பூக்கும் தாவரங்களுக்கு 'வாழைப்பழத் தோல் உரம்': எப்படி பயன்படுத்துவது?

வாழைப்பழத் தோலில், உரங்களில் பயன்படுத்தக்கூடிய பல்வேறு ஊட்டச்சத்துக்கள் நிறைந்துள்ளன, அதில் பொட்டாசியம், பாஸ்பரஸ் மற்றும் கால்சியம் ஆகியவை அடங்கும். இந்த ஊட்டச் சத்துக்கள் தாவரங்களின் இனப்பெருக்க திறன்களிலும் அவற்றின் வளர்ச்சியிலும் ஒரு முக்கிய செயல்பாட்டை வகிக்கின்றன.

செயற்கை ரசாயன உரங்களைப் போலல்லாமல், வாழைப்பழத் தோல்கள் திறமையானதாகவும், சுற்றுச்சூழலுக்கு உகந்ததாகவும் இருக்கும்.

வாழைப்பழத்தோலால் அதிக பயன் தரும் தாவரங்கள்

வாழைப்பழத் தோல் உரங்கள் பூக்கும் மற்றும் பழ தாவரங்கள் போன்ற பரந்த அளவிலான தாவரங்களுக்கு பயனுள்ளதாக இருக்கும், அங்கு வாழைத்தோலில் உள்ள பொட்டாசியம் பூக்கும் உற்பத்தியை ஊக்குவிக்கிறது மற்றும் பாஸ்பரஸ் முறையே பழ வளர்ச்சிக்கு உதவுகிறது.

எப்படி பயன்படுத்துவது?

வாழைப்பழத் தோல் உரங்களை 4-6 வாரங்களுக்கு ஒருமுறை செடிகளுக்குச் சேர்த்து சிறந்த விளைச்சல் பெறலாம். இருப்பினும், வெவ்வேறு தாவரங்கள் மற்றும் மண் நிலைகளுக்கு ஃபிரிகுவன்சி வித்தியாசமாக இருக்கலாம்.

ஒவ்வொரு 2-4 வாரங்களுக்கும் தாவரங்களுக்குப் பயன்படுத்தப்படும் தண்ணீரில் தோலை ஊறவைத்து வாழைபழத்தோல் தேநீர் தயாரிக்கலாம்.

புதிய மற்றும் உலர்ந்த வாழைப்பழத் தோல்கள்

புதிய தோல்கள் மெதுவாக சிதைந்து, காலப்போக்கில் ஊட்டச்சத்துக்களை வெளியிடுகின்றன. இதன் குறைபாடுகளில் ஒன்று இது பூச்சிகளை ஈர்க்கும். இருப்பினும், உலர்ந்த தோல்கள் புதிய தோல்களை விட வேகமாக சிதைவடைகின்றன, இதனால் தாவரங்களால் ஊட்டச்சத்துக்கள் உறிஞ்சப்படுவதை அதிகரிக்கிறது, மேலும் சேமிப்பதற்கும் எளிதாக இருக்கும்.

ஒட்டுமொத்தமாக, கரிம மற்றும் இயற்கை வாழைப்பழத்தோல் உரங்கள் மண்ணின் அமைப்பு மற்றும் ஊட்டச்சத்து உள்ளடக்கத்தை மேம்படுத்துகிறது, மேலும் முக்கியமாக, இயற்கையான நுண்ணுயிர் செயல்பாட்டை அதிகரிக்கிறது, ஆரோக்கியமான தாவரங்கள் மற்றும் நீண்ட கால நிலையான சுற்றுச்சூழல் அமைப்புக்கு வழிவகுக்கிறது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“