scorecardresearch

இந்திய வம்சாவளி அமைச்சர் ராஜினாமா; லிஸ் ட்ரஸூக்கு அதிகரிக்கும் நெருக்கடி… உலகச் செய்திகள்

இந்திய வம்சாவளி அமைச்சர் ராஜினாமா; லிஸ் ட்ரஸூக்கு அதிகரிக்கும் நெருக்கடி; கோத்தபய ராஜபக்சேவுக்கு உச்ச நீதிமன்றம் சம்மன்… இன்றைய உலகச் செய்திகள்

இந்திய வம்சாவளி அமைச்சர் ராஜினாமா; லிஸ் ட்ரஸூக்கு அதிகரிக்கும் நெருக்கடி… உலகச் செய்திகள்

இன்று உலக நாடுகளில் நடைபெற்ற முக்கிய நிகழ்வுகளை இப்போது பார்ப்போம்.

இந்தியர்கள் உக்ரைனை விட்டு வெளியேற தூதரகம் அறிவுறுத்தல்

உக்ரைனில் உள்ள இந்தியத் தூதரகம், இந்திய குடிமக்களை விரைவில் உக்ரைனை விட்டு வெளியேறுமாறு கேட்டுக் கொண்டுள்ளது.

ஒரு ஆலோசனையில், கிழக்கு ஐரோப்பிய நாடான உக்ரைனுக்கு பயணம் செய்ய வேண்டாம் என்று இந்திய குடிமக்களுக்கு தூதரகம் அழைப்பு விடுத்துள்ளது.

இதையும் படியுங்கள்: இங்கிலாந்திற்கான இந்திய மாணவர் விசா தேவை 89% அதிகரிப்பு… உலகச் செய்திகள்

“பாதுகாப்பு நிலைமை மோசமடைந்து வருவதைக் கருத்தில் கொண்டு, உக்ரைன் முழுவதும் போர்கள் அதிகரித்து வருவதைக் கருத்தில் கொண்டு, இந்திய குடிமக்கள் உக்ரைனுக்குச் செல்வதைத் தவிர்க்க அறிவுறுத்தப்படுகிறார்கள்” என்று தூதரகம் தெரிவித்துள்ளது.

“தற்போது உக்ரைனில் உள்ள மாணவர்கள் உட்பட இந்திய குடிமக்கள், கிடைக்கக்கூடிய வழிகளில் விரைவில் உக்ரைனை விட்டு வெளியேற அறிவுறுத்தப்படுகிறார்கள்,” என்றும் தூதரகம் கூறியுள்ளது.

ஹபீஸ் தலா சயீத்தை கருப்பு பட்டியலில் சேர்க்க சீனா முட்டுக்கட்டை

லஷ்கர்-இ-தொய்பா தலைவர் ஹபீஸ் சயீதின் மகனும் பாகிஸ்தானை தளமாகக் கொண்ட தீவிரவாதி அமைப்பைச் சேர்ந்தவனுமான ஹபீஸ் தலா சயீத்தை கருப்பு பட்டியலில் சேர்க்க ஐ.நா.,வில் இந்தியாவும் அமெரிக்காவும் முன்வைத்த யோசனையை சீனா புதன்கிழமை நிறுத்தி வைத்துள்ளது.

46 வயதான ஹபீஸ் தல்ஹா சயீத், லஷ்கர் பயங்கரவாதக் குழுவின் முக்கியத் தலைவரும், 26/11 மும்பை பயங்கரவாதத் தாக்குதலுக்கு மூளையாக செயல்பட்ட ஹபீஸ் சயீத்தின் மகனும் ஆவார்.

இந்த ஆண்டு ஏப்ரலில் இந்திய அரசு அவரை பயங்கரவாதியாக அறிவித்தது.

ஐநா பாதுகாப்பு கவுன்சிலின் 1267 அல் கொய்தா தடைக் குழுவின் கீழ் ஹபீஸ் தலா சயீத்தை சேர்க்கும் முன்மொழிவை சீனா நிறுத்தி வைத்ததாக அறியப்படுகிறது.

பாகிஸ்தானை தளமாகக் கொண்ட பயங்கரவாதியை உலகளாவிய பயங்கரவாதியாக அறிவிக்க இந்தியாவும் அமெரிக்காவும் சமர்ப்பித்த கோரிக்கையை சீனா நிறுத்தி வைப்பது இரண்டு நாட்களுக்குள் இது இரண்டாவது முறையாகும்.

இந்திய வம்சாவளி அமைச்சர் ராஜினாமா; லிஸ் ட்ரஸூக்கு அதிகரிக்கும் நெருக்கடி

பிரிட்டனின் சுயெல்லா பிராவர்மேன் புதன்கிழமை உள்துறை மந்திரி பதவியை ராஜினாமா செய்தார், அவர் அரசாங்க விதிகளை மீறியதால் பதவி விலக நேர்ந்தது, ஆனால் பிரதமர் லிஸ் ட்ரஸின் அரசாங்கத்தின் வழிகாட்டுதல் குறித்து தனக்கு கவலைகள் இருப்பதாகக் கூறினார்.

ஒரு வாரத்திற்குள் அரசாங்கத்தை விட்டு வெளியேறிய இரண்டாவது மூத்த அமைச்சர் சுயெல்லா பிரேவர்மேன் ஆவார். இவர் வெளியேறுவது, நாடாளுமன்றத்திற்குள் நுழைந்த ஆறு வாரங்களுக்குப் பிறகு அதிகாரத்தில் இருக்க போராடும் லிஸ் ட்ரஸ் மீது இன்னும் அழுத்தத்தை குவிக்கிறது.

மியான்மர் சிறையில் குண்டுவெடிப்பு; 8 பேர் மரணம்

மியான்மரின் மிகப்பெரிய சிறைச்சாலையில் பார்சல்களுக்குள் இருந்த வெடிகுண்டுகள் புதன்கிழமை வெடித்ததில், ஏற்பட்ட மோதலில் வீரர்கள் திருப்பித் துப்பாக்கிச் சூடு நடத்தினர், இதில் குறைந்தது எட்டு பேர் கொல்லப்பட்டனர் என்று அரசு ஊடகங்களும் சாட்சிகளும் தெரிவித்தனர்.

இன்சைன் சிறைச்சாலையில் நடந்த தாக்குதலுக்கு ஆயுதமேந்திய இராணுவ எதிர்ப்புக் குழு பொறுப்பேற்றுள்ளது, இது சமூக ஊடகங்களில் வெளியிடப்பட்ட ஒரு அறிக்கையில், “இது (ஜூண்டா தலைவர்) மின் ஆங் ஹ்லைங்கிற்கு எதிரான பதிலடி” என்று கூறியது.

“இன்று… பர்மாவின் சிறப்புப் பணி நிறுவனம் (STA), சிறைத் தலைவரை கொல்ல இரண்டு தாக்குதல்களை நடத்தியது. எங்கள் புரட்சித் தோழர்களைத் தொடர்ந்து ஒடுக்கியதற்காக மின் ஆங் ஹ்லைங் மற்றும் சிறை அதிகாரிகளுக்கு எதிராக நாங்கள் பதிலடி கொடுக்கிறோம்,” என்று அது கூறியது.

கோத்தபய ராஜபக்சேவுக்கு உச்ச நீதிமன்றம் சம்மன்

2011 ஆம் ஆண்டு காணாமல் போன இரண்டு செயற்பாட்டாளர்கள் தொடர்பில் நீதிமன்றத்தில் ஆஜராகுமாறு பதவி நீக்கம் செய்யப்பட்ட அதிபர் கோத்தபய ராஜபக்சவிற்கு சம்மன் அனுப்புமாறு இலங்கையின் உச்ச நீதிமன்றம் புதன்கிழமை அதிகாரிகளுக்கு உத்தரவிட்டது, ஏனெனில் அவர் தற்போது அரசியலமைப்பு பதவியில் இல்லை.

sri lanka crisis, sri lanka protests, Gotabaya Rajapaksa, Gotabaya Rajapaksa resign, sri lanka crisis live updates, sri lanka news, sri lanka live updates, Ranil Wickremesinghe, இலங்கை அதிபர் கோத்தபய ராஜபக்சே ராஜினாமா, கோத்தபய ராஜபக்சே, இலங்கை செய்திகள், இலங்கை அப்டேட்ஸ், sri lanka government, sri lanka economic crisis, sri lanka president house stormed, sri lanka news, colombo news,sri lanka vs pakistan,india,india sri lanka,sri lanka news,sri lanka president,india vs sri lanka,sri lanka crisis,sri lanka population,sri lanka currency,rajapaksa,gotabaya rajapaksa sri lanka,gotabaya rajapaksa,srilanka,sri lanka prime minister,president of sri lanka,inr to sri lanka,sri lanka pm,sri lanka capital,australia vs sri lanka,population of sri lanka,sri lanka economic crisis,sri lanka time,sri lanka capital and currency,sri lanka vs pakistan,srilanka pm

யாழ்ப்பாணத்தின் வடக்கு மாவட்டத்தில் இரண்டு மனித உரிமை ஆர்வலர்களான லலித் வீரராஜ் மற்றும் குகன் முருகானந்தன் ஆகியோர் காணாமல் போனது தொடர்பாக தாக்கல் செய்யப்பட்ட வழக்கில் 73 வயதான கோத்தபய ராஜபக்சே சாட்சியம் அளிக்க வேண்டும்.

கோத்தபய ராஜபக்சே தனது மூத்த சகோதரர் மஹிந்த ராஜபக்ஷவின் தலைமையின் கீழ் பாதுகாப்பு அமைச்சில் சக்திவாய்ந்த அதிகாரியாக இருந்தபோது, ​​நாட்டின் நீண்ட உள்நாட்டுப் போர் முடிவடைந்த 12 ஆண்டுகளுக்கு முன்பு, அந்த 2 மனித உரிமை ஆர்வலர்கள் காணாமல் போயினர்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Stay updated with the latest news headlines and all the latest International news download Indian Express Tamil App.

Web Title: Suella resigns bomb blast in myanmar ukraine indian embassy alert today world news