வெறும் வயிற்றில் இந்த 5 பழங்களைச் சாப்பிடுங்க! முழுப் பலனையும் அள்ளுங்க!

காலை உணவு என்பது நாள் முழுவதுக்குமான உங்கள் மனநிலையையும், ஆற்றலையும் தீர்மானிக்கும் மிக முக்கியமான ஒன்றாகும். ஆரோக்கியமான காலை உணவைத் தேர்ந்தெடுப்பதில் குழப்பமா? அப்படியென்றால், அதிகபட்ச ஆரோக்கியப் பலன்களைப் பெற, வெறும் வயிற்றில் சாப்பிட வேண்டிய 5 சிறந்த பழங்கள் பற்றி இந்தப் பதிவில் காணலாம்.

1. பப்பாளி:

வெறும் வயிற்றில் சாப்பிட சிறந்த பழங்களில் பப்பாளி முதன்மையானது. இதில் உள்ள பப்பேன் என்ற நொதி செரிமானத்திற்கு மிகவும் நல்லது. ஆக்ஸிஜனேற்றிகள் நிறைந்த பப்பாளி, உணவை உடல் சிறப்பாகச் செரிமானம் செய்ய உதவுகிறது.நார்ச்சத்து அதிகமிருப்பதால், இது எடையை கட்டுக்குள் வைக்கவும் உதவும்.

2. தர்பூசணி

தர்பூசணி அதிக நீர்ச்சத்து கொண்ட பழம். இது ரத்த அழுத்தத்தைச் சீராக்கி, இரும்புச்சத்தை உடல் உறிஞ்சுவதற்கு உதவுகிறது. மேலும், நோய் எதிர்ப்பு சக்தியை அதிகரிக்கிறது. இதில் பொட்டாசியம், தாமிரம், வைட்டமின் சி, ஏ மற்றும் பி5 போன்ற சத்துக்கள் நிறைந்துள்ளன. தர்பூசணி கொலாஜன் உற்பத்தியை மேம்படுத்தி, சருமத்தை மென்மையாக்கும். ரத்த சர்க்கரை அளவை அதிகரிக்காத ஒருசில பழங்களில் இதுவும் ஒன்று.

3. ஆரஞ்சு

ஆரஞ்சு போன்ற வைட்டமின் சி நிறைந்த பழங்கள் நோய் எதிர்ப்பு மண்டலத்தை வலுப்படுத்தி, உடலில் ஏற்படும் அழற்சியை குறைக்க உதவும். ஆரஞ்சு பழத்தில் வைட்டமின் பி, மெக்னீசியம், பொட்டாசியம் மற்றும் தாமிரம் போன்ற சத்துக்கள் அதிகம். இதில் கலோரிகள் குறைவாக இருப்பதால், இரும்புச்சத்தை உறிஞ்சுவதற்கும், நீரிழிவு நோயை நிர்வகிப்பதற்கும் இது உதவும். ஆனால், ஆரஞ்சு அமிலத்தன்மை கொண்டது என்பதால், வெறும் வயிற்றில் சாப்பிடுவது சிலருக்கு வயிற்று எரிச்சலை ஏற்படுத்தலாம்.

4. ஸ்ட்ராபெர்ரி

ஸ்ட்ராபெர்ரி மற்றும் பிற பெர்ரி வகைப் பழங்கள் வெறும் வயிற்றில் சாப்பிட ஏற்றவை. ஸ்ட்ராபெர்ரியில் நார்ச்சத்து, மெக்னீசியம் மற்றும் வைட்டமின் சி போன்ற சத்துக்கள் நிறைந்துள்ளன. வெறும் வயிற்றில் ரத்த சர்க்கரை அளவை அதிகரிக்காது. மேலும், நீரிழிவு நோய் வரும் அபாயத்தை குறைக்கவும் உதவும். ஸ்ட்ராபெர்ரி அழற்சி எதிர்ப்பு பண்புகளைக் கொண்டிருப்பதால், நோய் எதிர்ப்பு மண்டலத்தை மேம்படுத்த உதவுகிறது.

5. வாழைப்பழம்

வாழைப்பழத்தில் நார்ச்சத்து, பொட்டாசியம், வைட்டமின் பி6 மற்றும் வைட்டமின் சி போன்ற அத்தியாவசிய சத்துக்கள் உள்ளன. இது செரிமான ஆரோக்கியத்திற்கு உதவுவதுடன், ரத்த அழுத்தத்தைச் சீராக்க உதவுகிறது. இருப்பினும், வெறும் வயிற்றில் வாழைப்பழம் சாப்பிடுவது ரத்த சர்க்கரை அளவை அதிகரிக்கலாம் என்பதால், நீரிழிவு நோயாளிகளுக்கு இது ஆபத்தானது. எனவே, வெறும் வயிற்றில் வாழை சாப்பிடும்போது, நட்ஸ், ஓட்ஸ், தயிர் அல்லது தானியங்களுடன் சேர்த்து சாப்பிடுவது நல்லது.