Scotland provide free period products, Salman Rushdie health status today world news: இன்று உலக நாடுகளில் நடைபெற்ற முக்கிய நிகழ்வுகளை இப்போது பார்ப்போம்.
தைவான் அருகே மீண்டும் போர் பயிற்சிகளை அறிவித்த சீனா
தைவான் ஜனாதிபதி திங்களன்று புதிய அமெரிக்க காங்கிரஸின் பிரதிநிதிகளை சந்தித்ததைத் தொடர்ந்து, தைவானைச் சுற்றி பல இராணுவப் பயிற்சிகளை சீனா அறிவித்துள்ளது. அமெரிக்க எம்.பி.,க்கள் தைவானுக்கு ஆதரவளிப்பதைத் தொடர்ந்து, சீனா தனது சொந்த உரிமைகோரலை வெளிப்படுத்தும் அடையாளமாக இந்தப் பயிற்சிகளை அறிவித்துள்ளது.
![publive-image publive-image](https://img-cdn.thepublive.com/filters:format(webp)/tamil-ie/media/media_files/uploads/2022/08/Taiwan_US_China_69824-a040e.jpg)
அமெரிக்க சபாநாயகர் நான்சி பெலோசி தைவானுக்குப் பயணம் செய்து இரண்டு வாரங்களுக்குள் அமெரிக்க எம்.பி.,க்களின் பயணம் அமைந்துள்ளது. நான்சி பெலோசியின் வருகையை கண்டிக்கும் வகையில் சீனா இராணுவப் பயிற்சிகளை அறிவித்து அச்சுறுத்தியது.
இதையும் படியுங்கள்: இலங்கையில் தமிழ் அமைப்புகள் மீதான தடை நீக்கம்: ரணிலின் திடீர் முடிவின் பின்னணி என்ன?
இந்த வருகைகள், சீனாவில் இருந்து சுதந்திரம் பெறுவதற்கான ஆதரவாக அமெரிக்க அரசியல்வாதிகளுக்கும் தைவானின் அரசாங்கத்திற்கும் இடையிலான முறையான தொடர்புகளாக சீனா கருதுகிறது.
தைவானைச் சுற்றியுள்ள கடல்கள் மற்றும் வானங்களில் கூடுதல் கூட்டுப் பயிற்சிகள் திங்களன்று சீன மக்கள் விடுதலை இராணுவத்தால் அறிவிக்கப்பட்டன என்று பாதுகாப்பு அமைச்சகமும் அதன் கிழக்கு படைப்பிரிவும் ஒரு அறிக்கையில் தெரிவித்துள்ளன.
இலவசமாக பீரியட்ஸ் பொருட்களை வழங்க ஸ்காட்லாந்து புதிய சட்டம்
திங்கட்கிழமை முதல் நடைமுறைக்கு வரும் புதிய சட்டத்தின் மூலம் இலவச பீரியட்ஸ் தயாரிப்புகளை அணுகுவதற்கான உரிமையைப் பாதுகாக்கும் உலகின் முதல் நாடாக ஸ்காட்லாந்து மாறும்.
நவம்பர் 2020 இல் பீரியட்ஸ் தயாரிப்புகள் (இலவசமாக வழங்க) (ஸ்காட்லாந்து) சட்டத்தை ஒருமனதாக நிறைவேற்றுவதன் மூலம் ஸ்காட்டிஷ் பாராளுமன்றம் மாற்றத்தை அறிமுகப்படுத்தியது. பொது கட்டிடங்களில் சுகாதாரப் பொருட்களை இலவசமாக அணுகுவதை சட்டப்பூர்வமாக சட்டமாக்கியது.
அந்த நேரத்தில், ஸ்காட்லாந்தின் முதல் மந்திரி நிக்கோலா ஸ்டர்ஜன் "அடிப்படையான சட்டத்தை" பாராட்டினார், மேலும் இது பெண்கள் மற்றும் சிறுமிகளுக்கு முக்கியமானது என்று கூறினார்.
மீண்டு வருகிறார் சல்மான் ருஷ்டி
சல்மான் ருஷ்டி "மீண்டு வருகிறார்" என்று அவரது முகவர் ஞாயிற்றுக்கிழமை உறுதிப்படுத்தினார், "The Satanic Verses" ஆசிரியரான சல்மான் ருஷ்டி நியூயார்க்கில் ஒரு விரிவுரையில் கத்தியால் குத்தப்பட்டதில் பலத்த காயம் அடைந்தார்.
![publive-image publive-image](https://img-cdn.thepublive.com/filters:format(webp)/tamil-ie/media/media_files/uploads/2022/08/ap-3.jpg)
சல்மான் ருஷ்டியால் சனிக்கிழமை வென்டிலேட்டரில் இருந்து அகற்றப்பட்டு பேச முடிந்தது என்ற செய்தியைத் தொடர்ந்து, இலக்கிய முகவர் ஆண்ட்ரூ வைலி, ருஷ்டியின் "நிலை சரியான திசையில் சென்றாலும்" அவர் குணமடைவது நீண்டதாக இருக்கும் என்று எச்சரித்தார்.
75 வயதான சல்மான் ருஷ்டி, கல்லீரல் பாதிக்கப்பட்டு, ஒரு கை மற்றும் கண்ணில் நரம்புகள் துண்டிக்கப்பட்டதால், அவர் இழக்க நேரிடும் என்று வைலி முன்பு கூறியிருந்தார்.
தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil