பாத்ரூம் கிளீன் பண்றத நினைச்சாலே மலைப்பா இருக்கா? இந்த டிரிக் டிரை பண்ணுங்க ஈஸியா சுத்தம் செய்யலாம்!

குளியலறையை சுத்தம் செய்வது என்பது வீட்டின் வேலைகளில் மிகவும் கடினமான ஒன்று, அதிலும் குறிப்பாக குடும்பத்தில் உள்ள அனைவரும் அதைப் பயன்படுத்தும் போது! நோய் பரவுவதற்கு வாய்ப்புள்ள இடங்களில் இதுவும் ஒன்று என்பதால், குளியலறையை சுத்தமாக வைத்திருப்பது மிகவும் முக்கியம். இந்த டிப்ஸ் உங்கள் குளியலறையை சில நொடிகளிலேயே பளபளப்பாக்கி, கை வலிக்க தேய்க்க வேண்டிய அவசியமில்லாமல் செய்துவிடும்.

மேஜிக்கல் கிளீனிங் லிக்விட் தயாரிக்க தேவையான பொருட்கள்:

வேஸ்ட் டப்பா 
2 ஸ்பூன் சர்ஃப் பவுடர் (எந்த பிராண்டாகவும் இருக்கலாம்)
2 ஸ்பூன் பேக்கிங் சோடா 
1 முழு எலுமிச்சை
1.5 முதல் 2 ஸ்பூன் ஹார்பிக்
1.5 கிளாஸ் தண்ணீர்

வேஸ்டான டப்பாவில் சர்ஃப் பொடி, பேக்கிங் சோடா, எலுமிச்சை சாறு மற்றும் ஹார்பிக் சேர்த்து நன்கு கலக்கவும். பேக்கிங் சோடா மற்றும் எலுமிச்சை சேரும்போது நுரைத்து எழும். இது அழுக்குகளை நீக்குவதிலும், நல்ல வாசனையை உருவாக்குவதிலும் மிகவும் பயனுள்ளதாக இருக்கும்.

பின்னர், 1.5 கிளாஸ் தண்ணீர் சேர்த்து ஒரு குச்சியால் நன்கு கலக்கவும்.

இந்த கிளீனிங் லிக்விட் ஏன் சிறந்தது?

ஹார்பிக்கை தனியாகப் பயன்படுத்தும்போது அதன் நெடிய வாசனை பலருக்கு ஒவ்வாமையை ஏற்படுத்தும், குறிப்பாக ஆஸ்துமா போன்ற சுவாசப் பிரச்சனை உள்ளவர்களுக்கு. இதனால் மூச்சுத் திணறல், கை எரிச்சல் போன்றவை ஏற்படலாம். மேலும், தனியாகப் பயன்படுத்தும்போது ஹார்பிக் சீக்கிரம் தீர்ந்துவிடும். ஆனால், இந்த முறைப்படி மற்ற பொருட்களுடன் கலந்து பயன்படுத்தும்போது, ஹார்பிக்கின் நெடிய வாசனை குறையும், அதன் பயன்பாடு நீடிக்கும், பணமும் மிச்சமாகும்.

குளியலறையை சுத்தம் செய்யும் முறை

ஒரு ஜூஸ் பாட்டில் மூடியில் சிறிய ஓட்டைகளை போட்டு, அதில் நீங்கள் தயாரித்த கிளீனிங் லிக்விட்டை நிரப்பவும்.

குளியலறையின் தரை, சுவர்கள் மற்றும் கழிப்பறைப் பகுதிகளில் இந்த லிக்விட்டை நன்றாக தெளித்துவிடவும்.

அதிகமான உப்பு மற்றும் அழுக்கு கறைகள் இருந்தால், 15 நிமிடங்கள் ஊறவிடவும். குறைவான கறைகள் இருந்தால், உடனடியாக தேய்க்க ஆரம்பிக்கலாம்.

கைப்பிடியுள்ள ஸ்க்ரப்பர், துடைப்பம் அல்லது பிரஷ் கொண்டு மெதுவாகத் தேய்க்கவும். (கண்டிப்பாக கையுறைகளை அணிந்துகொள்ளுங்கள், ஏனெனில் ஹார்பிக் சிலருக்கு கை எரிச்சலை ஏற்படுத்தும்).

அழுத்தம் கொடுத்து தேய்க்க வேண்டிய அவசியமில்லை, லேசாகத் தேய்த்தாலே கறைகள் நீங்கிவிடும்.

தேய்த்த பிறகு, தண்ணீர் ஊற்றி கழுவவும். உங்கள் குளியலறை பளபளவென புதிதுபோல் மின்னும்!

இந்த முறைப்படி சுத்தம் செய்யும்போது, மாதத்திற்கு ஒரு முறை சுத்தம் செய்தாலே போதும், கறைகள் அவ்வளவு எளிதில் படியாது.

குளியலறையை எப்போதும் வாசனையுடன் வைத்திருக்க ஒரு எளிதான டிப்ஸ் இங்கே:

வேஸ்டான ஜூஸ் பாட்டில் ஒன்றை எடுத்துக்கொள்ளுங்கள். அதில் அரை மூடி கம்ஃபர்ட் மற்றும் ஒரு கிளாஸ் தண்ணீர் சேர்த்து நன்கு குலுக்கவும். பாட்டில் மூடியில் ஒரு சூடான கம்பியால் சிறிய ஓட்டைகளை போட்டு, இதை ஒரு ஸ்ப்ரே பாட்டிலாக பயன்படுத்தலாம்.

இந்த லிக்விட்டை குளியலறையின் ஓரமாக வைத்து, குளியலறைக்கு சென்று வரும்போதெல்லாம் சிறிதளவு தெளிக்கச் சொல்லுங்கள்.

இனி உங்கள் குளியலறை 24 மணி நேரமும் கமகமவென மணக்கும்! குழந்தைகளுக்கு இந்த பழக்கத்தைக் கற்றுக்கொடுப்பதன் மூலம் குளியலறை எப்போதும் சுத்தமாகவும் வாசனையாகவும் இருக்கும். அதிக விலை கொடுத்து வாசனைப் பொருட்களை வாங்க வேண்டிய அவசியமில்லை.

இனி குளியலறையை சுத்தம் செய்வது உங்களுக்கு கடினமான வேலையாக இருக்காது. இந்த மேஜிக்கல் கிளீனிங் லிக்விட்டை பயன்படுத்தி உங்கள் குளியலறையை செலவில்லாமல், எளிதாக, கை வலிக்காமல் பளபளப்பாக்குங்கள்!