்காக ஜனவரி மாதம் அமெரிக்க தூதரகம் முதல் முறையாக விண்ணப்பிப்பவர்களுக்கு விசாக்களை விரைவாகச் செயலாக்குவதற்காக அலுவலகங்களை திறந்தது. மேலும், புதிய விசாவிற்கு நேர்காணல் விலக்கு தகுதியையும் மிஷன் நீட்டித்துள்ளது

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“