எந்தக் கெமிக்கலும் வேணாம்... கை எரிச்சல் இல்லாமல் பாத்ரூம் பளீச்; வீட்டுல இருப்பவை போதும்!

வீட்டில் சுத்தம் செய்வதில் மிகவும் சிரமமான மற்றும் பலர் தள்ளிப் போடும் வேலை என்றால், அது “பாத்திரம் சுத்தம் செய்வது” அல்ல – “பாத்ரூம் சுத்தம் செய்வதே!” பாத்ரூம் என்பது தினசரி பயன்படுத்தப்படும் இடமாக இருக்கும்போது, அதனுடைய சுகாதாரத்தையும், சுத்தத்தையும் பராமரிப்பது மிகவும் அவசியம். ஆனால் அதற்கு எப்போதும் வாடகை வேலைக்காரர்கள், வலுவான ரசாயனங்கள், அலம்பல் தூள்கள் தேவைப்படுவதில்லை.

அதற்கு பதிலாக, வீட்டிலேயே உள்ள சில எளிய பொருட்களை கொண்டு பாத்ரூமை எளிதாக சுத்தம் செய்யும் வழி ஒன்றை, பலர் பயன்படுத்தி வருவதை தற்போது சமூக ஊடகங்களிலும் பார்க்கலாம். அதற்கான தயாரிப்பு மற்றும் பயன்படுத்தும் முறை கீழே தரப்பட்டுள்ளன.

வேண்டிய பொருட்கள்:

• பேக்கிங் சோடா – 2 ஸ்பூன்
• துணி துவைக்கும் சோப்புத்தூள் – 2 ஸ்பூன்
• வினிகர் (vinegar) – அரை கிளாஸ்

தயாரிக்கும் முறை:

1. முதலில் ஒரு கிண்ணம் எடுத்து அதில் பேக்கிங் சோடா மற்றும் சோப்புத் தூளை சேர்க்கவும்.
2. பின்னர் அதனுடன் அரை கிளாஸ் அளவு வினிகரை சேர்க்கவும்.
3. வினிகர் சேரும் போது கலவை ஒரு நிமிடம் பொங்கும் – இது இயற்கையான கெமிக்கல் ரியாக்ஷன்.
4. அந்த கலவையை பாத்ரூமில் ஆங்காங்கே – சுவர், தரை, வாடர் டப் என்று அணைத்து இடங்களிலும் தெளிக்கவும்.

பயன்படுத்தும் முறை:

• 10 நிமிடங்கள் அந்த கலவையை பாத்ரூமில் ஊற விட வேண்டும்.
• பிறகு ஒரு சாதாரண துப்புரவு ப்ரஷ் கொண்டு அந்த இடங்களை நன்றாக தேய்க்கவும்.
• அதன்பின் வெறும் தண்ணீரால் கழுவி விடுங்கள்.

பெறும் நன்மைகள்:

பாத்ரூம் சுத்தம் செய்வது சிரமம் என்று எண்ணும் அனைவருக்கும், இந்த எளிய வழி பெரிதும் உதவக்கூடியது. பேக்கிங் சோடா, சோப்புத்தூள் மற்றும் வினிகர் போன்ற எளிய பொருட்களைப் பயன்படுத்தி, வலுவான ரசாயனங்கள் இல்லாமலே பாதுகாப்பாக சுத்தம் செய்யலாம். இந்த இயற்கையான முறையால் உங்கள் வீட்டு பாத்ரூம் எப்போதும் சுத்தமாகவும், வாசனையாகவும் இருக்க முடியும். வாரம் ஒருமுறை இந்த முறையை பின்பற்றினால், சுகாதாரம் மட்டுமல்லாது வீட்டு ஒழுங்கும் சிறப்பாக இருக்கும். இயற்கையை ஆதரிக்கும் இந்த சுத்தம் செய்வது போன்ற சிறிய வழிமுறைகள், நமது வாழ்கையை ஆரோக்கியமாக மாற்றும் சிறந்த ஆரம்பமாக அமையும்.