தேடுதல் வேட்டை தோல்வி... காணாமல் போன நீர்மூழ்கிக் கப்பலில் இருந்த 5 பேரும் மரணம்!

Titanic Submarine Search Tamil News: 'ஆர்.எம்.எஸ் டைட்டானிக்' பயணிகள் கப்பல் கடந்த 15 ஏப்ரல் 1912 அன்று இங்கிலாந்தின் சவுத்தாம்ப்டனில் இருந்து அமெரிக்காவின் நியூயார்க் நகரத்திற்கு தனது முதல் பயணத்தை தொடங்கியது. அப்போது பனிப்பாறையின் இடிபாடுகளில் சிக்கி வடக்கு அட்லாண்டிக் பெருங்கடலில் மூழ்கியது. இந்த சம்பவம் குறித்து 1998ல் வெளிவந்த 'டைட்டானிக்' திரைப்படம் சூப்பர் டூப்பர் ஹிட் அடித்தது.

இந்நிலையில், கடலில் மூழ்கிய அந்த டைட்டானிக் கப்பலின் சிதிலம் அடைந்த பாகங்களை பார்க்க பலரும் ஆர்வத்துடன் உள்ளனர். டைட்டானிக் கப்பலின் உடைந்த பாகங்கள் தரைப்பரப்பில் இருந்து 3,800 மீ கீழே உள்ளது. டைட்டானிக்கின் சிதைந்த பாகங்கள் கனடாவில் உள்ள செயின்ட் ஜான்ஸ், நியூஃபவுண்ட்லாந்திற்கு தெற்கே சுமார் 435 மைல்கள் (700 கிமீ) தொலைவில் கடலுக்கு அடியில் உள்ளது.

அவ்வகையில், டைட்டானிக் கப்பலை பார்க்க சுற்றுலா பயணங்களை நடத்தும் நிறுவனம்தான் ஓஷன் கேட் (the OceanGate). கடந்த 2021 ஆம் ஆண்டு தொடங்கப்பட்ட இந்த நிறுவனத்திடம் பல்வேறு சிறிய அளவிலான சுற்றுலா நீர்மூழ்கி கப்பல்கள் உள்ளன. அதில் பயணம் செய்ய ஒரு நபருக்கு 2,50,000 அமெரிக்க டாலர்கள் செலவாகும்.

இந்நிலையில், கடந்த ஞாயிற்றுக்கிழமை டைட்டானிக் கப்பலை பார்க்க 5 சுற்றுலா பயணிகளுடன் 'தி டைட்டன்' நீர்மூழ்கி கப்பல் கடலுக்குள் சென்றது. நடுஇரவில் சென்ற இந்த கப்பல் உள்ளே சென்ற 6 மணி நேரத்தில் காணாமல் போய் உள்ளது. இந்த டைட்டன் நீர்மூழ்கி கப்பலின் எடை 23,000lb (10,432 கிலோ) மற்றும் அவர்களின் கணக்கீடு படி, 13,100 அடி வரை ஆழத்தை எட்டும் திறன் கொண்டதாகும்.

கடலில் மாயமாய் போன கப்பலில் இருந்த ஐந்து பேரில் பிரிட்டிஷ் பணக்காரர் மற்றும் ஆய்வாளர் ஹமிஷ் ஹார்டிங், 58; பாகிஸ்தானில் பிறந்த வணிக அதிபர் ஷாஜதா தாவூத், 48, மற்றும் அவரது 19 வயது மகன் சுலேமான், (இருவரும் பிரிட்டிஷ் குடிமக்கள்) பிரெஞ்சு கடல்சார் ஆய்வாளரும் டைட்டானிக் நிபுணருமான பால்-ஹென்றி நர்ஜோலெட், 77, அவர் பலமுறை கடலுக்குள் சென்றுள்ளார். மற்றும் ஸ்டாக்டன் ரஷ், அமெரிக்க நிறுவனர் மற்றும் ஓஷன் கேட்டின் தலைமை நிர்வாகி. இவர் தான் நீர்மூழ்கிக் கப்பலை இயக்கி வந்தார்.

பல நாடுகளைச் சேர்ந்த மீட்புக் குழுக்கள் ஆயிரக்கணக்கான சதுர மைல்கள் திறந்த கடல்களில் விமானங்கள் மற்றும் கப்பல்கள் மூலம் 22-அடி (6.7 மீட்டர்) தேடுதல் வேட்டை நடத்தினர். ஆனால், அந்த நீர்மூழ்கிக் கப்பல் கண்ணுக்கு புலப்படவே இல்லை. கடந்த செவ்வாய் மற்றும் புதன் கிழமைகளில் கனடா விமானத்தில் இருந்து இறக்கப்பட்ட சோனார் மிதவைகளைப் பயன்படுத்தி கடலுக்கு அடியில் எழுந்த சத்தத்தை கண்டறிய முயற்சி செய்தனர்.

மீட்பு கப்பல்களில் இருந்த சோனார் கருவிகளில் ஒருவிதம் சத்தம் பதிவாகிய நிலையில், தற்காலிகமாக நீர்மூழ்கிக் கப்பலில் இருந்தவர்கள் உயிருடன் இருப்பதாகவும், மேலோட்டத்தில் மோதி தொடர்பு கொள்ள முயற்சிப்பதாகவும் நம்பிக்கையை அளித்தது. ஆனால் ஒலியின் பகுப்பாய்வு முடிவில்லாதது என்றும், டைட்டனில் இருந்து சத்தம் வெளிப்பட்டிருக்காது என்றும் அதிகாரிகள் எச்சரித்தனர்.

டைட்டன் உயிர் பிழைத்திருந்தாலும், ஞாயிற்றுக்கிழமை காலை 8 மணியளவில் (1200 GMT) தண்ணீருக்குள் நுழைந்தபோது கப்பலில் இருந்த காற்று சென்றது 96 மணிநேரமாக மதிப்பிடப்பட்டது, அதாவது வியாழன் காலைக்குள் ஆக்சிஜன் தீர்ந்து போயிருக்கலாம் என்று முடிவு செய்யப்பட்டது. மேலும், நீர்மூழ்கி கப்பலின் மேல், கீழ், பின் பக்க பகுதிகள் கண்டுபிடிக்கப்பட்ட காரணத்தால் இந்த தேடுதல் வேட்டை நிறைவு பெற்றதாகவும், நீர்மூழ்கி கடலில் மூழ்கி இருக்கலாம் என்று அறிவிக்கப்பட்டது. மேலும், அதில் பயணம் செய்த 5 பேருமே உயிரிழந்துவிட்டதாக அறிவிக்கப்பட்டுள்ளது.

டைட்டானிக் கப்பலின் அருகிலேயே 1600 அடி ஆழத்தில் இந்த கப்பலின் பாகங்கள் கண்டுபிடிக்கப்பட்டன. இந்த விபத்திற்கு Catastrophic Implosion தான் காரணம் என்று கடலோர காவல்படை அதிகாரிகள் கூறியுள்ளனர். அதாவது பேரழிவை ஏற்படுத்தும் உள்வெடிப்பு.

"இந்த மனிதர்கள் உண்மையான ஆய்வாளர்கள், அவர்கள் தனித்துவமான சாகச உணர்வைப் பகிர்ந்து கொண்டனர், மேலும் உலகின் பெருங்கடல்களை ஆராய்வதற்கும் பாதுகாப்பதற்கும் ஆழ்ந்த ஆர்வமுள்ளவர்கள். இந்த துயரமான நேரத்தில் எங்கள் இதயங்கள் இந்த ஐந்து ஆன்மாக்கள் மற்றும் அவர்களின் குடும்பத்தின் ஒவ்வொரு உறுப்பினருடனும் உள்ளன."என்று ஓஷன் கேட் நிறுவனம் அதன் அறிக்கையில் தெரிவித்துள்ளது.

செய்தியாளர் சந்திப்பில் பேசிய அமெரிக்க கடலோர காவல்படை ரியர் அட்மிரல் ஜான் மாகர், "கனடா கப்பலில் இருந்து அனுப்பப்பட்ட ஆளில்லா ஆழ்கடல் ரோபோ, வியாழன் காலை, 2-1/2 மைல் (4 கிமீ) கடலுக்கு அடியில், நூற்றாண்டு பழமையான சிதைவின் வில்லில் இருந்து சுமார் 1,600 அடி (488 மீட்டர்) நீர்மூழ்கிக் கப்பலின் சிதைவைக் கண்டுபிடித்தது. சேம்பரில் இருந்து அழுத்தம் அறையின் பேரழிவு இழப்புடன் ஒத்துப்போகின்றன" என்றும் அவர் கூறினார்.

தமிழ்  இந்தியன்  எக்ஸ்பிரஸின்  அனைத்து செய்திகளையும் உடனுக்குடன்  டெலிகிராம்  ஆப்பில்  பெற https://t.me/ietamil