Sri Lanka Church Bomb Blast: 'தொடர் குண்டுவெடிப்பில் 3 இந்தியர்கள் பலி' - மத்திய அமைச்சர் சுஷ்மா ஸ்வராஜ்

இலங்கை மக்கள் வதந்திகளை நம்பவேண்டாம். அமைதி காக்குமாறு அதிபர் சிறிசேன வேண்டுகோள் விடுத்துள்ளார். குண்டு வெடிப்புக்கான பின்னணியை கண்டறிய அரசு அனைத்து நடவடிக்கைகளையும் எடுத்து வருகிறது. குண்டு வெடிப்பு சம்பவத்தின் பின்னால் இருக்கும் சூழ்ச்சி என்ன என்பது பற்றி துரித விசாரணை நடைபெற்று வருகிறது. விசாரணைக்கு ஒட்டுமொத்த மக்களும் ஒத்துழைப்பு வழங்க வேண்டும் என இலங்கை அதிபர் அலுவலகம் தெரிவித்துள்ளது.

'ஈஸ்டர் திருநாளான இன்று இலங்கையில் நடந்த இந்த துயரத்தில் பாதிக்கபட்ட மக்களுக்கு ஆறுதல் சொல்ல வார்த்தைகள் இல்லை' என ரஜினிகாந்த் தனது ட்விட்டரில் குறிப்பிட்டுள்ளார்.

ஈஸ்டர் திருநாளான இன்று இலங்கையில் நடந்த இந்த துயரத்தில் பாதிக்கபட்ட மக்களுக்கு ஆறுதல் சொல்ல வார்த்தைகள் இல்லை.

— Rajinikanth (@rajinikanth) 21 April 2019

இலங்கையில் இன்று நடத்தப்பட்ட தொடர் குண்டுவெடிப்பில் பலி எண்ணிக்கை 207 ஆக உயர்ந்துள்ளது. இந்நிலையில், ட்விட்டர், ஃபேஸ்புக், வாட்ஸ் ஆப் போன்ற சமூகத் தளங்களை இலங்கை அரசு முடக்கியுள்ளது. வதந்திகள் பரவாமல் இருக்க இந்நடவடிக்கை என இலங்கை அரசு தெரிவித்துள்ளது.

இலங்கை குண்டு வெடிப்பு : உதவி எண்களை அறிவித்தது இந்திய தூதரகம் - 947779-03082, 94112-422788, 94112-422789.

இந்திய கிரிக்கெட் அணியின் கேப்டன் விராட் கோலி தனது ட்விட்டரில், "இலங்கையில் இருந்து வெளிவரும் செய்திகளை கேட்கையில் மிகவும் அதிர்ச்சியாக இருக்கிறது. தாக்குதலுக்கு ஆளானவர்களுக்காக நான் வேண்டிக் கொள்கிறேன்" என்று பதிவிட்டுள்ளார்.

Shocked to hear the news coming in from Sri Lanka. My thoughts and prayers go out to everyone affected by this tragedy. #PrayForSriLanka

— Virat Kohli (@imVkohli) 21 April 2019

திமுக தலைவர் முக ஸ்டாலின் தன்னுடைய கண்டனங்களை டிவிட்டரில் பதிவிட்டுள்ளார் 

#Colombo குண்டுவெடிப்பு சம்பவங்களும், உயிர்ப்பலிகளும் இதயத்தை நொறுக்குகிறது.

இதன் பின்னணியில் உள்ள மதவெறி - இனவெறி உள்ளிட்ட எந்தவிதமான சக்திகளாக இருந்தாலும் அடையாளம் கண்டு கடும் நடவடிக்கை எடுக்க வேண்டும்!

மனிதநேயத்திற்கு விடப்பட்ட சவாலை மனிதாபிமான சக்திகள் முறியடிக்க வேண்டும்.

— M.K.Stalin (@mkstalin) 21 April 2019

இலங்கையில் அவசர நிலை பிரகடனப்படுத்தப்பட்டுள்ளதை தொடர்ந்து, வழிப்பாடுத் தலங்கள், மத தலைவர்கள் வசிக்கும் இடங்களுக்கு துப்பாக்கி ஏந்திய பாதுகாப்பு அளிக்க உத்தரவு பிறக்கப்பிக்கப்பட்டுள்ளது.

இன்று காலை வரை 6 இடங்களில் மட்டுமே குண்டு வெடிப்பு நிகழ்ந்த நிலையில், ஏழாவதாக மீண்டும்  கொழும்புவில் குண்டுவெடிப்பு. தற்போது நிகழ்ந்த குண்டு வெடிப்பில் 2 நபர்கள் பலி

இலங்கையில் நடந்த தாக்குதல்  குறித்து உலக தலைவர்கள் தங்களின் கண்டனங்களை பதிவு செய்து வருகின்றனர். தற்போது பிரதமர் மோடி தன்னுடைய கண்டனத்தை தன்னுடைய ட்விட்டர் பக்கத்தில்  அறிவித்துள்ளார். இலங்கை மக்களின் இழப்பிலும் துயரிலும் இந்தியா பங்கேற்கிறது. விபத்தில் காயமடைந்தவர்கள் விரைவில் குணமடைய வேண்டிக்க்கொள்கின்றேன் என்று ட்வீட் செய்துள்ளார்  

Strongly condemn the horrific blasts in Sri Lanka. There is no place for such barbarism in our region. India stands in solidarity with the people of Sri Lanka. My thoughts are with the bereaved families and prayers with the injured.

— Chowkidar Narendra Modi (@narendramodi) 21 April 2019

இலங்கை சென்ற நடிகை ராதிகா அங்கிருக்கும் சின்னமன்கிராண்ட் என்ற ஹோட்டலில் தங்கியுள்ளார். அங்கிருந்து வெளியேறிய சில மணி நேரங்களில் வெடி குண்டு தாக்குதல் நடைபெற்றுள்ளது. அதிர்ஷ்டவசமாக உயிர் தப்பியது குறித்து தன்னுடைய ட்விட்டரில் கருத்து வெளியிட்டுள்ளார். 

OMG bomb blasts in Sri Lanka, god be with all. I just left Colombo Cinnamongrand hotel and it has been bombed, can’t believe this shocking.

— Radikaa Sarathkumar (@realradikaa) 21 April 2019

6 இடங்களில் தொடர் குண்டு வெடிப்பு நடைபெற்றதை தொடர்ந்து 2 நாட்களுக்கு விடுமுறை அளிக்கப்பட்டுள்ளது. மேலும் பலி எண்ணிக்கை 160 ஆக உயர்ந்துள்ளதாக அறிவிக்கப்பட்டுள்ளது. 

இலங்கையில் இன்று நடைபெற்ற தாக்குதல் குறித்தும், உங்கள் உறவினர்கள் குறித்த உடனடியான தகவல்களைப் பெற இந்த எண்களை தொடர்பு கொள்ளவும் என்று இந்திய ஹை கமிஷன் அலுவலகத்தின் அதிகாரப்பூர்வ ட்விட்டர் தளம் எண்களை அறிவித்துள்ளது. 

In addition to the numbers given below, Indian citizens in need of assistance or help and for seeking clarification may also call the following numbers +94777902082 +94772234176

— India in Sri Lanka (@IndiainSL) 21 April 2019

தற்போது வெளியாகியுள்ள தகவலின் படி இந்த தாக்குதலில் இதுவரை 30க்கும் மேற்ப்பட்டோர் பலியாகியுள்ளனர். 300க்கும் மேற்பட்டோர் மருத்துவமனையில் அனுமதிக்கப்பட்டுள்ளனர்.

இந்திய வெளியுறவுத் துறை அமைச்சர் சுஷ்மா ஸ்வராஜ், ”கொழும்புவில் இருக்கும் இந்தியாவின் ஹை கமிஷ்னரிடம் இருந்து தகவல்களை பெற்று வருகின்றோம். இலங்கையில் தற்போது நிலவி வரும் சூழல் குறித்து ஆராய்ந்து வருகின்றோம்” என்று கூறியுள்ளார்.

தேவாலயத்தில் இருந்து வெளியேறிய மக்கள் அங்கு நிலவி வரும் நிலைமையை வீடியோவாக படம் பிடித்து சமூக வலைதளங்களில் வெளியிட்டு வருகின்றனர். 

කටුවපිටිය පල්ලියේ කුමක් හෝ පිපීරීමක් 😐 @AzzamAmeen pic.twitter.com/3YlieWOlCa

— Mahesh Madusanka 🇱🇰❤️🇯🇵 (@MaheshNegombo) 21 April 2019

புனித அந்தோணியர் தேவாலயத்தில் நடத்தப்பட்ட தாக்குதலைத் தொடர்ந்து இடர்பட்ட இடத்தில் இருந்து வெளியேறிய மக்கள் 

An explosion reported at the premises of the St. Anthony's Church in Kochchikade Colombo #lka pic.twitter.com/3qlNBvV0Q0

— Aashik Nazardeen (@aashikchin) 21 April 2019

தாக்குதலில் 150க்கும் மேற்பட்டவர்கள் படுகாயம் அடைந்துள்ளதாகவும், அவர்களை மருத்துவமனையில் அனுமதித்துள்ளதாகவும் தகவல்கள் வெளியாகியுள்ளன. 

#EasterSundayAttacksLK Multiple explosions in churches and hotels today; nearly 150 admitted to hospitals. #lka

— Roel Raymond (@kataclysmichaos) 21 April 2019

6 இடங்களில் நடைபெற்ற வெடிகுண்டு தாக்குதலில் 25 பேர்  பலியாகியுள்ளனர். தாக்குதல் நடைபெற்ற இடங்களில் நேரில் வந்து மேற்பார்வையிட உள்ளார் அந்நாட்டின் அதிபர் மைத்ரிபால சிறிசேன

நான்கு தேவாலயங்கள் மற்றும் இரண்டு நட்சத்திர உணவு விடுதிகளில் குண்டு வெடித்துள்ளது. கொழும்புவில் பாதுகாப்பு நடவடிக்கைகள் அதிகரிக்கப்பட்டுள்ளது.

2009ம் ஆண்டு நடைபெற்ற உள்நாட்டுப் போருக்கு பின்னால் நடைபெற்றுள்ள மிகப் பெரிய தாக்குதல் இதுவாகும். தேவாலயங்களில், குறிப்பாக தலைநகரில் இதற்கு முன்பு வரை இது போன்ற வெடி குண்டு தாக்குதல் நடைபெற்றதில்லை என்று கூறப்படுகிறது.