Nobel Prize in Economics 2024: ராயல் ஸ்வீடிஷ் அகாடமி ஆஃப் சயின்ஸின் நோபல் கமிட்டி, நாடுகளுக்கிடையேயான செழுமையில் உள்ள வேறுபாடுகள் குறித்த ஆராய்ச்சிக்காக இவர்களுக்கு பொருளாதாரத்துக்கான நோபல் பரிசு அறிவித்து கவுரவித்துள்ளது.
ஆங்கிலத்தில் படிக்க: Daron Acemoglu, Simon Johnson and James A Robinson win Nobel Economics Prize
பொருளாதாரத்திற்கான நோபல் நினைவு பரிசு, நாடுகளுக்கிடையேயான செழுமையின் வேறுபாடுகள் குறித்த ஆராய்ச்சிக்காக டேரன் அசெமோக்லு, சைமன் ஜான்சன் மற்றும் ஜேம்ஸ் ஏ ராபின்சன் ஆகியோருக்கு வழங்கப்பட்டது.
விருது பெற்ற மூன்று பேரும், “ஒரு நாட்டின் செழுமைக்கு சமூக நிறுவனங்களின் முக்கியத்துவத்தை நிரூபித்துள்ளனர்” என்று ராயல் ஸ்வீடிஷ் அகாடமி ஆஃப் சயின்ஸின் நோபல் கமிட்டி கூறியுள்ளது. மேலும், “மோசமான சட்ட விதிகளைக் கொண்ட சமூகங்கள் மற்றும் மக்களைச் சுரண்டும் நிறுவனங்கள் சிறந்த வளர்ச்சியையோ மாற்றத்தையோ உருவாக்காது. ஏன் என்பதைப் புரிந்துகொள்ள பரிசு பெற்றவர்களின் ஆராய்ச்சி உதவுகிறது.” என்று கூறியுள்ளது.
2024-ம் ஆண்டு பொருளாதாரத்துக்கான நோபல் பரிசு ஸ்டாக்ஹோமில் திங்கள்கிழமை அறிவிக்கப்பட்டது.
அசெமோக்லு மற்றும் ஜான்சன் மாசசூசெட்ஸ் தொழில்நுட்ப நிறுவனத்தில் (Massachusetts Institute of Technology)பணிபுரிகின்றனர், ராபின்சன் சிகாகோ பல்கலைக்கழகத்தில் ஆராய்ச்சியாளராக உள்ளார்.
இந்த பரிசு ஆல்ஃபிரட் நோபலின் நினைவாக பொருளாதார அறிவியலுக்கான ஸ்வீடன் வங்கியின் பரிசு என்று அழைக்கப்படுகிறது, இது டைனமைட்டைக் கண்டுபிடித்த 19-ம் நூற்றாண்டின் ஸ்வீடிஷ் தொழிலதிபர் மற்றும் வேதியியலாளரின் நினைவாக 1968-ல் மத்திய வங்கியால் நிறுவப்பட்டது. அவர் ஐந்து நோபல் பரிசுகளை நிறுவினார் - மருத்துவம், இயற்பியல், வேதியியல், இலக்கியம் மற்றும் அமைதி ஆகியவற்றுக்கான நொபல் பரிசு வெற்றியாளர்கள் கடந்த வாரம் அறிவிக்கப்பட்டனர்.
பொருளாதாரத்திற்கான இந்த பரிசு தொழில்நுட்ப ரீதியாக நோபல் பரிசு அல்ல என்று நோபல் தூய்மைவாதிகள் வாதிட்டாலும், நோபலின் நினைவு தினமான டிசம்பர் 10-ம் தேதி மற்றவர்களுடன் இது எப்போதும் வழங்கப்படுகிறது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/p3wtRwTxIlab0EpVy2x9.jpg)