என்கிட்ட பிளவுஸ் மட்டும் 1000 இருக்கும்: கம்பம் மீனா வீடியோ

சேலைக்கு எடுப்பான தோற்றம் கொடுக்கும் பிளவுஸ்கள், இப்போது தனித்துவமான ஃபேஷன் அங்கமாகவே மாறியுள்ளன. காலத்துக்கு ஏற்ப மாறிவரும் இந்த ட்ரெண்டி பிளவுஸ் டிசைன்கள், பெண்களின் அழகை மெருகூட்டி, அவர்களை இன்னும் வசீகரமாகக் காட்டுகின்றன.

பிளவுஸ் என்பது வெறும் சேலைக்கு அணியும் ஒரு துணி அல்ல; அது ஒரு பெண்ணின் தனிப்பட்ட ஸ்டைலை வெளிப்படுத்தும் ஒரு முக்கியமான பகுதி. பார்ட்டி, திருமணம், அலுவலகம் அல்லது அன்றாட பயன்பாடு என எந்த ஒரு சூழலுக்கும் ஏற்ற வகையில் பிளவுஸ்களைத் தேர்வு செய்யலாம்.

அந்தவகையில் சீரியல் நடிகை கம்பம் மீனா பிளவுஸ் மீதான தனது காதலை கலட்டா தமிழ் யூடியூப் சேனலுக்கு அளித்த நேர்காணலில் பகிர்ந்து கொண்டார். 

"ஒரு ரூம் இருக்கு. ஆனா, அதை உங்ககிட்ட காட்டமாட்டேன். அது ஒரு பெரிய குடோன் மாதிரி இருக்கும். அதுக்குள்ளதான் எல்லா சீரியலுக்கான டிரெஸ், துணினு எல்லாத்தையும் வெச்சிருப்பேன். ஒரு ரூமையும் அதற்காகவே ஒதுக்கியிருக்கேன். 

என்கிட்ட ஒரு ஆயிரம் பிளவுஸ் இருக்கும். எங்கயாவது வெளிய கிளம்பனும்னா, அந்த ரூம்க்குள்ள போனேன், அவ்வளவு தான். ராத்திரி ரெண்டு மணி ஆனாலும் வெளிய வர மாட்டேன். மேட்சிங் ப்ளவுஸ் தேடி எடுக்க கொஞ்சம் டைம் ஆகும். நாளைக்கு ஒரு ஃபங்ஷன் இருக்கு, இல்லனா நாளைக்கு ஷூட்டிங்க்கு காஸ்டியூம் எடுத்து வைக்கணும்னா, முதல் நாள் ராத்திரி அந்த ரூம்குள்ள போய் எல்லாம் எடுத்து வச்சிருவேன். 

View this post on Instagram

A post shared by Meena Sellamuthu (@kambam_meena_sellamuthu_)

நார்மலா யூஸ் பண்ற பிளவுஸ், ஃபங்க்ஷனுக்கு போற பிளவுஸ்னு எல்லாத்தையும் தனித்தனியா பேக் பண்ணி வெச்சிருப்பேன். ஒரு கப்போர்டு முழுக்க சேலைகள் இருக்கும். நாளைக்கு கூட ஒரு ஷூட் இருக்கு, அதுல "மேடம் எங்களுக்காக ஒரு வாயல் புடவை ஏதாவது இருக்கா, எடுத்துட்டு வாங்க"னு கேட்டிருக்காங்க. நான் அதெல்லாம் தேடணும், இருக்கும்னு நினைக்கிறேன்!” என்று கம்பம் மீனா அந்த பேட்டியில் பகிர்ந்து கொண்டார்.