அமெரிக்க ஹெச்-1பி விசா: விண்ணப்பிப்பது எப்படி? யார் செலுத்த வேண்டும்? விலக்கு பெறுவது எப்படி?

அமெரிக்க குடியுரிமை மற்றும் குடிவரவு சேவைகள் (USCIS) அமைப்பு, ஹெச்-1பி விசா விண்ணப்பங்களுக்கான $100,000 கட்டணத்தை யார் செலுத்த வேண்டும் என்பது குறித்த திருத்தப்பட்ட வழிகாட்டுதல்களை அக்டோபர் 20 அன்று வெளியிட்டுள்ளது. அதிபர் டிரம்ப் செப்டம்பர் 19 அன்று பிறப்பித்த பிரகடனத்தைத் (proclamation) தொடர்ந்து இந்தக் கட்டண மாற்றங்கள் அமலுக்கு வந்துள்ளன.

இந்த செய்தியை ஆங்கிலத்தில் படிக்க

திங்கட்கிழமை வெளியிடப்பட்ட வழிகாட்டுதல், புதிய H-1B விசா விண்ணப்பங்களுக்கு $100,000 கட்டணம் யாருக்குப் பொருந்தும், என்னென்ன சூழ்நிலைகளில் பொருந்தும், எவ்வாறு விண்ணப்பிப்பது மற்றும் கட்டணத்தை எவ்வாறு செலுத்துவது போன்ற விவரங்களை அளிக்கிறது. அத்துடன், உள்துறை செயலாளரால் (Secretary of Homeland Security) வழங்கப்படும் விலக்குகளுக்கு (rare exceptions) முதலாளிகள் எப்படி விண்ணப்பிக்கலாம் என்பதையும் பார்ப்போம்.

$100,000 கட்டணம் யாருக்குப் பொருந்தும்?

புதிய வழிகாட்டுதலின்படி, செப்.21 கிழக்கு நேரப்படி அதிகாலை 12:01 மணிக்கு அல்லது அதற்குப் பிறகு தாக்கல் செய்யப்படும் ஹெச்-1பி விசா விண்ணப்பங்கள், பின்வரும் நிலையில் உள்ள பயனாளிக்காக (beneficiary) தாக்கல் செய்யப்பட்டால், $100,000 கட்டணத்தைச் செலுத்த வேண்டும்.

அமெரிக்காவிற்கு வெளியே இருக்கும் மற்றும் செல்லுபடியாகும் ஹெச்-1பி விசா இல்லாத நபர்களுக்காக தாக்கல் செய்யப்படும் விண்ணப்பங்கள்.

அமெரிக்காவில் இருக்கும் வெளிநாட்டவருக்கு (alien) தூதரக அறிவிப்பு (consular notification), துறைமுக நுழைவு அறிவிப்பு (port of entry notification) அல்லது விமானப் பயணத்திற்கு முந்தைய சோதனை (pre-flight inspection) ஆகியவற்றை கோரினால், அந்தக் கட்டணம் பொருந்தும் என்று USCIS தெரிவித்துள்ளது.

அதேபோல், செப்டம்பர் 21, கிழக்கு நேரப்படி அதிகாலை 12:01 மணிக்கு அல்லது அதற்குப் பிறகு தாக்கல் செய்யப்பட்ட ஒரு விண்ணப்பம், நிலை மாற்றம் (change of status) அல்லது தங்குவதற்கான திருத்தம்/நீட்டிப்பு (amendment or extension of stay) ஆகியவற்றைக் கோரி, ஆனால் அந்த வெளிநாட்டவர் நிலை மாற்றத்திற்கோ அல்லது நீட்டிப்பிற்கோ தகுதியற்றவர் என்று அமெரிக்க குடியுரிமை மற்றும் குடிவரவு சேவைகள் தீர்மானித்தால், பிரகடனம் பொருந்தும் மற்றும் $100,000 கட்டணத்தைச் செலுத்த வேண்டும்.

கட்டணச் செலுத்துதல் மற்றும் விண்ணப்ப நிராகரிப்பு

செப்டம்பர் 21, கிழக்கு நேரப்படி அதிகாலை 12:01 மணிக்கு அல்லது அதற்குப் பிறகு தாக்கல் செய்யப்படும் எந்தவொரு ஹெச்-1பி விசா விண்ணப்பமும், pay.gov மூலம் கட்டணம் செலுத்தியதற்கான நகலுடன் அல்லது உள்துறை செயலாளரிடமிருந்து பெற்ற விலக்கிற்கான ஆதாரத்துடனோ (evidence of an exception) சமர்ப்பிக்கப்பட வேண்டும். இந்த ஆவணங்கள் இல்லாமல் தாக்கல் செய்யப்படும் விண்ணப்பங்கள் நிராகரிக்கப்படும்.

உள்துறை செயலாளரின் விதிவிலக்குகள் (Exceptions)

$100,000 H-1B விசா கட்டணம் செலுத்துவதில் இருந்து விலக்குகள் 'அசாதாரணமான அரிய சூழ்நிலைகளில்' (extraordinarily rare circumstances) மட்டுமே உள்துறை செயலாளரால் வழங்கப்படும். விதிவிலக்குகள் கோரப்பட, பின்வரும் நிபந்தனைகள் பூர்த்தி செய்யப்பட வேண்டும். குறிப்பிட்ட வெளிநாட்டுப் பணியாளரின் அமெரிக்காவில் உள்ள இருப்பு தேசிய நலனில் (in national interest) உள்ளது என்று செயலாளரால் தீர்மானிக்கப்பட்டால். குறிப்பிட்ட வெளிநாட்டுப் பணியாளரின் பணிக்கு ஈடுசெய்ய அமெரிக்கப் பணியாளர் யாரும் கிடைக்கவில்லை (No American worker is available to fill the role) என்றால். அந்த வெளிநாட்டுப் பணியாளர் அமெரிக்கக் குடிமக்களின் பாதுகாப்பு அல்லது நலனுக்கு எந்தவித அச்சுறுத்தலையும் ஏற்படுத்தவில்லை என்றால்.

$100,000 விசா கட்டணத்தை செலுத்துவது எப்படி?

H-1B விசா விண்ணப்பதாரர்கள் (Petitioners), pay.gov இணையதளத்தில் வழங்கப்பட்டுள்ள வழிமுறைகளைப் பின்பற்றி $100,000 தொகையைச் செலுத்த வேண்டும்.