குழம்பே வேணாம்... இந்த ஒரு கூட்டு மட்டும் போதும்; கல்யாண வீட்டு ஸ்டைலில் செஞ்சு அசத்துங்க!

இல்லத்தரசிகளுக்கு தினமும் என்ன குழம்பு செய்வது? என்ன பொரியல் செய்வது? என்பதே பலருக்கும் தலைவலியாக இருக்கும்  மூன்று வேளைக்கும் ஒரே டிஸ் செஞ்சு சாப்பிட்டா எப்படி இருக்கும் என்று பலர் நினைப்பதுண்டு. அந்த மாதிரி மூன்று வேளைக்கும் சாப்பிடும்படியான கல்யாண வீட்டு பீன்ஸ் கூட்டு  ரெசிபியை தான் இந்த தொகுப்பில் பார்க்கப் போகிறோம்.

தேவையான பொருட்கள்

தேங்கா - 2 மேஜைக் கரண்டி

சீரம் - 1/2  மேஜைக்கரண்டி

பீன்ஸ் - தேவையான அளவு

எண்ணெய் - தேவையான அளவு

காய்ந்த மிளகாய் - 5

வெங்காயம் - 1

தக்காளி - 1

பூண்டு - 3 பல்

மஞ்சள் பொடி  - தேவையான அளவு

உப்பு - தேவையான அளவு

மிளகாய் பொடி - தேவையான அளவு

பாசி பருப்பு - 2 1/2 மேஜைக்கரண்டி

கடலைப் பருப்பு - 1/2 மேஜைக்கரண்டி

செய்முறை:

ஒரு மிக்ஸி ஜாரில் தேங்கா மற்றும் சீரகத்தை சேர்த்து நன்றாக அரைக்கவும். ஒரு குக்கரில் எண்ணெய் ஊற்றி  கடுகு, காய்ந்த மிளகாய், வெங்காயம் சேர்த்து வதக்கவும். பின்னர் தக்காளி, பூண்டு அனைத்தையும் சேர்த்து வதக்க வேண்டும். இதனுடன் நறுக்கிய பீன்ஸ், மஞ்சள் பொடி, மிளகாய் பொடி, உப்பு சேர்த்து வதக்கவும். இதனுடன் ஊற வைத்த பாசி பருப்பு, கடலைப்பருப்பு ஆகியவற்றை சேர்த்து நன்கு வதக்கிய பின்னர் சிறிது சோம்பு மற்றும் கொஞ்சம் தண்ணீர் சேர்த்து இரண்டு விசில் வரும் வரை வேக விடவும்.

காய்கறிகள் வெந்ததும் அதனை கரண்டியை வைத்து மசித்து விடவேண்டும். இதனுடன் தேங்கா கலவையைச் சேர்த்து இரண்டு நிமிடம் கொதிக்க விட்டால் சுவையான கல்யாண வீட்டு பீன்ஸ் கூட்டு ரெடி. இந்த கூட்டை நீங்கள் சாதம், சப்பாத்தி என்று எல்லாத்திற்கும் வைத்து சாப்பிடலாம். லஞ்ச் பாக்ஸ் கூட வெறும் சாதத்தில் இந்த கூட்டைப் போட்டு நெய் ஊற்றி சாப்பிட்டால் சுவை தாறுமாறாக இருக்கும். 

View this post on Instagram

A post shared by Dhivya Kumar (@famousgg_official)