ஹெல்த் இன்சூரன்ஸ் போடும் பலரும் செய்யும் தப்பு... எடுத்தும் பிரயோஜனம் இல்ல; நீங்களும் அத பண்ணாதீங்க!

நவீன வாழ்க்கையில் உடல்நலப் பிரச்சனைகள், அவசர சிகிச்சைகள், மருத்துவ செலவுகள் என எப்போது வேண்டுமானாலும் ஏற்படும் சூழலில், ஆயுள் காப்பீடு அல்லது மருத்துவ காப்பீடு திட்டங்கள் அவசியமாகி விட்டன. எதிர்பாராத மருத்துவச் செலவுகளுக்கு நிதி பாதுகாப்பு அளிப்பதற்காக பலரும் பல்வேறு காப்பீட்டு திட்டங்களை எடுத்து வைக்கின்றனர்.

ஆனால், காப்பீட்டு திட்டம் எடுக்கும் போது சிலர் செய்யும் சிறிய தவறுகள் தான் பின்னர் பெரிய நஷ்டமாக மாறுகிறது. அந்த தவறுகள் காரணமாக மருத்துவமனை செலவை முழுமையாகப் பெற முடியாமல் போவதோடு, சில சமயங்களில் க்ளைம் முற்றிலும் நிராகரிக்கப்பட வாய்ப்பும் உண்டு.

இதோ, ஆயுள் காப்பீடு அல்லது மருத்துவ காப்பீடு திட்டம் எடுக்கும் முன் தவிர்க்க வேண்டிய முக்கிய 5 தவறுகள்:

1. பாலிசி விலக்குகளை அறியாமல் இருப்பது

பலரும் “பாலிசி வாங்கிவிட்டால் எல்லா சிகிச்சைகளும் காப்பீட்டில் கவராகிவிடும்” என தவறாக நம்புகிறார்கள். ஆனால் ஒவ்வொரு காப்பீட்டிலும் சில விலக்குகள் (Exclusions) இருக்கும் — அதாவது சில நோய்கள், சிகிச்சைகள், அல்லது அறுவைச் சிகிச்சைகள் காப்பீட்டு வரம்பில் இருக்காது.
அவற்றை பாலிசி ஆவணத்தில் முன்பே வாசித்து தெளிவாக புரிந்து கொள்ள வேண்டும். ஒருவேளை முன்பே தெரியாமல் வாங்கி இருந்தால், பாலிசி புதுப்பிக்கும் (Renewal) போதாவது அவற்றை தெரிந்து கொள்ளுவது அவசியம்.

2. காத்திருப்பு காலத்தை (Waiting Period) புறக்கணித்தல்

இது பலருக்கும் தெரியாத முக்கிய தவறு. இன்சூரன்ஸ் நிறுவனங்கள் சில நோய்களுக்கு ஒரு காத்திருப்பு காலம் நிர்ணயித்திருக்கும். அதாவது, பாலிசி எடுத்து சில மாதங்கள் அல்லது ஆண்டுகள் முடிவதற்கு முன் அந்த நோய்க்காக சிகிச்சை எடுத்தால், க்ளைம் ஏற்கப்படாது.
எனவே, நீங்கள் எந்த நோய்க்கு காப்பீடு பெறுகிறீர்கள் என்பதற்கேற்ப அந்த காத்திருப்பு காலத்தைத் தெரிந்து வைத்திருப்பது மிக அவசியம்.

3. நெட்வொர்க் மருத்துவமனை தேர்வில் அலட்சியம்

பல காப்பீட்டு நிறுவனங்கள் தங்களுக்கென நெட்வொர்க் மருத்துவமனை பட்டியல் வைத்திருக்கும். அதில் உள்ள மருத்துவமனைகளில் சிகிச்சை பெற்றால் தான் ‘கேஷ்லெஸ்’ வசதி கிடைக்கும்.
நீங்கள் பட்டியலில் இல்லாத மருத்துவமனையில் சிகிச்சை எடுத்தால், செலவுகளை முழுவதும் நீங்களே ஏற்க வேண்டி வரும். எனவே உங்கள் இன்சூரன்ஸ் நிறுவனத்தின் நெட்வொர்க் ஹாஸ்பிடல் பட்டியலை ஆண்டுக்கு குறைந்தது இரண்டு முறை சரிபார்க்குவது நல்லது.

4. இன்சூரன்ஸ் நிறுவனத்திடம் தகவல் தெரிவிக்க மறப்பது

மருத்துவ அவசர நிலை ஏற்பட்டதும் மருத்துவமனையில் அனுமதிக்கப்பட்ட பிறகு, உடனே இன்சூரன்ஸ் நிறுவனத்திடம் தகவல் தெரிவிக்க வேண்டும். பெரும்பாலான நிறுவனங்கள், “அனுமதிக்கப்பட்ட 24 மணி நேரத்துக்குள்” தகவல் தெரிவிக்க வேண்டும் என்ற நிபந்தனையை விதித்துள்ளன.
இதை செய்ய தவறினால், உங்கள் க்ளைம் நிராகரிக்கப்படலாம். எனவே அனுமதி உடனேயே நிறுவனத்துடன் தொடர்பு கொள்ளுவது முக்கியம்.

5. தேவையான ஆட்-ஆன்களை வாங்க மறந்துவிடுதல்

பலர் குறைந்த பிரீமியம் கொண்ட ‘பட்ஜெட் ஃபிரண்ட்லி’ பாலிசியை தேர்வு செய்கிறார்கள். ஆனால் பெரிய மருத்துவச் செலவுகளுக்கு அது போதாது.
எனவே, உங்களுக்கு தேவையான கூடுதல் பாதுகாப்பு அளிக்கும் Add-on Covers (Critical Illness, Personal Accident, Maternity Cover போன்றவை) வாங்குவது புத்திசாலித்தனமான முடிவு.

ஒரு ஆயுள் காப்பீட்டு பாலிசி எடுப்பது நம் எதிர்காலத்துக்கான நிதி பாதுகாப்பை உறுதிசெய்கிறது. ஆனால் அதைப் புரிந்துகொள்ளாமல் எடுத்தால், அதே காப்பீடு நம் மீது சுமையாக மாறும்.

எனவே, பாலிசி நிபந்தனைகள், விலக்குகள், காத்திருப்பு காலம், நெட்வொர்க் மருத்துவமனைகள் ஆகிய அனைத்தையும் முன்பே நன்கு ஆராய்ந்து, தேவையான ஆட்-ஆன்களுடன் காப்பீட்டு திட்டத்தை தேர்வு செய்யுங்கள். அப்போது மட்டுமே உங்கள் காப்பீடு உண்மையில் ஒரு பாதுகாப்பு கவசமாக இருக்கும்.