ஆயுர்வேதத்தின் பண்டைய அறிவியல் உலகம் முழுவதும் பெரிதும் பின்பற்றப்படுகிறது.
காலநிலை மாற்றம் தோல் அதன் நித்திய பளபளப்பை இழக்க வழிவகுக்கும், இந்த காலகட்டத்தில் ஆரோக்கியமான, ஊட்டமளிக்கும் தோல் பராமரிப்பு வழக்கத்துடன் நமது சருமத்தை அமைதிப்படுத்துவதை உறுதி செய்ய வேண்டும்.
சருமத்தில் பயன்படுத்தப்படும் தயாரிப்புகளில் ஒருவர் கவனமாக இருக்க வேண்டும், எனவே அனைத்து இயற்கை பொருட்களையும் பயன்படுத்துவது மற்றும் ஆயுர்வேதத்தின் பழமையான பாரம்பரியங்களில் நமது நம்பிக்கையை வைத்திருப்பது அவசியம். நீங்கள் ஆயுர்வேதத்தின் தீவிர பிரியராக இருந்தால், வயதானதை எதிர்த்துப் போராடும் இந்த ஐந்து ஆயுர்வேத தோல் ஹேக்குகளை நீங்கள் முயற்சிக்க வேண்டும்.
சந்தனப் பொடி
அரை தேக்கரண்டி சந்தனப் பொடியில் சில துளிகள் தண்ணீர் சேர்க்கவும். பேஸ்ட்டை முகம், கழுத்து முழுவதும் தடவி 10 நிமிடம் கழித்து கழுவவும். இது முகப்பரு மற்றும் எண்ணெய் சருமத்தை எதிர்த்துப் போராடும் போது சுருக்கங்கள் மற்றும் நேர்த்தியான கோடுகளை குறைக்கிறது.
எலுமிச்சை சாறு, கோதுமை மாவு, மஞ்சள் தூள்
மூன்று பொருட்களையும் கலக்கவும். எலுமிச்சை சாறுக்கு பதிலாக தயிர் பயன்படுத்தலாம். முகம் முழுவதும் தடவி உலர விடவும். எலுமிச்சைச் சாற்றில் உள்ள அமிலங்கள் முகத்தில் உள்ள கரும்புள்ளிகளை நீக்குகிறது. மஞ்சள் உங்கள் முகத்தை பிரகாசமாக்குகிறது. எலுமிச்சையில் உள்ள வைட்டமின் சி சருமத்திற்கு தேவையான நெகிழ்ச்சித்தன்மையை அளிக்கிறது.
பால்
பால் ஒரு சிறந்த ஆயில் ஃபிரீ க்ளென்சர் மற்றும் இது சருமத்தை வறண்டு போக செய்யாது. சருமத்துளைகள் எண்ணெய்யால் அடைக்கப்படாமல் இருக்க, உங்கள் முகத்தை பாலில் கழுவவும்.
தேன்
வறண்ட சருமம் மட்டுமின்றி எண்ணெய் சருமத்திற்கும் ஈரப்பதம் தேவை. தேன் ஒரு சிறந்த இயற்கை மாய்ஸ்சரைசர். ஒரு மெல்லிய அடுக்கில் தேனை முகம் முழுவதும் தடவி 15 நிமிடம் கழித்து கழுவவும்.
முல்தானி மட்டி
ஒரு தேக்கரண்டி முல்தானி மிட்டியை எடுத்துக் கொள்ளவும். ரோஸ் வாட்டருடன் சுமார் மூன்று தேக்கரண்டி கலக்கவும். முகம் மற்றும் கழுத்தில் தடவவும். பேக் முழுவதுமாக காய்ந்ததும் முகத்தை கழுவவும். இது உங்களுக்கு எண்ணெய் இல்லாத, மென்மையான மற்றும் தெளிவான சருமத்தை வழங்க மதிப்புமிக்க மூலிகைகள் அடங்கிய தனித்துவமான பேக் ஆகும்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
Stay updated with the latest news headlines and all the latest Lifestyle news. Download Indian Express Tamil App - Android or iOS.