பொட்டாசியம், பாஸ்பரஸ் நிறைய இருக்கு: தாவரங்கள் செழிப்பா வளர 'வாழைப்பழத் தோல் உரம்' இப்படி யூஸ் பண்ணுங்க

தூய்மையான காற்று, தண்ணீர், உணவு இந்த மூன்றும் தான் ஆரோக்கிய வாழ்க்கைக்கு அடிப்படை. அதற்கு நீங்கள் கிராமத்தில் இருக்க வேண்டிய அவசியமில்லை. அபார்ட்மெண்ட் வீடுகளில்கூட மரம், செடி, கொடி வளர்க்கலாம். அதிலும் தோட்டக்கலை என்பது கழிவுகளை மதிப்புமிக்க ஒன்றாக மாற்றுவதாகும்.

அதில் ஒன்று வாழைப்பழத் தோலை உரமாக பயன்படுத்துவது.

வாழைப்பழத் தோலில், உரங்களில் பயன்படுத்தக்கூடிய பல்வேறு ஊட்டச்சத்துக்கள் நிறைந்துள்ளன, அதில் பொட்டாசியம், பாஸ்பரஸ் மற்றும் கால்சியம் ஆகியவை அடங்கும். இந்த ஊட்டச் சத்துக்கள் தாவரங்களின் இனப்பெருக்க திறன்களிலும் அவற்றின் வளர்ச்சியிலும் ஒரு முக்கிய செயல்பாட்டை வகிக்கின்றன.

இன்ஸ்டாகிராமில் லைஃப்ஸ் குட் கிச்சன் பகிர்ந்த ஒரு போஸ்ட், இந்த ஹேக் ஏன் கேம் சேஞ்சர் என்பதை விளக்குகிறது.

View this post on Instagram

A post shared by Life’s Good Kitchen (@lifesgood_kitchen)

உலகின் முன்னணி வாழைப்பழ உற்பத்தியாளரான இந்தியா, அதிக அளவு வாழைப்பழத் தோல்க் கழிவுகளை உருவாக்குகிறது என்கிறார் ஒன் எர்த் அறக்கட்டளையின் இயக்குநரும் இணை நிறுவனருமான ஃபெர்டின் சில்வெஸ்டர்.

வாழைத்தோல் உரங்களின் பயன்பாடு நமது நாட்டின் நிலைத்தன்மை இலக்குகளுடன் ஒத்துப்போகிறது, ஒரு வட்டப் பொருளாதாரத்தை ஊக்குவிக்கிறது, ரசாயன உரங்களைச் சார்ந்திருப்பதைக் குறைக்கிறது. கழிவுகளை நிர்வகிக்கவும் விவசாய உற்பத்தியை அதிகரிக்கவும் உள்ளூர் சமூகங்களுக்கு அதிகாரம் அளிக்கிறது.

பாரம்பரிய உரங்கள், வேகமாக செயல்படும். அவை மண்ணில் ஏற்றத்தாழ்வுகளுக்கு பங்களிக்கும், நன்மை செய்யும் நுண்ணுயிரிகளுக்கு தீங்கு விளைவிக்கும்.  அவை விரைவான ஊட்டச்சத்து ஊக்கத்தை அளிக்கின்றன, ஆனால் மற்றும் சுற்றுச்சூழலுக்கு தீங்கு விளைவிக்கும், என்று சில்வெஸ்டர் விளக்குகிறார்.

பொதுவான உரங்களைப் போலல்லாமல், வாழைப்பழத் தோல்கள் திறமையானதாகவும், சுற்றுச்சூழலுக்கு உகந்ததாகவும் இருக்கும். செயற்கை ரசாயனங்கள் சுற்றுச்சூழலுக்கும் மனித ஆரோக்கியத்திற்கும் மிகவும் ஆபத்தானவை.

வாழைத்தோலை இந்த வழியில் பயன்படுத்துவது, நுண்ணுயிர் எதிர்ப்பிகள் மற்றும் ரசாயனங்கள் இல்லாத இயற்கையான தோட்டக்கலை செயல்முறையை ஊக்குவிக்கிறது.

வாழைப்பழத்தோலால் அதிக பயன் தரும் தாவரங்கள்

வாழைப்பழத் தோல் உரங்கள் பூக்கும் மற்றும் பழ தாவரங்கள் போன்ற பரந்த அளவிலான தாவரங்களுக்கு பயனுள்ளதாக இருக்கும், அங்கு வாழைத்தோலில் உள்ள பொட்டாசியம் பூக்கும் உற்பத்தியை ஊக்குவிக்கிறது மற்றும் பாஸ்பரஸ் முறையே பழ வளர்ச்சிக்கு உதவுகிறது.

எப்படி பயன்படுத்துவது?

வாழைபழத் தோல் உரங்களை 4-6 வாரங்களுக்கு ஒருமுறை செடிகளுக்குச் சேர்த்து சிறந்த விளைச்சல் பெறலாம். இருப்பினும், வெவ்வேறு தாவரங்கள் மற்றும் மண் நிலைகளுக்கு ஃபிரிகுவன்சி வித்தியாசமாக இருக்கலாம்.

ஒவ்வொரு 2-4 வாரங்களுக்கும் தாவரங்களுக்குப் பயன்படுத்தப்படும் தண்ணீரில் தோலை ஊறவைத்து வாழைபழத்தோல் தேநீர் தயாரிக்கலாம்.

புதிய மற்றும் உலர்ந்த வாழைப்பழத் தோல்கள்

புதிய தோல்கள் மெதுவாக சிதைந்து, காலப்போக்கில் ஊட்டச்சத்துக்களை வெளியிடுகின்றன. இதன் குறைபாடுகளில் ஒன்று இது பூச்சிகளை ஈர்க்கும். இருப்பினும், உலர்ந்த தோல்கள் புதிய தோல்களை விட வேகமாக சிதைவடைகின்றன, இதனால் தாவரங்களால் ஊட்டச்சத்துக்கள் உறிஞ்சப்படுவதை அதிகரிக்கிறது, மேலும் சேமிப்பதற்கும் எளிதாக இருக்கும்.

சுற்றுச்சூழல் பங்களிப்பு

வாழைப்பழத் தோல்கள் உரங்களாக நிலையானவை மற்றும் நல்ல கழிவுகளைக் குறைக்கும் தீர்வாகும்.

அவற்றை முக்கிய வணிக அளவிலான உரங்களாகப் பயன்படுத்துவது, மாசுபடுத்தும் பாரம்பரிய ரசாயன உரங்களின் தேவையை வெகுவாகக் குறைக்கும்.

ஒட்டுமொத்தமாக, கரிம மற்றும் இயற்கை வாழைப்பழத்தோல் உரங்கள் மண்ணின் அமைப்பு மற்றும் ஊட்டச்சத்து உள்ளடக்கத்தை மேம்படுத்துகிறது, மேலும் முக்கியமாக, இயற்கையான நுண்ணுயிர் செயல்பாட்டை அதிகரிக்கிறது, ஆரோக்கியமான தாவரங்கள் மற்றும் நீண்ட கால நிலையான சுற்றுச்சூழல் அமைப்புக்கு வழிவகுக்கிறது.

Read in English: This is how banana peel fertilisers can transform your garden

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“