கொட்டிய முடி கொத்துக் கொத்தாக வளரும்... கிச்சனில் இருக்கும் இந்த 2 பொருள் போதும்!

இன்றைய வேகமான வாழ்க்கை முறை, மன அழுத்தம், உணவுப் பழக்கவழக்கங்களில் ஏற்பட்ட மாற்றம், பராமரிப்பின் பிழைகள் ஆகியவை தலைமுடி உதிர்வுக்கு முக்கியக் காரணங்களாகக் கூறப்படுகின்றன. இது ஆண்கள் மற்றும் பெண்கள் இருவரையும் பாதிக்கும் பொதுவான பிரச்சனையாக மாறியுள்ளது. தலைமுடி சற்றே உதிர்ந்தாலே பெரும்பாலானோர் கவலையடைந்துவிடுகிறார்கள். ஆனால் சிலர் அதைப் பெரிதாக எண்ணாமல் தவறவிடுவதும் ஒரு சிக்கலாகும். இங்கே, முடி உதிர்வின் முக்கியமான காரணங்கள், அதன் தாக்கங்கள் மற்றும் வீட்டிலேயே முயற்சி செய்யக்கூடிய இயற்கை தீர்வுகள் பற்றி பார்க்கலாம்.

முடி உதிர்வின் முக்கிய காரணங்கள்

மன அழுத்தம் – அடிக்கடி மன அழுத்தத்திற்கு ஆளாகும் போது ஹார்மோன்களில் ஏற்படும் மாற்றம் முடி உதிர்வுக்கு காரணமாகிறது.

அளவில்லாத இரசாயன பயன்பாடு – சில ஷாம்பூ, ஹேர் டாய், ஸ்டைலிங் பொருட்களில் உள்ள ரசாயனங்கள் முடியை பாதிக்கக்கூடியவை.

தவறான உணவுமுறை – சத்தான உணவின் குறைபாடு, குறிப்பாக இரும்புச்சத்து மற்றும் புரதம் குறைவானால் முடி உதிரும்.

ஹார்மோன் மாற்றங்கள் – கர்ப்பம், பிரசவம், menopause போன்ற காலங்களில் ஹார்மோன் மாற்றங்களால் முடி உதிரும்.

தொற்று அல்லது தைராய்டு சிக்கல்கள் – சில உடல் நிலைகள் மற்றும் தோல் தொற்றுகள் முடியை பாதிக்கின்றன.

முடி உதிர்வின் விளைவுகள்

• தலைமுடியின் அடர்த்தி குறைவாகும்
• தன்னம்பிக்கை குறைபாடு
• சில நேரங்களில் முடி வளர்ச்சி முற்றிலும் நின்றுவிடும்
• இளமையின் தோற்றம் பாதிக்கப்படும்

தினசரி பராமரிப்பு வழிமுறைகள்

• வாரத்திற்கு 2 முறை எண்ணெய் போட்டு மசாஜ் செய்யவும்.
• ஷாம்பூவை வாரத்தில் 2 அல்லது 3 முறை மட்டுமே பயன்படுத்தவும்.
• தலைமுடியை அடிக்கடி விறைத்துடைக்க வேண்டாம். மென்மையாக உலர்த்த வேண்டும்.
• அதிக வெப்பத்திலான ஸ்டைலிங் சாதனங்களை (ஹேர் ட்ரையர், ஸ்டிரெயிடனிங்) தவிர்க்கவும்.
• தூக்கத்தை சீராக வைத்துக்கொள்ளவும்.

வீட்டிலேயே செய்யக்கூடிய இயற்கை வைத்தியம்!

உங்களுக்கு முடி உதிர்வு அளவுக்கு அதிகமாக இருந்தால் எந்த விதமான கெமிக்கல்கள் இல்லாமல் இந்த ஒரு வீட்டு வைத்தியத்தை பின்பற்றுங்கள். அதை செய்வதற்கு உங்களுக்கு மூன்று பொருட்கள் மட்டுமே தேவை. அது வெந்தையம், சின்ன வெங்காயம் மற்றும் தேங்காய் எண்ணெய் மட்டுமே. 

முதலில் சின்ன வெங்காயம் மற்றும் வெந்தயத்தை ஒரு இடிக்கல்லில் போட்டு நன்கு இடித்து அதை ஒரு சிறிய காட்டன் துணியில் பொட்டலம் போல சுற்றி எடுத்துக்கொள்ள வேண்டும். இப்போது ஒரு கடாயில் கொஞ்சம் தேங்காய் எண்ணெய் ஊற்றி அதை நன்கு சூடாக்க வேண்டும். இப்போது  சூடானதும் ஒரு பவுலில் ஊற்றி வைத்து அந்த பொட்டலத்தை இதில் ஒரு முழு நாள் ஊற வைக்க வேண்டும்.

அது நன்கு ஊறிய பின்பு, அந்த பொட்டலத்தை எடுத்து உங்கள் தலையில் நன்கு முடி இல்லாத இடங்களில் தேய்த்து மசாஜ் செய்தால் கண்டிப்பாக புதிய முடிகள் வளரும். 

View this post on Instagram

A post shared by Nalini Manickam (@nalinimanick)

முடிவாக...

முடி உதிர்வு ஒரு சாதாரண பிரச்சனை போலத் தெரிந்தாலும், அதைச் சரியான நேரத்தில் கவனித்தாலே நிரந்தர பாதிப்புகளை தவிர்க்க முடியும். இயற்கை பராமரிப்பு முறைகள் மற்றும் சீரான வாழ்க்கை முறைதான், ஆரோக்கியமான தலைமுடிக்கு வழிகாட்டியாக இருக்க முடியும். முடி உதிர்வைக் குறைக்க விரும்புகிறவர்கள், இன்று முதல் இந்த எளிய வழிமுறைகளை பின்பற்றத் தொடங்கலாம்!