கேரள பாதிரியார் மான்சிஞர் ஜார்ஜ்க்கு கார்டினல் பதவி; போப் பிரான்சிஸ் அறிவிப்பு

2020 ஆம் ஆண்டு முதல் போப் பிரான்சிஸின் சர்வதேச பயணங்களை ஏற்பாடு செய்து வரும் கேரளாவைச் சேர்ந்த பாதிரியாருக்கு கார்டினல் பதவி உயர்வு வழங்கப்பட்டுள்ளது. ரோமன் கத்தோலிக்க திருச்சபை மொத்தம் 21 பாதிரியார்களுக்கு "கார்டினல்" பதவி உயர்வு வழங்கப்பட்டது. 

இதில், 51 வயதான மான்சிஞர் மான்சிக்னர் ஜார்ஜ் ஜேக்கப் கூவக்காட்டிக்கும் ஞாயிற்றுக்கிழமை  கார்டினல் பதவி வழங்கப்பட்டதாக திருச்சபை தெரிவித்துள்ளது. சங்கனாச்சேரி சீரோ மலபார் உயர்மறைமாவட்டத்தைச் சேர்ந்த பாதிரியார், தற்போது வாடிகனில் உள்ளார்.

கார்டினல் பதவி உயர்வுக்கான விழா டிசம்பர் 8 ஆம் தேதி நடைபெறும் என அறிக்கையில் தெரிவிக்கப்பட்டுள்ளது.

2006 ஆம் ஆண்டில், பொன்டிஃபிகல் எக்லெசியாஸ்டிகல் அகாடமியில் தனது உருவாக்கத்தை முடித்த பிறகு, கூவக்காட் வாடிகன் அரசாங்க சேவையில் சேர்ந்தார். அல்ஜீரியா, தென் கொரியா, ஈரான், கோஸ்டாரிகா மற்றும் வெனிசுலாவில் உள்ள அப்போஸ்தலிக் நன்சியேச்சர்களில் இவர் பணியாற்றியுள்ளார்.

ஆகஸ்ட் 11, 1973-ல், திருவனந்தபுரத்தில் பிறந்த கூவக்காட், ஜூலை 24, 2004 இல் பாதிரியாராக நியமிக்கப்பட்டார், பின்னர் மதிப்புமிக்க போன்டிஃபிகல் எக்லெசியாஸ்டிகல் அகாடமியில் அரசாங்க சேவைக்கான பயிற்சியை பெற்றார். 

2006-ல், அல்ஜீரியாவில் உள்ள அப்போஸ்தலிக் நன்சியேச்சரில் தனது அரசாங்க சேவைக்கான வாழ்க்கையைத் தொடங்கினார்.  பல ஆண்டுகளாக, கூவக்காட் தென் கொரியாவில் (2009-2012) மற்றும் ஈரானில் (2012-2014) Nunciature செயலாளராக பல்வேறு முக்கியப் பதவிகளில் பணியாற்றி உள்ளார்.

2020 ஆம் ஆண்டில், அவர் புனித சீயின் மாநிலச் செயலகத்தில் சேர்ந்தார், அங்கு அவர் போப்பின் உலகளாவிய பயணங்களை திட்டமிடும் பொறுப்பை ஏற்றுக் கொண்டார். 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“